Hannde neɗɗanke faamii wonnde, ɓamtaare waawaa laataade e hoore leydi ndin, si tawii o waylaani noone no o wuuriri e dow mayri. Ngam yo o waawu foolude mbayliigu weeyo, caɗeele taariindi, nguleendi e kokke, ko maa o wayla noone ngurdam makko. Awa ko wiide wonnde neɗɗanke no humii e hunndaari mum sabu ko e mayri o ittata kala ko o wuuri. Tedduɓe on bi'aama bisimilla mon e Kiwal Taarindi. Hannde toɓɓere men yowitii ko ñiiɓi woɓɓe wi’i mawɗi. Hino teskaa e leyɗe goɗɗe e nder Afrik ɗee kulle ladde ko e mullude woni. E yewtiday e hoɓɓe men ko faati e ngartam ñiiɓi (mawɗi)  e hunndari ndin, ko woni sababuuji mullugol majji. Kono kadi no  fotaa daroreede ngam no ɗi reeniree. Hiɓe wi’ee Ibrahima Koggii Jallo  hertorɗo taariindi e aynoowo kiɗɗo daaɓeeji e kulle buruure ka dinngiraaji. Kono ko adii ɗum e heɗoto miijo ngo Hassaan Dikko gooto e heɗiyankooɓe men addani en. Ka joofingol en jaɓɓoto Lamiin Jallo gambinaajo hertorɗo to baŋŋe taarindi. Ɗum non Bissimilla mon.