ഇന്നത്തെ നമ്മുടെ കഥ അപ്പുവിന്റെയും കൂട്ടുകാരുടെയും ആണ്. തെച്ചിക്കാട്ടിലെ കുട്ടിക്കൊമ്പനായിരുന്നു അപ്പു. കൂട്ടുകാർക്ക് എന്ത് ആവശ്യം വന്നാലും ആദ്യം ഓടിയെത്തുന്നത് അപ്പു ആണ്.

അവതരണം: ആർ.ജെ. അച്ചു. ശബ്ദമിശ്രണം: സുന്ദർ.എസ്. പ്രൊഡ്യൂസർ: അനന്യലക്ഷ്മി ബി.എസ്.

ഇടവപ്പാതി മഴക്കാലത്ത് ഒരു ദിവസം - ഈ ഇടവപ്പാതി എന്താണെന്ന് അമ്മയുടെ അടുത്ത് ചോദിച്ചു മനസ്സിലാക്കണേ - ഇടവപ്പാതി മഴക്കാലത്ത് ഒരു ദിവസം അപ്പുണ്ണിയും അനുജത്തി അമ്മിണിയും സ്കൂൾ വിട്ട് വീട്ടിലെത്തി. അപ്പോൾ ദാ മുറ്റത്ത് ഒരു പാവം കുഞ്ഞാറ്റക്കുരുവി കൂട് ഉണ്ടാക്കാൻ പണിപ്പെടുന്നു. ദൂരെ എവിടെയോ നിന്ന് നാരുകളും ചകിരിയും പഞ്ഞിയും കുഞ്ഞി ചുള്ളിക്കമ്പുകളും തന്റെ കുഞ്ഞി കൊക്കിൽ ഒതുക്കി പലവട്ടം പറന്നുവന്ന് കൂടുണ്ടാക്കുകയായിരുന്നു പാവം കുഞ്ഞാറ്റ

അവതരണം: ആർ.ജെ. അച്ചു. ശബ്ദമിശ്രണം: സുന്ദർ.എസ്. പ്രൊഡ്യൂസർ: അനന്യലക്ഷ്മി ബി.എസ്.

മയിലാടും കുന്നിലെ പക്ഷികളും മൃഗങ്ങളും ഒക്കെ ചേർന്ന് പുതിയ വർഷം കൊണ്ടാടാനുള്ള ആലോചനയിൽ ആയിരുന്നു. ആനയും സിംഹവും കരടിയും കടുവയും കാട്ടുപോത്തും മയിലും കുയിലും പ്രാവും പരുന്തും തത്തയും എല്ലാം കൂട്ടത്തിൽ ഉണ്ടായിരുന്നു.നവവർഷത്തിനെ എതിരേൽക്കാൻ നല്ലൊരു കാർണിവൽ ആയാലോ എന്ന് ഡിംബൻ കരടി ചോദിച്ചു. കാർണിവൽ എന്നാൽ ഘോഷയാത്രയും സമ്മേളനവും കലോത്സവവും എല്ലാം ചേർന്ന വലിയൊരു മേളയാണെന്ന് അഴകൻ മയിൽ വിശദീകരിച്ചു കൊടുത്തു. അഴകൻ മയിലിന്റെ നേതൃത്വത്തിൽ പക്ഷികളും മൃഗങ്ങളും കാർണിവലിനായി ഒരുങ്ങാൻ തുടങ്ങി. അവതരണം: ആർ.ജെ. അച്ചു. കഥ: സിപ്പി പള്ളിപ്പുറം. ശബ്ദമിശ്രണം: സുന്ദർ.എസ്. പ്രൊഡ്യൂസർ: അനന്യലക്ഷ്മി ബി.എസ്.

മഹാ അഹങ്കാരിയായിരുന്നു അമറൻ സിംഹം ഉറക്കം ഉണർന്നാൽ അമറൻ നീണ്ടു നിവർന്ന് ഉറക്കെ ഗർജിക്കും. തന്റെ തലയിലെയും കഴുത്തിലെയും നീളമുള്ള രോമങ്ങളൊക്കെ വിറപ്പിച്ച് വലിയ പല്ലുകൾ കാട്ടി ഒന്ന് മുരളും. എന്നിട്ട് തന്നോട് തന്നെ പറയും ശക്തന്മാരിൽ ശക്തൻ ഞാൻ, ഞാനാണല്ലോ രാജാവും എന്നെ വെല്ലാൻ ആരാലും കഴിയില്ലല്ലോ കട്ടായം. പിന്നെ ഇരതേടിയുള്ള യാത്ര. ഒരു ദിവസം അമറൻ വഴിയിൽ ഒരു കുരങ്ങിനെ കണ്ടു.അവതരണം: ആർ.ജെ. കഥ: വഴിത്തല രവി.  അച്ചു. ശബ്ദമിശ്രണം: എസ്.സുന്ദർ. പ്രൊഡ്യൂസർ: അനന്യലക്ഷ്മി ബി.എസ്.

കണ്ടംകുളത്തിലെ കല്ലുകൾക്കിടയിലെ പുത്തിലായിരുന്നു ട്ടോ നമ്മുടെ കുഞ്ഞൻതവളയുടെ താമസം. കുഞ്ഞൻതവളയുടെ ഉറ്റ ചങ്ങാതി ആയിരുന്നു പൊന്നനാമ, എന്ന് വെച്ചാൽ ക്ലോസ് ഫ്രണ്ട് ആയിരുന്നു, നല്ല സുഹൃത്തായിരുന്നു. അപ്പോ ഒരു ദിവസം കുഞ്ഞൻതവള പൊത്തിലിരുന്ന്, അതായത് കുഞ്ഞു വീടാണ് തവളയുടെ മണ്ണിന്റെ ഇടയിലുള്ള പൊത്തിലിരുന്ന് ഉറക്കെ കരഞ്ഞു. എങ്ങനെയാ തവള കരയുക? പൊക്റോം പൊക്രോം.
കുഞ്ഞന്തവളയുടെ കരച്ചില് കേട്ട പൊന്നനാമ കുളത്തിന്റെ അടിത്തട്ടിൽ നിന്ന് പൊന്തി വന്നിട്ട് ചോദിച്ചേ "എന്തിനാണ് കുഞ്ഞ ഇങ്ങനെ കരയുന്നത്?". അപ്പോ കുഞ്ഞന്തവള പറഞ്ഞു "മഴയുടെ വരവറിയിക്കാനാ ഞാൻ കരയുന്നത്. ദേ കണ്ടില്ലേ മാനത്തേക്ക് നോക്കൂ മഴക്കാർ നിറഞ്ഞു വരുന്നത് കാണുന്നില്ലേ?". പൊന്നനാമ്മ മാനത്തേക്ക് നോക്കി. ആ ശരിയാണല്ലോ മാനത്താകെ മഴക്കാർ നിറഞ്ഞിട്ടുണ്ട്.
അപ്പോഴാണ് കല്ലിനടിയിൽ നിന്ന് മെല്ലെ തല പുറത്തേക്കിട്ടു നോക്കുന്ന നീർക്കോലി അണ്ണനെ പൊന്നനാമ കണ്ടത്. കേൾക്കാം കുട്ടിക്കഥകൾ. കഥ:രമേശ് ചന്ദ്ര വർമ്മ ആർ. അവതരണം: ആർ.ജെ. അച്ചു. ശബ്ദമിശ്രണം: എസ്.സുന്ദർ. പ്രൊഡ്യൂസർ: അനന്യലക്ഷ്മി ബി.എസ്.

ചോലമലയിലായിരുന്നു ചോണനുറുമ്പിന്റെ താമസം. ഒരു ദിവസം ചോണനുറുമ്പ് പുഴക്കരികിൽ എത്തി. പുഴയിലെ വെള്ളം കണ്ടപ്പോഴേ നമ്മുടെ ചോണനുറുമ്പിന് വലിയ സന്തോഷമായി. പുഴയിലെ നല്ല ഒഴുക്കും ഓളവും ഉണ്ട്. ഈ ഓളത്തിൽ തത്തി കളിക്കാൻ എന്ത് രസമായിരിക്കും എന്ന് ചോണനുറുമ്പ് ആലോചിച്ചു. അപ്പോഴാണ് പുഴവക്കലൂടെ ഒരു ചെറിയ തടികഷ്ണം ഒഴുകി വരുന്നത് ചോണനുറുമ്പ് കണ്ടത്. വേഗം തന്നെ ചോണനുറുമ്പ് ഒരുവിധത്തിൽ തത്തിപ്പിടിച്ച് ആ തടികഷ്ണത്തിന് മുകളിൽ കയറികൂടി. "ഹായ് എന്ത് രസം! എനിക്ക് ചങ്ങാടം കിട്ടിയേ!" എന്ന് ചോണനുറുമ്പ് വിളിച്ചുകൂവി. ഓളങ്ങളിൽ തത്തികളിച്ച് ചങ്ങാടം മെല്ലെ പുഴയിലൂടെ ഇങ്ങനെ ഒഴുകി തുടങ്ങി. കേൾക്കാം മിന്നാമിന്നിക്കഥകൾ.അവതരണം: ആർ.ജെ.അച്ചുപ കഥ: രമേശ് ചന്ദ്രവർമ്മ ആർ. ശബ്ദമിശ്രണം: എസ്.സുന്ദർ. പ്രൊഡ്യൂസർ: അനന്യലക്ഷ്മി ബി.എസ്.

മീനുമോളുടെ വീടിന്റെ അടുത്തെ ഒരു പച്ചിലക്കാട് ഉണ്ടായിരുന്നു. പച്ചിലക്കാട്ടിൽ അതിസുന്ദരനായ ഒരു പച്ചത്തുമ്പി ഉണ്ടായിരുന്നു. എന്ത് ചന്താണെന്നോ അവനെ കാണാൻ. പച്ചവാലും നീല ചിറകുകളും ചുവന്ന തലയും ഉള്ള അവനെ എത്ര കണ്ടാലും കൊതിതീരില്ല. ഒരു ദിവസം വൈകുന്നേര മീനുമോള് പച്ചിലക്കാടിന അടുത്ത് വന്ന് പച്ചത്തുമ്പിയെ കണ്ട് രസിക്കുകയായിരുന്നു. മീനുമോള് ചോദിച്ചു പച്ചത്തുമ്പി ചങ്ങാതി എന്നുടെ കൂടെ പോരുന്നോ എന്നുടെ കൂടെ പോന്നാൽ ഞാൻ പാലും തേനും നൽകിടാം പക്ഷേ പച്ചത്തുമ്പി ഉണ്ടോ അത് കേൾക്കുന്നു. അവൻ നൃത്തം ചെയ്ത് നൃത്തം ചെയ്ത് പച്ചിലക്കാടിന്റെ ഉച്ചിയിലേക്ക് ഉയർന്നു. കേൾക്കാം മിന്നാമിന്നി കഥകൾ. അവതരണം: ആർ.ജെ. അച്ചു. ശബ്ദമിശ്രണം: എസ്.സുന്ദർ. പ്രൊഡ്യൂസർ: അനന്യലക്ഷ്മി ബി.എസ്.

മിടുമിടുക്കനായ ചന്തുക്കുട്ടനെ വലിയൊരു സങ്കടം ഉണ്ടായിരുന്നു ആകാശത്ത് പൂത്തിരി പോലെ ചിതറി തെറിച്ച് കത്തി നിൽക്കുന്ന നക്ഷത്രങ്ങളെ ഒന്ന് തൊടാൻ പറ്റുന്നില്ല അതായിരുന്നു അവന്റെ സങ്കടം. മാനത്തെ മിന്നാമിനുങ്ങുകളെ മാനത്തു നിന്നൊന്നു വന്നിടാമോ? ചാരത്തു വന്നൊന്നിരുന്നിടാമോ? എന്നോടു കൂട്ടൊന്നു കൂടിടാമോ? ആകാശത്ത് ഇരുട്ടു നിറയുമ്പോൾ ചന്തു ആകാശത്തേക്ക് സങ്കടത്തോടെ നോക്കും. കേൾക്കാം മിന്നാമിന്നികഥകൾ. അവതരണം: ആർ.ജെ അച്ചു ശബ്ദമിശ്രണം: എസ്.സുന്ദർ. പ്രൊഡ്യൂസർ: അനന്യലക്ഷ്മി ബി.എസ്.

പുന്നാരിക്കാട്ടിലെ പൊട്ടക്കിണറ്റിലായിരുന്നു കരിങ്കണ്ണൻ വവ്വാലും കുടുംബവും താമസിച്ചിരുന്നത്. മഹാ ദുഷ്ടനായിരുന്നു കരിങ്കണ്ണൻ വവ്വാൽ. തക്കം കിട്ടുമ്പോഴൊക്കെ മറ്റുള്ളവരെ ദ്രോഹിക്കുന്നതാണ് അവന് ഇഷ്ടം. കരിങ്കണ്ണൻ വവ്വാലിന്റെ അയൽവാസിയായിരുന്നു പാവത്താനായ വരയൻ ചിലന്തി. ഏറെ പ്രയാസപ്പെട്ട് വല നെയ്തു ഉണ്ടാക്കി അതിൽ വീഴുന്ന ചെറുപ്രാണികളെ തിന്നാണ് വരയൻ ചിലന്തി ജീവിച്ചിരുന്നത്. ഭക്ഷണം തേടി കഥളിത്തോട്ടത്തിലേക്ക് പറന്നു പോകുന്നതിനിടയിലെ നമ്മുടെ വരയന്റെ ചിലന്തിവല തകർക്കുക എന്നുള്ളത് കരിങ്കണ്ണൻ വവ്വാലിന്റെ ഒരു ഇഷ്ട വിനോദമായിരുന്നു. ഇത് കാരണം പല ദിവസങ്ങളിലും വരയൻ ചിലന്തി പട്ടിണിയിലായി. കേൾക്കാം മിന്നാമിന്നി കഥകൾ. അവതരണം: ആർ.ജെ. അച്ചു. കഥ: എം.ആർ. കൊറ്റാളി. ശബ്ദമിശ്രണം: എസ്.സുന്ദർ. പ്രൊഡ്യൂസർ: അനന്യലക്ഷ്മി ബി.എസ്.

പാലാഴി കാട്ടിൽ വജ്രൻ കുറുക്കൻ, ഡിക്കു കരടി എന്നീ രണ്ട് സുഹൃത്തുക്കളുണ്ടായിരുന്നു. എന്നും രാവിലെ ഇവർ രണ്ടുപേരും ചുറ്റാനിറങ്ങും. വജ്രൻ കുറുക്കൻ വിശപ്പകറ്റാൻ ഏതെങ്കിലും മൃ​ഗങ്ങളുണ്ടോയെന്ന് ചുറ്റുമുള്ള കുറ്റിക്കാട്ടിലേക്ക് നോക്കും. ഡിക്കു കരടിയാണെങ്കിൽ തേൻ കൂട്  തേടി മുകളിൽ മരച്ചില്ലയിലേക്കും നോക്കും. ഒരു ദിവസം ഇവർ നടക്കാനിറങ്ങിയപ്പോൾ ഉ​ഗ്രനൊരു പൂവൻകോഴിയെ കണ്ടു. അതോടെ വജ്രൻ കുറുക്കൻ പൂവൻകോഴിക്ക് നേരെ ചാടിവീണു. അതോടെ പേടിച്ചുപോയ പൂവൻകോഴി അടുത്തുള്ള മാവിൻകൊമ്പിലേക്ക് പറന്നുകയറി. അപ്പോൾ ഡിക്കു കരടി ഒറ്റചാട്ടത്തിന് മരത്തിൽ കയറി പൂവൻകോഴിയെ കൈക്കലാക്കി. കേൾക്കാം കുട്ടിക്കഥകൾ. കഥ:രമേശ് ചന്ദ്രവർമ്മ ആർ. ശബ്ദമിശ്രണം: എസ്.സുന്ദർ. പ്രൊഡ്യൂസർ: അനന്യലക്ഷ്മി ബി.എസ്.