Pieter Geldenhuys en Juanita Vorster ondersoek die moontlikhede van die toekoms. Dit is 7 Augustus 2022, en ons hoor hoekom biervervaardigers boos is oor die BaksteenBottel.

Aspergers is 'n soort outisme wat nie altyd korrek gediagnoseer word nie. Beroemdes wat daarmee gediagnoseer is, sluit groot geeste in soos Abraham Lincoln, Beethoven en Steve Jobs in. Ettienne Ludick en Sue Pyler gesels met Emile Gouws oor hierdie vorm van outisme. Emile is besig met sy doktorsgraad oor sy ervaring van die toestand.

Royston Stoffels, 'n man wat al 42 jaar lank in die vermaaklikheidsbedryf is, het saam met Sue Pyler kom sit en gesels van sy dae in Soutrivier, onderwyser wees in Distrik 6 tot akteur in TV-rolle, op die silwerdoek en op die planke.

Die woord, rekenaar, is meer as 400 jaar gelede die eerste keer deur die mens gebruik! Dit het egter nie na 'n skootrekenaar soos ons dit ken, verwys nie. Ettienne Ludick het ondersoek ingestel.

Hoe 'n groot rol kan en behoort provinsiale regerings in munisipaliteite te speel met betrekking tot klimaatsverandering? Lizma van Zyl praat hieroor met die Wes-Kaapse klimaatsverandering direkteur, Goosain Isaacs. Hy vertel dat daar weens klimaatsverandering elders in Afrika, 'n toestroming van mense na die Wes-Kaap verwag word, wat druk op hulpbronne soos water en elektrisiteit sal plaas.

Pieter Geldenhuys en Juanita Vorster ondersoek die moontlikhede van die toekoms. Dit is 3 Julie 2023, en ons hoor hoekom hommeltuie die oorsaak is van lewensredders wat nie meer die beste lywe op die strand het nie.

Michelle Pickover en ander lede van die EMS Stigting wil graag vir Lammie die Olifant help. Lammie het almal wat sy ken, verloor. Sy word steeds by die Johannesburgse Dieretuin aangehou.

Weet jy waarvoor kasterolie alles gebruik kan word? Sue Pyler het by 'n paar mense gaan uitvind.

Weerstandigheidsdenke is noodsaaklik in die stryd teen klimaatsverandering. So sê prof. Oonsie Biggs, 'n wêreldkenner op die gebied van sosio-ekologiese stelsels. Lizma van Zyl hoor by hom oor wat weerstandigheidsdenke behels, en hoe ons dit tot positiewe verandering kan inspan. Die uitwerking van 'n vinnigveranderende klimaat op bevolkingsgroei is ook in die kollig.

Gratis WiFi is deesdae oral beskikbaar, maar hoe veilig is dit? Sue Pyler het gaan uitvind.