Beulah Daniels hanteer D-dag nie goed nie. Patricia de Villiers haas haar om haar vriendin by te staan maar loop self teëspoed op die lyf. Is iemand besig om Patricia te teiken?

Dit is tog of daar ʼn periode van harmonie en vrede vir die halfbroers Eben de Jager en Theuns Malan aanbreek. Maar dis nie die einde van hulle bekommernisse nie. Met wat kom Griet Kotze by die woonwa aan wat die onrus opnuut in Eben se bors stook?

Daar is ʼn losprys op die kleine kop van Monique Daniels. D-dag vir die betaling daarvan kruip vinnig nader. Gaan die losprys betyds betaal word?

Dis soms moeilik om agter te kom of Griet Kotze knak onder die druk en of sy net daarop uit is om die stelsel te takel. Eben de Jager weet nie vorentoe of agtertoe tussen Griet en die omgesukkelde polisie-adjudant nie.

Griet dink daar kan niks verkeerd wees om ʼn pienk melkskommel saam met ʼn vierjarige dogtertjie te sit en drink nie. Maar, soos Eben de Jager sê, Griet se opinie tel nie. Dis wat Jan Horn, die Helpende Gemeenskapsraad en die polisie daarvan dink.

ʼn Gebeurtenis laat Patricia de Villiers voel soos toe haar seun, Anton, tronk toe is. Sy bid, belowe allerhande goed en huil, maar dis asof sy geen antwoord en rigting kry nie.

Elmari Neethling weet nie aldag mooi hoe sy dit met Jan Horn het nie. Sy weet ook nie of Jan Horn of die polisie-adjudant haar die meeste grys hare gee nie. Hoekom is Patricia de Villiers so hewig ontsteld?

Die adjudant werk Eben de Jager se gal en sy prokureur moet bont staan. Griet Kotze is nie gelukkig oor die verloop van sake nie. Veral nie as sy nóg slegte nuus hoor nie.

Elmari de Jongh en Theuns Malan teoretiseer fluks oor die skokkende ontdekking op Touch of Lavender. Hulle kom gou agter hulle beskik oor heeltemal te min feite om tot ʼn sinvolle gevolgtrekking te kom. Die lastige polisie-adjudant duik weer op, met rede.

Theuns Malan was reg: Die polisie-adjudant is nog lank nie klaar met Eben de Jager nie. Behoort die hare in die rooi motor aan die ontvoerde Monique Daniels? Elmari de Jongh word tot in haar fondament geskok.