Die woord van die week is SKATTEBOL.

'n Plaaslike rolprentspan van Johannesburg is aangewys as een van die finaliste in die internasionale 48-uur-rolprentkompetisie. Die wenner word oor 'n paar weke in Los Angeles aangekondig. Die toppresteerders se rolprente sal ook later vanjaar by die Cannes-rolprentfees vertoon word. Die akteur en rolprentmaker, Morne du Toit, sê die grootste uitdaging was om hulle fliek, DEATH'S MANDATE, binne twee dae klaar te maak.

Plaaslike rolprentspan finalis in internasionale kompetisie

Tientalle inwoners van Sedibeng in Gauteng beweer daar is grootskaalse korrupsie in die Emfuleni-munisipaliteit. Dit volg nadat meer as 60 mense van regoor die land glo meer as R400,000 aan 'n senior werknemer by die munisipaliteit oorhandig het in ruil vir die belofte van werk. Jacques Steenkamp doen verslag.

Die leier van die EFF, Julius Malema, en die sekretarisgeneraal van die ANC, Gwede Mantashe, ontken dat Malema op pad terug is na die ANC. Dit volg op berigte in The Citizen dat Winnie Madikizela-Mandela gesprekke met Malema hieroor voer.

Borgtog is gister geweier vir drie van die vyf beskuldigdes in die Craig Marx-moordsaak. Landdros Charlene Nuyt sê die drie beskuldigdes het nie buitengewone omstandighede bewys, wat hulle vrylating sou regverdig nie. Jacques Steenkamp doen verslag.

Die Johannesburg-sentraal Metodiste kerk het 'n omstrede verlede,met honderde buitelandse vlugtelinge wat die kerk jare lank as skuiling gebruik het. Biskop Paul Verryn, wat die hoof van die gemeente was, is nou verplaas na Soweto en is bekend vir sy onortodokse bediening. Met sy vertrek moes die vlugtelinge ander blyplek kry en die kerk 'n ander herder. Jamaine Krige het by die kerk gaan inloer en met die nuwe kerkleier, Ndumiso Ncombo, oor sy planne vir die gemeente gepraat.

Die daaglikse gebruik van aspiriene kan die sleutel wees tot die stryd teen kanker. Dit is volgens navorsing van die University College London, wat ook wys dat kanker teen 2050 dalk heeltemal uitgewis kan wees, mits daar 'n daadwerklike verandering in mense se leefstyl kom. Die hoof van navorsing by die Kankervereniging van Suid-Afrika, dr. Carl Albrecht, sê die voorspelling is nie noodwendig wensdenkery nie.

Is gratis onderwys en tersiêre opleiding in die land haalbaar? En indien wel, is dit noodwendig wenslik? Die kenners voorspel groot toenames in onderwyskoste oor die volgende tien of meer jaar. Waar lê die oplossing? Cobus Bester praat hieroor met die hoofekonoom van die Efficientgroep, Dawie Roodt, en met die direkteur van die Sentrum vir Bedryfswiskunde by Noordwes Universiteit, prof. Riaan de Jongh.

Die veteraanjoernalis, politieke kommentator en rubriekskrywer, Max du Preez, het as rubriekskrywer by die Independent Media-groep bedank. Du Preez het sy bedanking per brief aan die Independent-groep se Groep Uitvoerende Redakteur, Karima Brown, gerig. Dit volg op die groep se besluit om 'n verskoning te plaas ná Du Preez se rubriek van twee weke gelede, waarin daar na die "Zuma Wrecking Ball" verwys is. Die rubriek het 'n heftige reaksie van die Presidensie ontlok. Cobus Bester praat met Max du Preez.