Theuns kry op nommer nege-en-negentig ʼn onverwagse besoeker. Nog nooit was ʼn middernag so spanningsvol nie. Maar die nag het ʼn lelike nadraai.

Theuns Malan word by sy huis verras en dis een lang pynlike gesprek. Die GPS lewer ʼn warm leidraad op. Nog ʼn losprys moet om middernag betaal word.

Aletta de Jongh besluit sy staan nie hierdie keer op die kantlyn nie. Sy gaan voluit om te help. Wat doen sy? Theuns Malan is ietwat gegooi deur die jongste verwikkelinge.Tot wie wend hy hom?

Drie verslae mense staan buite die polisiestasie en wag vir nuus. Theuns Malan ontbied dringend sy prokureur. Dit word ʼn lang nag met ʼn nare nadraai.

Eben de Jager soek ʼn skouer om op te leun. Hy doen sy bes om ʼn oplossing vir Griet se netelige situasie te beding. Maar sake neem ʼn skokkende wending ... iets wat Eben in sy wildste drome nie sien kom het nie.

Daar is ʼn Maleise spreekwoord wat lui: ʼn Skinderpraatjie is soos ʼn eier – as dit uitgebroei het, kry dit vlerke. Lionel Peters stook doelbewus kwaad en dié kwaadstokery kry vlerke.

Elmari Neethling loop iemand storm en die twee verskil hewig. Waaroor? ʼn Familie-album word opnuut nader getrek en lewer meer vrae as antwoorde op.

Sally Horn kan nie Vrydag se tweede besoek-onder-toesig bywoon nie en dít sorg vir groot drama. Maar dis nie die enigste drama nie. Die rook trek behoorlik uit Elmari Neethling se ore van beneuktheid.

Lionel Peters het net te veel skokgolwe losgemaak met sy skielike mededelings dat Elmari Neethling dit net so kan laat verbygaan. Wat doen sy? Aletta de Jongh loop met ʼn ding wat haar bly pla. Wat is dit?

Eben de Jager voel dis twee tree vorentoe en drie tree agteruit. Almal gis oor Beulah Daniels. Gaan die GPS die broodnodige leidrade verskaf of was dit tydmors?