Die man met die litteken maak ’n nuwe skuif. Dis duidelik wie hy in sy visier het. Maar dis nie duidelik wat hy in die mou voer nie. En dit gooi Eben de Jager en Theuns Malan.

Die man met die lelike litteken oor die wang raak toenemend bedrywig. Hoe hard Eben de Jager sy kop ook al breek oor gebeure, hy kan nie verstaan wat besig is om te gebeur nie. Dit dryf hom teen die mure uit.

Elmari Neethling loop Theuns Malan storm oor wat in Baviaanspoort gevangenis gebeur het. Griet Kotze kry ’n onverwagse besoeker en Eben de Jager hou glad nie daarvan toe hy dit uitvind nie. Hy is hoogs bekommerd daaroor.

Wie gaan kuier vir Jan Horn en hoekom? Elmari Neethling is steeds ontstoke oor die wiele wat gesteel is. Sy begin twee en twee bymekaar tel en kom tot ’n onrusbarende slotsom.

Aletta de Jongh het ’n spesiale versoek. En sy gee ’n nuwe resep vir Hulphemel. Theuns Malan en sy prokureur besoek Anton de Villiers in die Baviaanspoort gevangenis. Maar dié besoek het ’n nadraai.

Waaroor is Griet Kotze so ontsteld? Sy is nie die enigste persoon nie. Wat lewer ʼn familie-album op? Iemand word onkant daarmee betrap.

Wie help vir Griet Kotze om uit die groef te kom waarin sy geval het? Hoe word sy gehelp? Die rooi motor maak weer sy verskyning met nog meer probleme.

Dit is ʼn bedrywige Saterdagmiddag. Waarheen is Aletta de Jongh en Griet Kotze op pad? Waarheen sleep Theuns Malan vir Eben de Jager? Om wat te doen?

Wie besoek Beulah Daniels in die Denmar- psigiatriese hospitaal? Watter onaangename verrassing wag op Eben de Jager? Dis nie aldag dat Elmari Neethling vir Theuns Malan vir middagete nooi nie. Maar daar is ʼn spesiale rede vir die uitnodiging.

Dis vanaand Elmari Neethling se beurt om te kook ... met verrassende resultate. Dit gee haar en haar ma, Aletta de Jongh, kans om saam op die ver paaie van gister te loop. Waar draai hulle en met watter ontdekkings?