Nan rapò sosyal nou ak lòt moun, tankou fanmi, zanmi, kòlèg travay, konn gen yon moun ki toujou vle pwofite de nou, pran kèk avantaj sou nou. Gen moun ki espesyalize yo menm nan sa. Pwofi y ap chèche tire a kapab vini sou divès fòm. Men, si ou vle, ou ka evite tonbe nan pyèj sa.

Rekonèt erè ou, se youn nan pi bon fason pou grandi kòm moun. Kindonk, santiman kilpabite itil nan ede nou devlope pi bon rapò sosyal ak lòt moun. Men konsa tou, li ka tounen yon pwazon pou byennèt nou, sitou lè li dire twòp.

Ou konn rive nan yon enpas nan lavi w, ou pa wè kijan pou avanse, akoz yon sityasyon difisil. Poutan, altènativ pou rebondi a la, men nou souvan pa konn kòman. Nan epizòd Mentalitude sa, an plis eksperyans envite a, nou pataje ak ou, yon plan estratejik pou ede w transfòme lavi w nan nenpòt sikonstans lan.

Rann sèvis, bay kado, reponn ak envitasyon, se yon seri aksyon ki amonize relasyon nou ak lòt moun. Men, sa dwe fèt nan yon ekilib ki pap deranje byennèt pèsonèl pa nou.

Nan chak obstak, gen omwen yon opòtinite. Sa depann kòman ou abòde pwoblèm nan. Nan epizòd Mentalitude sa, Fedner Pierre, Nelson Deshommes, Sylvain Exavier ak Sondy Pierre pataje ak nou eksperyans yo, kòman yo te rive transfòme yon pwoblèm an opòtinite.

Maladi damou, se yon eksperyans santimantal ak emosyonèl, ki tradwi yon eta sikolojik yon moun ki santi yon veritab obsesyon pou yon lòt moun li renmen. Men, santiman yo pa toujou resipwòk, sa ki konn koze gwo soufrans kay moun ki tonbe damou an.

Al wè sikològ, pa nan abitid anpil moun. Poutan, sikològ yo la pou ede n afwonte kriz emosyonèl ki ka afekte byennèt nou. Nan epizòd Mentalitude sa, Carel Pedre, Christine, John ak Senghor eksplike rezon ki te fè yo al wè yon sikològ epi kòman eksperyans lan te ye.

Chak moun k ap viv, ta swete atenn yon nivo satisfaksyon pesonel nan vi yo. Men, akonplisman sa ap difisil san yon bon sante mantal, ki se yon konpleman endispansab pou nou rive devlope kapasite nou kòm moun.

Pèfesyonis fè referans ak yon ansanm estanda pèsonèl ki vrèman elve, yon moun fikse tèt li. Estanda sa yo fè moun nan kwè li dwe atenn pèfeksyon nan tout sa l ap fè. Sa ki ka gen konsekans sou byennèt fizik ak emosyonèl li.

Depresyon perinatal, se yon ansanm twoub sikolojik ki afekte « humeur » fi a pandan l nan yon peryòd gwosès, sa ki kapab mete li nan yon eta depresif. Twoub sa yo kapab vini sou dives fòm epi yo kapab gen gwo enpak sou lavi manman ak pitit la.