Suid-Afrikaners word al hoe groter liefhebbers van whiskey. Die land is nou die wêreld se sesde grootste verbruiker van whiskey en die plaaslike mark het die afgelope jaar met 120 persent toegeneem. Whiskey-fynproewers van regoor die wêreld was onlangs in Sandton byeen vir die ENB Whiskey LIVE fees. Die meester-distilleerder van die Three Ships Whiskey-reeks Andy Watts sê van die whiskeys is so gesog dat kopers tot twee miljoen rand sal betaal vir 'n bottel enkelmout whiskey.

Honderde Suid-Afrikaners en toeriste was teleurgesteld toe die son gister op Versoeningsdag nie om twaalfuur op die senotaaf in die Voortrekkermonument in Pretoria geskyn het nie. Die monument is ontwerp sodat 'n ligstraal slegs om twaalfuur op 16 Desember elke jaar op die woorde "ons vir jou Suid-Afrika" op die senotaaf val. Die dag is in die verlede Geloftedag genoem omdat dit die dag is waarop die Voortrekkers 'n gelofte aan God gemaak het om hulle te beskerm tydens die Slag van Bloedrivier. Liela Magnus doen verslag.

Eergister se gyselaars drama in Martin Place, Sydney, het die lewens van die Lindt Cafe bestuurder, die 34-jarige Tori Johnson en 'n 38-jarige advokaat, Katrina Dawson geeïs en vier ander beseer. Nou dat die stof gaan lê het, is dit tyd vir besinning met die Australiese premier Tony Abbott wat wil weet hoe dit moontlik is dat 'n moeilikheidmaker met 'n geskiedenis van geweld soos die Iranees, Man Haron Monis, se bewegings nie beter gemoniteer is nie. Aniat Visser het regstreeks met die risiko ontleder en terreur-spesialis en direkteur van die politieke denkskrum, SAGE Internasional, dr. John Bruni gepraat.

Dis veral tydens Kerstyd wanneer baie Afrikaanssprekendes in die buiteland erg huistoe verlang. Danksy 'n Predikant van die Helderbaai onafhanklike gemeente in die Strand, gaan sommige van hulle op Vrydag 19 Desember 'n spesiale kersdiens kan ervaar. Ds Wally du Toit se gemeentelede strek tot in die Midde-Ooste en hulle skakel gereeld in vir sy dienste. En waar 'n paar Afrikaanssprekendes in die buiteland bymekaar kom, word daar gebraai of potjiekos gemaak. Wally verduidelik hoe die dienste oor 'n afstand begin het.

Drie mense is dood, insluitend die Iranees wat mense gister in Sydney se sentrale sake gebied se Lindt gebied vir 16 uur lank gyselaar gehou het. Die terroris, 'n Iranees, Man Haron Monis, het 'n geskiedenis van onstabiliteit. dr. John Bruni, 'n risiko bestuurs konsultant in Adelaide lewer kommentaar.

Die afgelope twee jaar is die Suid-Afrikaanse inkomste diens se goeie beeld en proffesionele benadering tot belasting insameling wat met die beste ter wêreld vergelyk, besig om te taan. Dr. Dion George die Demokratiese Alliansie se Skadu-Minister van Finansies, wat al jare lank sy vingers op Jan Taks se pols het lewer kommentaar.

Die DA het die Minister van Basiese Onderwys, Angie Motshekga, gevra om in te gryp om te verseker dat wiskunde onderwysers bekwaam en opgelei is om onderwys te gee. Die party is bekommerd oor die uitslae van die Jaarlikse Nasionale Assesserings toetse ook bekend as ANA -toetse, en het met 'n aksieplan vorendag gekom. Leerders het vanjaar oor die algemeen swak gevaar in die Wiskunde vaardigheidstoetse, veral die graad nege leerders wat 'n gemiddeld van tien-komma-agt persent behaal het

Die voormalige ANC-swaargewig, Ronnie Kasrils, is die naweek verkies tot die beplanningskomitee vir die United Front. Die aktivis Zachie Achmat en ander voormalige ANC-lede is ook deel van die komitee. Volgens Kasrils het 'n nuwe politieke rolspeler dringend noodsaaklik geword.

Die vreugdevure brand hoog sedert Rolene Strauss gisteraand in Londen as Mej Wêreld vifr 2014 gekroon is. Monitor het gisteraand enkele minute na die kroning met Hennie en Teresa Strauss gepraat oor Rolene se prestasie. Hier is hulle reaksie.

Gelukwense stroom in na die 22-jarige Suid-Afrikaanse mediese student, Rolene Strauss, as Mej. Wêreld gekroon is. President Jacob Zuma, Proudly SA en die DA sê Strauss is 'n toonbeeld van die skoonheid en talent wat Suid-Afrika kan lewer.