Die ambulans jaag deur die strate van Pretoria. Met wie? Hoekom glo Elmari nie vir Lionel Peters nie? Lionel boul Patricia de Villiers uit met ʼn opslagbal.

Watter belangrike feit los Theuns Malan doelbewus uit sy artikel? Dit lyk of iemand toegang tot Patricia se huis gehad het ... wie anders het haar huissleutels en wat maak die ongenooide besoeker daar?

ʼn GPS kan baie nuttig in strafregtelike sake gebruik word. Dit kan soveel verdoemende bewyse teen individue oplewer. ʼn Artikel verskyn na aanleiding van inligting wat van ʼn GPS afgetrek is – en dis verstommend.

Lionel Peters kry ʼn onverwagse aanbod. En Môregloed Kleuterskool kry ʼn nuwe juffrou met ʼn geskiedenis. Waaroor is Patricia de Villiers so hewig ontsteld?

Eben de Jager worstel by Griet se hospitaalbed. Patricia besoek haar seun Anton in die gevangenis. Die besoek verloop nie soos sy gehoop het nie. Die dag het ʼn lelike nadraai vir haar.

Lionel Peters is op ʼn missie. Wat is die man se agenda? Maar as jy loop en uitdeel, moet jy seker ook bereid wees om te vat wat na jou kant toe kom. Wie loop Lionel storm? En waarmee?

Dit word ʼn lang, senutergende nag vol verrassings. Wie het Maggie ontvoer? Oorleef sy die ontbering? Wie sterf?

Theuns Malan en Elmari Neethling is verslae oor die gemak waarmee Lionel Peters dit regkry om met Eben de Jager se kop te smokkel. Die buitegebou met die wag voor die deur lewer ʼn groot verrassing op. Die ontvoerder maak weer kontak en Theuns Malan besef meer as ooit tevore: hy mag eenvoudig nie hierdie keer misluk nie.

Daar is ʼn Deense spreekwoord: Mens moet goeie vingers hê om ʼn wrok wortel en tak uit te trek. Dit neem Lionel Peters slegs ʼn enkele paar goedberekende sinne en ʼn foto om Eben de Jager se skuldgevoel om te keer in ʼn wrok met diep wortels.

Eben de Jager loop met ʼn skuldgevoel rond wat hom wil opvreet van binne af. As hy maar net nie op daardie kritieke oomblik gebel het nie, was dinge nou soveel anders. Die skuldgevoel dryf hom teen die mure uit.