Parlementêre chaos

Woord van die week 13 Februarie 2015

Te midde van die konflik tussen die ANC en die EFF, is alle oë gerig op Donderdagaand se Staatsrede. Die politieke ontleder van die Noordwes-universiteit, prof. Andre Duvenage, sê dit is president Jacob Zuma se moeilikste staatsrede nog. Volgens hom het die EFF reeds 'n groot teenwoordigheid op voetsoolvlak, en dit maak Zuma kwesbaar.

Een van Suid-AFrika se bekendste wit vroue het gister by die Kaapstad Persklub haar "Luthuli Housekeeping"-verslag bekend gemaak. Die satirikus, Pieter Dirk Uys, het by monde van Tannie Evita Bezuidenhout, in die aanloop tot president Zuma se Staatsrede, haar sterk uitgespreek oor 'n hele paar aangeleenthede.

Die tweede vrou wat tenniskampioen Bob Hewitt beskuldig van verkragting, Suellen Sheehan, het gister in die Palm Ridge Landdroshof vertel hoe die beweerde mishandeling deur haar voormalige tennisafrigter haar lewe beïnvloed het. Sheehan het getuig by Hewitt se verkragtingsaak in Ekhuruleni. Die 75-jarige Hewitt staan tereg op twee aanklagte van verkragting en een van onsedelike aanranding. Die bydrae kan moontlik sensitiewe luisteraars ontstel.

Die fliek, MOOIRIVIER, wat pas uitgereik is, maak geskiedenis aangesien dit die eerste multi-storielyn rolprent in die land is, soortgelyk aan flieks soos LOVE ACTUALLY en THE FAMILY STONE. Die 30-jarige Rene van Rooyen, wat al vantevore as beste regisseur by die Silwerskermfees bekroon is, het dit geskryf en die regie daarvan behartig.

Die bekende hoof van die Rhema Bybel-kerk, Ray McCauley, het die afgelope tyd as bemiddelaar opgetree tussen die ANC en die EFF om te verhoed dat Donderdagaand se Staatsrede ontwrig word. Dit volg nadat die EFF al vir 'n geruime tyd dreig dat hulle tydens die rede vrae wil vra oor wanneer president Zuma die geld, wat aan sy Nkandla-woning bestee is, gaan terugbetaal.

Mooirivier

"Zuma se moeilikste staatsrede nog" - Ontleder

Bob Hewitt in die hof