Moiesstudio

Ass d'Uelzecht nach ze retten? Ëm déi Fro geet et an eiser neier Serie am Zeenewiessel, dem 100,7-Doku-Podcast. An och dem Ëmweltminister Serge Wilmes hu mir d'Fro gestallt. Ëmmerhi gehéiert et zu senge Responsabilitéite fir d'Gewässer zu Lëtzebuerg an ee besseren Zoustand ze bréngen. Wann et him no geet, sollt een iergendwann och nees an der Uelzecht kënne schwammen. Ee Reportage vum Pia Oppel

Bis 2050 wäerten uechter d’Land 11 nei Lycéeë gebaut ginn - well se dréngend gebraucht ginn. Esou dréngend, datt och net gewaart ka gi bis déi 11 nei Gebaier fäerdeg sinn. Dofir gi gläichzäiteg, a souguer méi kuerzfristeg, 17 Lycéeën, déi scho stinn, ausgebaut, vergréissert. Doriwwer ass d’Chamber gëschter vun den zwee zoustännege Ministeren informéiert ginn.

De Jeff Schinker iwwer der Myriam Müller hir Inzenéierung vum Tschechow-Stéck am Stater Theater

A sengem Documentaire begleet de renomméierte Cineast Werner Herzog d'Sich no enger mythescher Elefantenzort - dem Michel Delage säin aktuelle Kinostipp.

Wosst Dir, datt et zu Duelem ee réimeschen Theater aus dem Joer 10 viru Christus gëtt? Wa jo da sidd Dir warscheinlech ënner de puer Raren hei am Land, déi dëse Site kennen. Dovu ginn op alle Fall d’Gemeng Duelem zesumme mam Kulturministère, dem INRA (Institut national de recherches archéologiques ) a weideren Associatiounen aus. Si wëllen de gallo-réimesche Site méi bekannt maachen. Ricciacum, wéi Duelem zur Réimerzäit genannt gouf, war deemools nämlech weit iwwer déi heiteg Grenzen eraus bekannt. D’Sté Bisenius war bei enger Visitt vum archeologesche Site zu Duelem dobäi.

... mat katastrophale Konsequenze fir déi zivil Populatioun: 30 Millioune Leit leiden Honger. Explikatioune vum Thomas Kauffmann vun der ONG Care Lëtzebuerg

D'CSV-Europadeputéiert Isabel Wiseler-Lima freet sech iwwer de Walausgang, weist awer drop hin, datt d'Orban-Vermächtnis net vun haut op muer aus der Welt ze schafen ass.

An der EU gouf e Sonndeg den Owend op ville Plazen opgeotemt: Datt de Viktor Orbán an Ungarn no 16 Joer ofgewielt gouf, gouf zu Bréissel allgemeng ganz positiv opgeholl. Den ungaresche Premier blockéiert zanter Joren ëmmer nees Decisiounen op europäeschem Niveau - elo gëtt erwaart, datt eng méi konstruktiv Approche en vue ass. An Ungarn ass ëmgedréit d’Hoffnung grouss, datt Bréissel déi agefrueren EU-Suen ënner där neier Regierung geschwë fräischalt.

Wéi séier kann dann elo domat gerechent ginn, datt déi Blockagen op béide Säiten opgehuewe ginn? Explikatiounen vun eiser EU-Korrespondentin Danièle Weber

Ëmmer manner Leit aus den Nopeschlänner kommen op Lëtzebuerg schaffen - dofir ëmmer méi Leit aus net-EU-Staaten, esou eng Etüd vum LISER. Explikatioune vum Joël Machado