Pieter Geldenhuys en Juanita Vorster ondersoek die moontlikhede van die toekoms. Dit is 9 November 2021, en ons hoor hoe virtuele kampvure en tuimeltreine 'n positiewe invloed op jou gemoedstoestand kan hê.

Soms is dit goed om net weer herinner te word aan die basiese dinge soos kantooretiket. Sue Pyler bespreek die moets en moenies van jou optrede by die werk.

Koolstofdioksiedvrystellings moet binne die volgende elf jaar met 45% verlaag word as 'n ramp afgeweer wil word. Só sê klimaatsveranderingkenner prof. Francois Engelbrecht. Lizma van Zyl gesels met hom oor die bevindings van hulle interregeringspaneel-verslag, en veral wat vir Suidelike Afrika voorlê gegewe die verwagte skerp temperatuurstygings oor die volgende paar dekades.

Soos die jare aanstap, so verander tendense. Sue Pyler het gaan uitvind of grimering weer die minder-is-mooier-neiging volg.

Het jy al ooit daaraan gedink dat tegnologie jou kind se skoolloopbaan kan bevoordeel? Sue Pyler kyk na wat jy kan doen om jou kind te help met hedendaagse tegnologie.

Willrico Coetzee van Vredenburg het as 'n gids gewerk in Vioolsdrift op die Oranjerivier. Sue Pyler en Ettienne Ludick gesels met hom oor sy ervaring as riviergids.

Pieter Geldenhuys en Juanita Vorster ondersoek die moontlikhede van die toekoms. Dit is 3 September 2019, en ons hoor hoekom 'n voormalige wen-wynproewer nou aan dronkverdriet lei.

Verskeie plaaslike dierspesies staar uitwissing in die gesig weens stygende temperature. Lizma van Zyl gesels met dr. Ernst Baard van Cape Nature oor die uitwerking van klimaatsverandering op veral kleiner diere, en 'n langtermynplan om deur middel van bewaringsgebiede groter beweegruimte vir plant- en dierbevolkings te skep.

Pieter Geldenhuys en Juanita Vorster ondersoek die moontlikhede van die toekoms. Dit is 5 Maart 2023, en ons hoor hoe 'n viskoekie verantwoordelik is vir 'n hofsaak teen Amerika se grootste kitskoskettinggroep.

Sue Pyler was by 'n perdestal buite Pretoria waar sy die grootste Clydesdale-perd in Suid-Afrika gesien het.