Les Fartures

El programa empieza con una entrevista a David, ún de los socios d’Aramar, el chiringuitu de playa asitiáu na playa del mesmu nome, en frente de Lluanco, onde lleven 5 años dando de comer meyor qu’en munchos restaurantes nun sitiu idílicu. Falaremos tamién del otru negociu qu’abrieron pal restu de l’añu, Muro Grill, nel Pantanu Tresona, con unes cristaleres enormes pa comer con unes vistes precioses al pantanu.

Seguiremos con Natalia, que va falanos de Zarauz (Guipúzcoa), qué ver, onde comer bien y tamién, onde dormir.

Finamos con Marcos Cienfuegos y los sos Sabores de Mieres. Güei va falanos d’un míticu de la gastronomía de Mieres: Casa Urbano.

El programa entama con una entrevista a Ana Marcos y Elena Fernández, una psicóloga catalana y una pedagoga de la Ciañu, que mientres l’andanciu entamaron una empresa de repostería circular usando’l pan que tiraban otres panaderíes. Faen una montonera de llambionaes prestoses y amás empecipiaron un crowdfunding pa montar el so propiu obrador.

Siguimos con Lluis Nel Estrada, que va falanos de les xornaes teúniques pa impulsar los quesos na restauración, que va facese esta semana vinientes nos paradores d’Asturies.

Acabaremos con Javi Solis, que vien cola so sedición La Casa Gris, a falanos del pallabreru de la bebida n’Asturies.

El programa empieza con una entrevista a Roberto Aramburu, propietariu de Les Tiendes Aramburu. Una tienda qu’empezó como carnicería, amás con ganadería propia, pero qu’adulces foi creciendo y vendiendo productos de calidá, munchos d’ellos asturianos. Les tiendes medraron y anguaño tienen 8 entre Asturies y Cantabria. Falamos amás del so nuevo proyeutu d’abrir una quesería de Gamonéu del Valle n’Onís. Y de la so sala de despiece vacunu, única nel oriente d’Asturies.

Seguiremos con Xurde Morán, col que seguiremos percorriendo’l Camín de Santiagu. Saldremos de Grau, y seguiremos camín a San Xuan de Villapanada. Falaremos del bron y de quesu afuega’l pitu

Finamos con David Remartínez, que va repunar sobre la cerveza ensin alcohol.

El programa entama con una entrevista a Bruno Lombán, propietariu y cocineru de Quince Nudos, restorán allugáu en Ribeseya, especializáu n’arroces. Un estudiante de xeoloxía qu’atopó’l so camín nos fogones. Falaremos de la importancia del arroz n’Asturies a pesar de ser un cereal que nun se planta n’Asturies.

Siguimos con La Miga de Mariana, que va falanos del so quintu aniversario, y de cómo una muyer migrante foi quien a ello. Va danos dellos conseyos pa quien se quiera animar a abrir so propiu negocio.

Acabaremos con David Rivas, que va seguir falando de la Historia de la Sidra n’Asturies. Falaremos del pegollu que falta na revolución nel mundiu sidreru, la introducción de la caxa de sidra.

El programa empieza col una entrevista a Julio Menéndez, Julín. Tien un restaurán na parte alta de Tiuya, nel pueblu de La Raíz. Una casa con una terraza preciosa con vistes al valle del Candín y al Pozu Mosquitera. Ellí fai un menú por 35€, onde nun falten les croquetes y l’arroz con pitu caleya que mamó los 10 años que trabayón en Casa Marcial.

Seguiremos con Natalia, d’Animales Viajeros, que va llevanos a Bangkok, y más concretamente al Hotel Lebua onde rodaron la Peli de Resacón en Las Vegas.

Finamos con David Remartínez, que va repunar sobre los díes internacionales de la comida.

El programa entama con una entrevista a Carolina y Jose Vila, propietarios de Casa Vila. Chigre-tienda asitiáu en Pravia. Lleven 17 años n’una casa de comida onde pues atopar conserves de calidá, una esbilla prestosa de quesos del país y una cocina de primera. Siempres nes finales de los concurcos de pinchos y de cachopos, tienen unes cebolles rellenes perbones y unos tortos con delles coses enforma recomendables.

Siguimos con Marcos Cienfuegos, que vien a falanos de la historia gastronómica de Mieres. Nesta ocasión va falanos de les xornaes gastronómiques, sobre manera de les xornaes del pote de Turón, fiesta d’interés turísticu asturianu dende l’añu 2017. Acabaremos amás probando la Tarta Turonesa.

Acabaremos con Javi Solís, y la so seición La Casa Gris. Esta vegada vien acompañáu de Rafa Valdés, teúnicu y responsable de la Oficina de la Llingua de Corvera. Vien a falanos de la guía: “Cultivu del güertu ecolóxicu n’Asturies”.

El programa númberu 50 empieza cola seición cervecera de Pablo Cabanón, que vien acompañá de Pablo, Edu y Sergio, de Cervecería L’Artesana, qu’entamen el fin de selmana del 7-9, l’OchobreFest. Un Festival asemeyáu al OktoberFest, pero namás con cerveza asturiano.

Seguiremos cola Recetina de Tere Camacho, que va falanos de los Rollos de Bonito, y amás, de cómo la nomaron Embaxadora de la Cocina Asturiana va pocu.

Finamos con David Remartínez, que va repunar sobre los sumilleres.

El programa entama con una entrevista a Marcos Abel, presidente de la Fundación Asturies XXI, qu’entama esti fin de selmana el SISGA, Salón Internacional de la Sidra de Gala.

Siguimos con Angel Lago, creador de la cuenta de Twitter Pote Asturianu, onde aconseya los meyores sitios d’Asturies onde comer pote.

Acabaremos con David Rivas, que va seguir falándonos de la Historia de la Sidra. Nesti programa falaremos del vasu de sidra.

El programa con La Casa Gris, la seición de Javi Solís que va cuntanos dos histories o cuentos rellacionaos cola gastronomía, y, qu’amás, tienen rellación con histories d’otros llugares del mundiu.

Seguiremos con Marcos Cienfuegos y la so seición Sabores de Mieres, que va falanos del movimientu asociativu de Mieres. Asoleyaron los 7 platos “icónicos” de Mieres, y veremos que se caltienen nel tiempu o non.

Finamos con David Remartínez, que va repunar sobre l’Aceite de Trufa.

El programa entama cola Tertulia de Repunantes. Cuntaremos cola visita de Javi Solís, miembru del Congresu Nacional de Repunantes; David Rivas, Presidente del mesmu club y Sara @sweetllaceria, una de les mayores repunantes de la rede de Twitter, pa falar dellos temes y repunar a gustu. Falaremos de los turistes, de los medios menús, de los rapitos, de los maicitos, de les patates 3 salses …

Siguimos con Lluis Nel Estrada que va falanos de les Xornaes Gastroculturales de Carne 100% d’Onís que van cellebrase esti fin de selmana.

Acabaremos con Xurde Morán, que va seguir percorriendo’l camín primitivu de Santiagu. Entramos nel conceyu de Candamu. Casa Aurina. Pasaremos per Peñaflor y conoceremos la so historia.