Muhallinka Rayuwarka

Shirin Muhalli a wannan makon tare da Nura Ado Suleiman ya yada zango ne yankin Sahel, inda da dama daga cikin kasashen yankin ke fama da tarin matsalolin dake tagayyara muhalli, kalubalen da kai tsaye ke shafar al'ummominsu.

Shirin wannan makon tare da Nura Ado Suleiman zai yi duba ne kan ranar Muhalli ta duniya da majalisar dinkin duniya ta ware domin jan hankali kan halin da muhallin dan adam ke ciki da kuma tasirin matsalolin sauyin yanayi ke janyowa muhallin, gami da gudanar da taruka kan yadda za a shawo kan matsalar a ranar 5 ga watan Yunin kowace shekara.

A yau shirin batun Noma da kiwo zai waiwaya a Najeriya, ganin yadda har yanzu aka gaza samun matsaya guda tsakanin gwamnatin kasar a matakin tarayya da kuma gwamnonin jihohi musamman na yankin Kudanci, kan yadda za a bullowa matsalar rikicin manoma da makiyaya da sauran batutuwa masu alaka da matsalar ciki har da neman kawo karshen tsarin kiwon gargajiya na yawon da makiyaya a Najeriyar ke yi a tsakanin yankunan arewaci da kudancin kasar.

Shirin a wannan lokaci ya sake yin waiwaye ne kan illolin da leda ke haifarwa ga muhalli sakamakon yadda ake yasar da ita ba tare da damuwa ko neman sanin irin matsalolin da za ta iya haifarwa ba, musamman ga kasar noma da ma lafiyar jikin dan adam, sai kuma gurbata muhallinsa idan aka kai ga kona ta.

Shirin 'Muhallinka Rayuwarka' na wannan makon tare da Nura Ado Suleiman, ya yi waiwaye ne kan halin da sha’anin tsaro ke ciki a wasu yankunan arewa maso yammacin Najeriya, musamman a Zamfara, daya daga cikin jihohin da ke kan gaba wajen fuskantar hare-haren ‘yan bindiga dake kashe jama’a gami sace wasunsu domin karbar kudin fansa baya ga satar dabbobin da suke.

Wannan matsalar tsaro ta hare-haren ‘yan bindiga da kawo yanzu aka shafe lokaci tana ciwa mutane tuwo a kwarya ta dade tana tasiri kan lamurran da suka shafi muhalli musamman ma noma kiwo da sauran dangoginsu, a yankunan karkara.

Shirin Muhallin ka Ruyuwar ka a wannan makon tare da Nura Ado Suleiman ya yada zango ne garin Hadeja dake jihar Jigawa na arewacin Najeriya, inda rahoton masana kimiya ya nuna cewa garin na fusknatar barazanar mummunar ambaliyar ruwa, wadda zata iya kaiwa ga tashin garin baki dayan sa…

Shirin a wannan mako ya tattauna kan yanayin daminar bana da ake shirin shiga a tarrayyar Najeriya, a yayin da manoma suka dukufa kan shirin share gonakinsu da domin ayyukan noma, hukumar kula da hasashen yanayi a kasar NIMET, ta gargadi manoman da ka da su yi gaggawar fara shuka ,saboda ruwan saman da ya soma sauka ba wai yana nuna har daminar bana ta iso ba ne.

A yau shirin zai mayar da hankali kan barazanar kwararowar Hamada a sassan arewacin Najeriya, inda aka tabbatar da cewar yanzu haka jihohi 11 ne ke fuskantar wannan matsala, wadda ake bukatar daukar matakan gaggawa don kawo karshenta.

A wannan makon, shirin yayi tattaki zuwa garin Maradi dake Jamhuriyar Nijar, inda aka fara noman goro, Cikin shirin za a ji tattaunawa da masu ruwa da tsaki kan noma da amfanin goron, da kasuwancinsa, sannan da matsayi ko makomarsa wajen al’adu, tare da da kuma muhummancinsa wajen sarrafa nau’ikan ababen sha irinsu Coca Cola da Pepsi.

Shirin Muhallinka Rayuwarka na wannan makon ya tattauna ne kan matsalar bacewar wasu nau’ikan tsirrai da dama dake kewayen dan Adam, wadanda suke taimaka masa a fannoni daban daban na rayuwa, wadanda a yanzu aka fara nemansu ana rasawa a wuraren da a baya suka wadata.