Woord van die week 20 Februarie 2015

1 uit 5 tieners probeer selfmoord

Die bekende raadgewende ekonoom, dr. Cees Bruggemans van Bruggemans en Genote, sê die defaitistiese instelling wat internasionaal geskep is met die groot ekonomiese en finansiële krisisse van 2008 en 2009, word stadig maar seker omgeswaai en ontgroei. Dis ongelukkig nog nie waar in Suid-Afrika nie. Hoe gemaak? Cobus Bester praat hieroor met Bruggemans en met nog 'n bekende, die beleggingskenner en Uitvoerende Hoof van Galileo Capital, Theo Vorster.

'n Belangrike verbruikerstydskrif waarsku dat 'n glutenvye dieet meestal op onwetenskaplike aansprake gegrond is en dat baie meer mense dit begin volg wat niks makeer en dit nie nodig het nie. Anita Visser praat met ons wetenskapkorrespondent George Claassen oor die ongekende groei in glutenvrye eetgewoontes en of dit enigsins help.

Ekonomiese defaitisme

Glutenvry of nie?

Die homeopatiese bedryf is in die spervuur nadat 'n Amerikaanse regter 'n klasaksie-regsgeding teen die bedryf goedgekeur het, oor praktisyns se vergesogte aansprake op genesing. Cobus Bester praat hieroor met ons wetenskapkorrespondent, dr. George Claassen.

Homeopatie in spervuur

Die president se staatsrede het die eerste keer in die geskiedenis van 'n demokratiese Suid-Afrika, in chaos ontaard. Geweld is gebruik om EFF-parlementslede te verwyder, die selfoonsein is geblokkeer, en die meerderheid van die opposisie se LP's het in protes uitgestap Ons parlementêre verslaggewer, Mercedes Besent, het gesien hoe EFF-LP's uit die kamer gesleep en aangerand word nadat hulle beveel is om die parlement te verlaat.

SONA teenoor Staatsrede.