Les Fartures

El programa entama entrevistando a Javier Farpón, cocineru y dueñu de Casa Farpón. Un chaval de 33 años que depués de cocinar en Casa Marcial, Auga y Regueiro, o sea, 3 de los meyores restoranes d’Asturies, decidió volver al pueblu de so ma, Mamorana, con namás 20 habitantes, iguar la cuadra del so güelu y abrir so propiu restorán. Agora amás, con una terraza espectacular con vistes a les Ubiñes.

Entrevistaremos a Alicia Andrés, directora del Festival Pan y Poesía, que va cellebrase nes cocines de la Llaboral el fin de selmana del 23-25 de Setiembre.

Finamos con David Remartínez, que va planteganos si una vaca holandesa criada en Tuilla ye una vaca asturiana o non.

El programa entama con Pablo Cabanón, que vien acompañáu d’un nuevu invitáu pa la so seición cervecera. Javi de Cerveza d’Equí, asituada en Cuallotu, al llau de l’antigua fábrica L’Aguila Negra. Javi tien un tap room, o sea, que puedes comer y beber la so cerveza nel mesmu sitiu onde se fabrica. Ganó amás va unos años el premiu a la meyor cerveza nel Barcelona Beer Festival cola so famosa MetalIPA.

Siguimos con Natalia, d’Animales Viajeros que va llevanos a la Sierra de Gata, va falanos de los sitios qu’hemos de visitar y onde podemos fartucar.

Acabaremos con David Rivas, que va seguir faciendo un percorriu pela historia de la sidra, güei va falar de la importancia de la botella de la sidra, y la importancia de la independencia de Cuba pa les exportaciones de la mesma.

El programa entama entrevistando a Edu Vazcot, importador/exportador de sidra, autor del blog de sidra Ciderguerrila, y miembru del “comité de sabios” qu’entamó la Candidatura pa que la Sidra sia Patrimoniu Inmaterial de la Humanidá. Falaremos de la so teoría revolucionaria sobre que la sidra empezó a facese nel restu Europa gracies a los peregrinos que volvíen del Camín de Santiago al so pasu por Asturies.

Estrenamos seición con Marcos Cienfuegos, que va falanos de la cocina de Mieres. Mieres como representación de la cuenca minera, y l’Asturies industrial, cola agricultura y ganadería como segunda actividá, supunxo una revolución dientro de la gastronomía asturiana. Marcos empieza valorando qu’esi movimientu fora entamáu peles muyeres, y va falanos de dalgún exemplu bien conocíu por toos y toes.

Finamos con David Remartínez, que nos propón facer una llista de criterios a la hora d’elexir un restaurán onde dir a comer. Abre la llista a les RRHH pa facela entre toos, y ameyorala, pa dientro d’un par de selmanes recoyer les meyores opiniones y asoleyales nel programa de radiu.

El programa entama con Confitería Conchi, confitería de Pola Llaviana, famosa polos sos bartolos. Pero tamién polos sos pasteles, roscones, bollos … Falaremos con Conchi y Jose, ún de los sos fíos. De la so historia, de les munches hores de trabayu qu’hai detrás, y, tamién, de tolos productos que faen.

Siguimos con Xurde Morán, percorriendo’l camín primitivu a Santiagu. Diremos pa Paladín, nel conceyu Les Regueres, onde pararemos na Villa Palatina, y nel famosu Casa Florinda, ún de los grandes sitios pa comer fabada n’Asturies.

Acabaremos con Javi Solís, que presenta la so nueva seición La Casa Gris, pa falar de la cultura y etnografía asturiana pero siempre dende un prisma gastronómicu. Güei estrenamos refranes asturianos venceyaos a la gastronomía.

El programa entama entrevistando a Edu Vazcot, importador/exportador de sidra, autor del blog de sidra Ciderguerrila, y miembru del “comité de sabios” qu’entamó la Candidatura pa que la Sidra sia Patrimoniu Inmaterial de la Humanidá. Falaremos de la so teoría revolucionaria sobre que la sidra empezó a facese nel restu Europa gracies a los peregrinos que volvíen del Camín de Santiago al so pasu por Asturies.

Estrenamos seición con Natalia d’Animalesa Viajeros (animalesviajeros.es) que va falanos de sitios prestosos pa visitar y comer fuera d’Asturies. Güei va falanos de Suances na vecina Cantabria.

Finamos con David Remartínez, que vuelve colos sos odios gastronómicos pa repunar acerca de la Hamburguesa Gourmet.

El programa entama con Julio Fernández, de Miel la Boalesa. Una cooperativa del occidente asturianu que fai miel. Amás, ye Presidente de la recién IXV Miel de Asturias, marca de calidá que ya tien más de 100 productores.

Siguimos con Mariana, de La Miga de Mariana, que va falanos de la PanTerapia, o cómo facer pan casero sirve como terapia pal ameyoramientu de la salú mental.

Acabaremos con David Rivas, que va seguir faciendo un percorriu pela historia de la sidra, güei va falar del vasu de sidra.

El programa entama entrevistando a Juán Alonso y Marian Alvarez, Casa Manunca. Nueva bodega de vinu de Cangas. Juan y Marian trabayaben n’Artadi, una de les meyores bodegues de vinu del mundiu, y Juan, nativu de Cangas siempre suañó con tornar a la tierra de so. Tres el fallecimientu d’Antón Chicote, iconu y pegoyu fundamental del vinu n’Asturies, Juan y Marian continúen cola so bodega faciendo los sos propios vinos.

David Rivas, que continua falando de la historia d’Asturies a través de la historia de la sidra. Un percorríu apasionante, ya nel SXX onde falamos del espoxigue que supunxo les fábriques de vidríu, sobre manera, en Xixón.

Finamos con David Remartínez, que va falanos na so versión amorosa de branu, de la Ensaladilla Rusa, o Ucraniana o … a saber.

El programa entama con Faustino Panizales, Tino. Del Llagar Panizales, un llagar artesanu en Espineo, Mieres. Tino, amás de facer sidra natural, ye un “alquimista” que foi de los primeros n’entamar a facer “la otra sidra”: la sidra de xelu, la sidra brut, y agora, novedaes como la sidra de fueu. Pero tamién nel so día xugó cola cerveza artesano. Una visión distinta onde amestamos tradición ya innovación dientro l’artesanía.

Siguimos con Xurde Morán, ya’l so percorríu del camín primitivu de Santiago. Seguiremos caleyando per Les Regueres, un conceyu abondo desconocíu pero con amplia ufierta cultural y gastronómica.

Acabaremos con Aitana Castaño, nel so caberu capítulu pa cómo sobrevivir un branu n’Asturies si yes subpayariegu. Rises, crítica social ya fina (o non) ironía. A la fin, repunancia astur.

El programa entama entrevistando a Marcos Cienfuegos, responsable del proyeutu Bocamina, onde podemos comer un menú degustación nun pozu mineru, con too’l menú pensáu como homenaxe a la mina. Marcos tamién va falanos de la gastronomía de Mieras cola que presentó’l so trabayu Fin del Gráu Superior de Direición de Cocina.

Finamos con David Remartínez, que va falanos de les guarniones tres unes vacaciones per Portugal.

El programa entama con Pedro Reguera, responsable gastronómicu de los restoranes de la fastera norte de Paradores. Un andochegu, que foi fotogógrafu de moda, gastronómicu y tamién cocinero per dellos restoranes, y amás cocineru de la Eurocopa 2016 y de la F1.

Siguimos con Menú del Obreru, una cuenta de Twitter que onde comer bonos menúes del día n’Asturies y a bon preciu. Pablo va cuntanos qué pidi pa qu’un menú del día seya un bon menú del día y onde comió los meyores menúes n’Asturies.

Acabaremos con Aitana Castaño, que va siguir dando conseyos a los subpayarianos pa sobrevivir un branu n’Asturies.