Les Fartures

Les Fartures

By Les FarturesArtsFood
Download on the App Store

Les Fartures episodes

  • Edén Jiménez - Camín de Santiagu con Xurde Morán - Opinión de Mierda con David Remartínez
    El programa entama entrevistando a Edén Jiménez, qu’abrió esti branu la Terraza Picofino Club Pop Up, nel centru de Xixón. Va falanos amás, del stand con Picofino na Feria de Muestres, y de los dos sos negocios que tien: Les Terraces de Sardalla y El Balcón de Bueño.
    Xurde Morán siguirá col Camín de Santiagu, onde falaremos de Les Regueres, un conceyu abondo desconocíu pero con gran bayura arquitectónica y gastronómica alrodiu de los peregrinos.
    Finamos con David Remartínez, que va falanos na so versión amorosa de branu, de les guarniciones tres les sos vacaciones en Portugal.
    1 hr
  • Pasteleria L'Ablana - Historia de la Sidra con David Rivas - Branu pa Subpayarianos con Aitana Castaño
    El programa entama con María Aparicio, madrileña que vino p’Asturies cola so pareya, Simone Colla, p’abrir Pastelería L’Ablana. Va falanos de l’amiestu de pastelería tradicional asturiana y piamontesa y los sos famosos xelaos.
    Siguimos con David M. Rivas, que seguirá faciendonos un percorríu al traviés de la hestoria de la sidra asturiana. Nesta ocasión vamos falar del espoxigue que supunxo el saltu de beber la sidra en xarres y zapiques a tomalo en botella de vidriu.
    Acabaremos con Aitana Castaño, que va siguir dando conseyos a los subpayarianos pa sobrevivir un branu n’Asturies.
    1 hr
  • Casa Bartuelo - Camín de Santiagu con Xurde Morán - Branu Astur pa Subpayarianos con Aitana Castaño
    El programa entama entrevistando a Casa Bartuelo, ganadería de la zona Manzaneda, en Gozón. Sexta xeneración d’una familia dedicada a la ganadería, que cría Asturiana de los Valler Xata IXP y Vacunu Mayor. Y amás, tamién tienen miel de les sos abeyes y la so propia güerta. Too, pa vendelo nuna moderna páxina web.
    Xurde Morán siguirá col Camín de Santiagu, onde dexaremos Uviéu pa entrar en Les Regueres. Visitaremos tamién los meyores chigres onde comer nel camín.
    Finamos con Aitana Castaño, que dar unos conseyos a los Subpayarianos pa sobrevivir nel branu asturianu.
    1 hr
  • Xagó Surf Co. - Arniiu Cheese Fest - Historia de la Sidra con David Rivas
    El programa entama con Pablo Cabanón, el nuesu cerveceru favoritu que vien acompangáu de la xente de Xagó Surf Co., una cervecería-chiringuitu-escuela de surf, na Playa Xagón, en Gozón.
    Siguimos con Lluis Nel Estrada que va falanos del Festival Arniu Cheese Fest, que asoceder el prósimu sábadu 13 d’Agostu nel conceyu La Ribera.
    Y finamos con David M. Rivas, que seguirá faciendonos un percorríu al traviés de la hestoria de la sidra asturiana, onde falaremos del saltu del cacíu a la botella sidre. Les distintes midíes de la sidra y l’espoxigue industrial que supunxo.
    1 hr
  • Cervecería Cimmeria con Pablo Cabanón - Odios Gastronómicos de David Remartínez
    El programa entama cola seición cervecera de Pablo Cabanón, onde vien acompañáu de David Cimmerio, 50% xunto con María de Cervecería Cimmeria. Mientres dellos años, según Ratebeer, una de les 10 meyores cerveceríes d’España. David ye un estudiosu de la cerveza, y amás tien la certificación BJCP ya foi una de les primeres persones en sacala nel Reinu d’España.
    Finamos con David Remartínez y la so opinión de mierda. Güei David, como tamos pel branu, va repunar menos y va falanos de les coses qu’ama, nesti casu, de la Oreya de Gochu.
    1 hr
  • Regueiro -Historia de la Sidra (SXIX) - Falemos de Pan
    El programa entama con entrevista fondera a Diego, propietariu y cocinero del Restorán Regueiro. Asitiáu nel occidente d’Asturies, nuna casona indiana iguada como hotel-restorán, fala de la so cocina única n’Asturies, influenciada pelos sos viaxes al oriente.
    David M. Rivas seguirá faciendonos un percorríu al traviés de la hestoria de la sidra asturiana, onde falaremos del expoxigue que dio la sidra la Sidra Axampanao, un caso únicu d’I+D+I onde medraron de forma espectacular les esportaciones de sidra a Sudamérica sobremanera.
    Y finamos con Mariana, de La Miga de Mariana, que sigue afondando na cultura del pan, falando de la farina.
    1 hr
  • Casa Adela - El Camín de Santiagu con Xurde Morán - La Opinión de Mierda de David Remartínez
    El programa entama con entrevista fondera a Adela, propietaria de Casa Adela, un restaurante preciosu en Lada (Llangréu), con un xardín preciosu y un horru, onde Adela cocina perbien la gastronomía tradicional asturiana.
    Seguremos con Xurde Morán, que seguirá falándonos del Camín Primitivu ya’l so pasu per Les Regueres.
    Finamos con David Remartínez y la so opinión de mierda. Güei David, como tamos pel branu, va repunar menos y va falanos de les coses qu’ama, nesti casu, del Pitu Caleya.
    1 hr
  • ToliviaFest - ¿Qué sabemos de sidra? con David Rivas - Falemos de Pan con La Miga de Mariana
    El programa entama con entrevista fondera al Tolivia Fest, con Pablo Cabanón. Un Festival en Tolivia onse s’axunta la cerveza artesano, la gastronomía de los y les paisanes de Tolivia y Los Berronez. Un amiestu prestosísimu de cultura asturiano con cerveza de too’l estáu.
    David M. Rivas seguirá faciendonos un percorríu al traviés de la hestoria de la sidra asturiana, onde falaremos del expoxigue que dio la sidra nel sXIX a la revolución agraria y la modernización d’Asturies.
    Y finamos con Mariana que va falanos de la masa madre y la so importancia pa facer pan.
    1 hr
  • Xune Andrade - Opinión de Mierda de David Remartínez (Ventrisca de Bonitu)
    El programa entama con entrevista fondera a Xune Andrade, propietariu del restorán Monte San Feliz, en Ḷḷena, que güei cumple 3 años. Falaremos de la so historia y de los sos proyeutos.
    Finamos con David Remartínez y la so opinión de mierda. Güei David, como tamos pel branu, va repunar menos y va falanos de les coses qu’ama, nesti casu, de la Ventrisca de Bonitu.
    1 hr
  • Llagar Muñiz -Historia de la Sidra con David Rivas (SXIX) - ¿Qué sabemos de la Sidra? con Juan Luis García
    El programa entama con entrevista fondera a Manolo Riestra, propietariu del Llagar Muñiz, que lleva faciendo sidra dende 1934. Falaremos de la so historia, de cómo él ya’l so hermanu tienen plantaes toles sos pomaraes n’ecolóxicu y del premiu del xuráu popular qu’acaben de ganar na preba de la sidra de Gascona.
    David M. Rivas seguirá faciendonos un percorríu al traviés de la hestoria de la sidra asturiana, onde falaremos del expoxigue que dio la sidra nel sXIX a la revolución agraria y la modernización d’Asturies.
    Y finamos con Juan Luis García, sumiller de Casa Marcial, que falanos de la Sidra Natural Espumosa, de les sos variedaes, formes d’ellaboración, del so consumu y de los platos que más-y pega a esti tipu de sidra.
    1 hr

About Les Fartures

From the publisher's feed

Les Fartures ñaz como blogue gastronómicu en 2007, un sitiu onde David Castañón percuerre los restoranes asturianos y fala d’ellos, siempres dende una perspeutiva cercana y positiva (en Les Fartures namás aconseyamos restoranes onde dir, non los sitios onde nun dir).