Moiesstudio

Eise Korrespondent Max Tholl erkläert, wat de franséische President wëlles huet.

Am Quartier Millebach am Norde vun der Stad war d’lescht Woch de Startschoss fir ee ganz spezielle Bësch. Um Eecherfeld ginn 3.500 jonk Beem geplanzt - dat als eng Zort wëssenschaftlecht Experiment fir d’Zukunft - fir erauszefannen, wéi een d’Bëscher hei am Land méi resilient fir d’Zukunft maache kann.

Dem südafrikanesche Cineast Olivier Hermanus säin Drama iwwer Léift, Erënnerung a populäre Gesang, mam Duo Paul Mescal a Josh O'Connor an den Haaptrollen, ass dem Michel Delage säin aktuelle Kinotipp.

E Samschdeg gouf et e volle Succès um Dag vun der Stammzellen-Aktioun. Ronn 1.400 Leit hunn an der Victor Hugo Hal participéiert. Fir d'Äiskonschtleeferin Caroline ass dat eng Chance, fir ee kompatibele Spender ze fannen an de Kampf géint Leukemie ze gewannen.

Wéinst der Situatioun am Noen Oste gouf e Sonndeg eng extra Sitzung vun den Ausseministeren aus de 27 EU-Länner zesummegeruff. Um Méindeg huet d’Kommissiounspresidentin Ursula von der Leyen eng Krisesëtzung an der Kommissioun aberuff.

Mee, kann ee soen, datt d'EU mat enger Stëmm op de Konflikt reagéiert? Explikatiounen vun eiser EU-Korrespondentin Danièle Weber.

An Zesummenaarbecht mat Euranet Plus, deem gréissten europäesche Radio-Reseau fir EU-Aktualitéit.

Vu leschten Donneschdeg bis gëschter Sonndeg nach mat, stoung Bissen ganz am Zeeche vum Volleyball. Do gouf nämlech de Final Four - also d’Halleffinallen an d’Finallen - vun der Coupe gespillt. Iwwer 4 Deeg waren déi bescht Jugend- a Seniorsekippen aus dem ganze Land am Asaz. Insgesamt hate sech 20 Ekippe qualifizéiert. Bei den Dammen ass den Titel um Enn op Bouneweg gaangen a bei den Häre konnt sech Luerenzweiler duerchsetzen.

Mir schalte bei eise Korrespondent Léonardo Kahn, deen op der Plaz ass. Mat him gi mir och op d'Virgoe vun Israel an.

De Lëtzebuerger Psycholog an Auteur Fari Khabirpour, deen am Iran gebuer ass, observéiert d'Lag zanter Woche genee an ass a Kontakt mat Iraner. Mir froen hien no senger Aschätzung.

Touriste sëtzen op der Plaz fest, héieren Explosiounen an hoffen op ee séiere Retour. Ënner hinnen ass de Jean-Paul Bleser, deen eis live vun der Situatioun op der Plaz erzielt.

D'Äntwerten op eis Fro vun der Woch ginn e kloert Bild: d'Leit sinn net bereet, wéinst der ugespaanter finanzieller Situatioun vun der CNS selwer méi bäizeleeën.