Hoekom heers daar ’n verslaentheid by Môregloed kleuterskool? Eben de Jager haal alles uit om in iemand se goeie boekies te kom. Daar wag ’n “verrassing” op Eben en Griet by hulle karavaan.

Eben de Jager moet vir die vale verduidelik. Hoekom kom hy met verskillende weergawes vorendag? Wie daag nie vir ’n afspraak op nie?

Patricia de Villiers stop in die Menlyn Mall en kry ’n onaangename verrassing. Aletta de Jongh lig vir Theuns Malan in oor Arnoldus de Jongh se testament. ʼn Sleutelkarakter raak skielik soek.

Griet Kotze sukkel om haar kop positief gedraai te kry. Elmari Neethling neem ’n besluit oor Hadida Security Services wat ʼn gefladder veroorsaak.

Volgehoue probleme veroorsaak dat Eben de Jager en Theuns Malan meer na mekaar uitreik. Hoekom sit Griet Kotze skielik sonder haar kar?

Eben de Jager kry goeie nuus. Theuns Malan word vir ete genooi en goed geroskam. Theuns en Eben ontmoet mekaar soos spioene in ’n park. Hoekom juis daar?

Tyd snel verby. Dis drie weke later en Anton is gesond. Patricia de Villiers is dankbaar maar nie opgewonde nie. Hoekom nie? Aletta kook ’n spesiale ete. Vir wie? En toe vra sy die vraag waarmee sy weke lank rondloop.

Theuns Malan is vroegoggend op ’n missie. Hy loop hom onverwags in Aletta de Jongh vas en buitengewone versoeke is skielik aan die orde van die dag.

Die verlede het soms ’n nuk om onverwags sy verskyning te maak en by die mens te spook. Vra maar vir Aletta de Jongh. Sy sal jou vertel hoe seer dit is. En hoe dit aan jou verkeerde kant kan krap.

Hoe weemoedig tog die hartseer van ’n moeder. Patricia de Villiers se hart breek vir haar seun, Anton. Sy kan nie aanvaar hy is krimineel nie.