Die veroordeelde moordenaar, Eugene de Kock, hoop om môre die grootste verjaardaggeskenk van sy lewe te kry. De Kock wat vandag 65 is, se paroolaansoek-uitslag word môre deur die Minister van Justisie en Korrektiewe Dienste, Michael Masutha, bekendgemaak. Hy het in die verlede al verskeie onsuksesvolle aansoeke gebring, daarom wil hulle nie die minister se aankondiging môre vooruitloop nie, sê dr. Piet Croucamp wat hom jare lank beywer vir De Kock se vrylating.

Daar is gesondheidswerkers in Suid-Afrika wat hulle lewens daaraan wy om na sterwende mense om te sien. Hulle kyk na pasiënte met terminale siektes soos kanker en harttoestande. Palliatiewe versorgers se taak is om die fisiese, emosionele en spirituele pyn van sulke pasiënte te bestuur. In die proses deel sterwende mense dikwels hulle diepste geheime en begeertes met sulke versorgers. Hulle praat oor trauma wat hulle bykans hulle hele lewe lank geheim gehou het. Hier is Darren Taylor met die eerste van 'n reeks bydraes oor palliatiewe versorging...

Die Instituut vir Rasse Verhoudinge het gister sy verslag oor die stand van die polisie bekendgemaak. Daar is gefokus op polisielede wat hulle skuldig maak aan misdade, wat moord, aanranding en verkragting insluit. 'n Senior Navorser by die Instituut vir Sekerheidstudies, dr. Johan Burger, sê daar is onderliggende faktore wat 'n rol speel in polisielede wat misdade pleeg.

Verslag oor polisiemisdaad

Moontlike parool vir Eugene de Kock

Palliatiewe versorsing - Deel 1

Die menseregtekommissaris, Danny Titus, het in reaksie op Kadalie se striemende reaksie gesê die MRK het 'n spesiale fokus op buitelanders, of sogenaamde non-nationals. Hy stem egter saam dat daar 'n opvoedingstaak voorlê.

Die aktivis en skrywer, Rhoda Kadalie, het die regering in 'n rubriek in 'n dagblad skerp gekritiseer omdat hulle volgens haar nie plaasaanvalle en die skynbare xenofobiese gevalle op die naam wil noem nie. Kadalie sê dit word as gewone misdaad bloot onder die mat gevee.

Die Amerikaanse Weerdiens het om verskoning gevra nadat hulle voorspellings van 'n geskiedkundige sneeustorm nie ten volle gematerialiseer het nie. 'n Noodtoestand is Maandag in die noord-oostelike state aangekondig. Veral voorspellings oor New York wat glo die ergste getref sou word, was ook nie waar nie, met die storm wat baie erger in Connecticut en Massachusetts gevoel is. Daar is berigte van ondeskeidelik 52 en 67 sentimeter sneeu in die twee deelstate. New York het maar 'n skamele 13 sentimeter sneeu gehad. Die redakteur van Volksblad, Johanna van Eeden, wat op die oomblik in Cambridge in Boston is, sê die storm is iets wat sy nog nooit beleef het nie.

MRK het opvoedingstaak