ዋሽንግተን ዲሲ ውስጥ ከህፃናት አንስቶ እስከ ጎልማሳ ያሉ ኢትዮጵያውያን ተሰባስበው ስዕል የሚስሉበት «ቤተሰብ» የተሰኘ ማዕከል ይገኛል። በተለይ አርብ እና ቅዳሜ ቦታው በጀማሪ እና ችሎታው ባላቸው ሰዓሊያን ይጨናነቃል። ሁለት ኢትዮጵያውያን ሰዓሊያን ናቸው እንደ ቀልድ የጀመሩት። ስለዚሁ ማዕከል ሸዋዬ ለገሰ ከመስራቾቹ አንዱ የሆኑትን አለሜ ታደሰን በዛሬው የመዝናኛ ዝግጅት አነጋግራለች።

አዝማሪነት ከወላጆቹ የወረሰው ሙያ ነው። ከልጅነቱ አንስቶ የሚጫወተውን ማሲንቆን«ከወላጆቼ ነጥዬ የማላየው ህይወቴ »ነው የሚለው፤ ደጀን ማንችሎት «ዓለምን የዞርኩበት ደስታን ያገኘሁበት» በሚለው በዚህ ባህላዊ የሙዚቃ መሣሪያ እውቅና ካተረፉት ኢትዮጵያውን ሙዚቀኞች አንዱ ነው።

«ኢትዮጵያ» በሚል መጠሪያ ያሳተመው አልበሙን አስመልክቶ አርቲስት ቴዎድሮስ ካሳሁን (ቴዲ አፍሮ) ከዶይቸ ቬለ ጋር ቆይታ አድርጓል።

አብርሃም ዮሴፍ ይፅፋል። የጥበብ ስራዎቹ ግን እስካሁን ከተደራሲያን አልደረሰም። አብርሃም ዮሴፍ የፖለቲካ ሳይንስ ምሩቅ ግን ደግሞ የፍልስፍና እና የስነ ጹሁፍ ልክፍተኛ ነው። የዛሬው የመዝናኛ ዝግጅት እንግዳችን አድርገነዋል።

መቶ አለቃ ውቤ ታሪኩ የዶይቸ ቬለ ተከታታይ እና ተሳታፊ ናቸው። በተለይ በግጥም የሚልኩልን መልዕክት ከአድማጮች ማህደር ዝግጅት አይጠፋም። ለመሆኑ እኚህ ሰው ማን ናቸው? የሚፅፉትስ ስለምንድን ነው? እንግዳ አድርገን ጠይቀናቸዋል።

የክቡር ዶ/ር አርቲስት ጥላሁን ገሠሠ ልዩ አድናቂ ናቸው። በቤታቸው የአርቲስቱ ከ 400 በላይ ሙዚቃዎች እንዲሁም ጋዜጦች፣ እና ፎቶዎችን ሰብስበው ይገኛሉ።

ሙዚቃን የጀመረዉ ገና ስምንተኛ ክፍል ሳለ ነዉ። የሙዚቃ  ፍቅሩን ለማሳደግ ከተወለደበት ከኢሊባቦር ጎር ተነስቶ  ወደ መሃል አዲስ አበባ መጥቶ ከባልንጀሮቹ ጋር «ዳሎል ባንድ»ን አቋቁሞ በመስራት ላይ ሳለ አብዮቱ ፈነዳ። ያኔ ታድያ የሙዚቃ ባንዱ ከአብዮት ሌላ የምዕራብ ቀመስ አይነት ሙዚቃን መስራት ተከለከለ።

የካቲት 18 ቀን 2009 ዓ.ም