McCauley bemiddel tussen EFF en ANC

Tannie Evita lewer verslag

Watter een is reg? Van bakboord na stuurboord of van Pontius na Pilates stuur?

Woord van die week 6 Februarie 2015

Britse parlementslede het vandeesweek oorweldigend gestem ten gunste van die manipulering van 'n baba se DNS, ten einde genetiese mutasies te keer wat tot toestande soos diabetes, doofheid, demensie en hartsiektes kan lei. Die tegniek wat reeds volgende jaar in die praktyk toegepas kan word, is gebaseer op die samevoeging van een man en twee vroue se DNS deur middel van invitro-bevrugting. Die foutiewe DNS word in die proses uitgeskakel. Anita Visser praat hieroor met 'n genetikus van die Universiteit van Pretoria, prof. Henk Huysmans.

DNS-manipulering

Vandag, 25 jaar gelede het president FW de Klerk sy geskiedkundige aankondiging in die Parlement gemaak. Verbanne organisasies soos die ANC en die PAC is ontban, gevange politieke leiers soos Nelson Mandela en ander sou vrygelaat word, en onderhandelings sou plaasvind om die land op 'n nuwe, nie-rassige pad te plaas. De Klerk se aankondiging is wyd en syd met lofsange begroet. Daar was ook diegene wat hulle blikkieskos gepak het en heuwels toe getrek het. Na 25 jaar se woel en stoei om die demokratiese proses op dreef te hou, praat Anita Visser met oudpresident De Klerk.

Vandag presies 25 jaar gelede, het president FW de Klerk vir 'n parlementsopening gesorg wat min hom sal kan nadoen, danksy 'n toespraak wat die mees siniese ontleder laat regop sit het. Nie net is die PAC, die SAKP en die ANC ontban nie, maar De Klerk het hom in die geskiedkundige toespraak ook verbind tot die vrylating van Nelson Mandela. Boonop is 'n moratorium op die doodstraf geplaas en die beperkings op die vryheid van die media is opgehef.

FW se toespraak 25 jaar later

FW oor 25 jaar sedert 2 Februarie 1990