Network Media Group (NMG)

သတင်းထုတ်လွှင့်ချက် - ( EP - 141 )

ဒေါနိုးကူး ကရင်နီ စစ်ရှောင်စခန်းမှာ ဘာတွေ လိုအပ်နေသလဲ။ 

ဇွန်လ ၂၈ ရက်၊ ၂၀၂၃ ခုနှစ်။

၂၀၂၁ ခုနှစ် စစ်အာဏာသိမ်းပြီးနောက် ကရင်နီပြည်နယ်ထဲမှာ တိုက်ပွဲများ ပြင်းထန်စွာ ဆက်တိုက်ဖြစ်ပွား လာတဲ့အတွက် ဒေသခံပြည်သူတွေဟာ စစ်ဘေးလွတ်ရာ တောတောင်ထဲနဲ့ သူတို့ရဲ့ဆွေမျိုးတွေရှိရာ နေရာဒေသအသီးသီးကို ထွက်ပြေးတိမ်းရှောင်ခဲ့ကြရပါတယ်။

တချို့က ကရင်နီပြည်နယ်ထဲက တောတောင်ထဲတွင် ဖွင့်လှစ်ထားတဲ့ စစ်ဘေးရှောင်စခန်းတွေမှာ ခိုလှုံနေ ကြသလို တချို့ကတော့ ထိုင်း-မြန်မာနယ်စပ်မှာရှိတဲ့ စစ်ဘေးရှောင်စခန်းတွေမှာ  သွားရောက်ခိုလှုံနေကြပါတယ်။

စစ်ဘေးရှောင်စခန်းတွေမှာ ခိုလှုံနေကြပေမယ့်လည်း နေထိုင်စားသောက်ရေး၊ ကျန်းမာ ရေး၊ ပညာရေးအပြင် အဖက်ဖက်က အခက်အခဲမျိုးစုံနဲ့ ရင်ဆိုင်ကြုံတွေ့နေကြရပါတယ်။

လက်ရှိ ထိုင်း-မြန်မာနယ်စပ် ဒေါနိုးကူးစစ်ဘေးရှောင်စခန်းကို ရောက်ရှိခိုလှုံနေကြတဲ့ စစ်ဘေးရှောင်တွေ အနေနဲ့ ဘယ်လိုအခက်အခဲတွေ ရှိနေသလဲ၊ အခက်အခဲတွေကို ဘယ်လိုရင်ဆိုင် ဖြတ်သန်းနေကြသလဲ စတာတွေကို ဒေါနိုးကူးစစ်ရှောင်စခန်း အုပ်ချုပ်ရေးကော်မတီ ရုံးစီမံရေးမှူး ခွန်းရောဘတ်ကို တွေ့ဆုံမေးမြန်းထားပါတယ်။

သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။

သတင်းထုတ်လွှင့်ချက် - ( EP - 140 )

ဇွန်လ ၂၈ ရက်၊ ၂၀၂၃ ခုနှစ်။

ကရင်နီစစ်ရှောင်တစ်ဦးရဲ့ စစ်ဘေးရှောင်လာရာ လမ်းခရီးတစ်လျှောက် ကြုံတွေ့ခဲ့ရတဲ့ အခြေအနေ

စစ်အာဏာ သိမ်းပြီးနောက် ကရင်နီပြည်နယ်ထဲက နေရာ အားလုံးနီးပါးမှာ တိုက်ပွဲတွေ ပြင်းထန်စွာ ဆက်တိုက်ဖြစ်ပွားလာတဲ့အတွက် ပြည်သူတွေဟာ စစ်ဘေးလွတ်ရာ တောတောင်ထဲမှာ စစ်ဘေးရှောင်နေကြရပါတယ်။

စစ်ဘေးလွတ်ရာ တောတောင်ထဲမှာ နေနေရပေမယ့် စစ်ကောင်စီတပ်ရဲ့ လက်နက်ကြီး ပစ်ခတ်တာ၊ လေယာဉ်နဲ့ ဗုံးကြဲတိုက်ခိုက်တာတွေ ကိုလည်း မကြာခဏ ကြုံတွေ့နေရပါတယ်။

တိုက်ပွဲတွေကြောင့် ထိုင်း-မြန်မာနယ်စပ်က ဒေါနိုးကူး စစ်ရှောင်စခန်းကို ထွက်ပြေးတိမ်းရှောင်လာတဲ့ ဒီမာဆိုမြို့နယ် ဒေါလျားခူကျေးရွာက ဒေါ်လှလှဝင်းက စစ်ဘေးရှောင်လာရာ လမ်းခရီးတစ်လျှောက်မှာ သူကြုံတွေ့ခဲ့ရတဲ့ အခြေအနေတွေကို ပြောပြားထားပါတယ်။

သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။

သတင်းထုတ်လွှင့်ချက် - ( EP - 139 )

ဇွန်လ ၂၅ ရက်၊ ၂၀၂၃ ခုနှစ်။

တင်ဆက်ပေးမယ့် သတင်းတွေကတော့ ----- ကလိန်အောင် ထွေအုပ်ရုံး ပစ်ခတ်တိုက်ခိုက်ခံရပြီး မီးရှို့ဖျက်ဆီးခံလိုက်ရပါတယ်။

ဟူးကောင်းချိုင့်ဝှမ်းဒေသက လီဒိုလမ်းမပေါ်မှာ KIA က ခရီးသည်တွေကို စစ်သားစုဆောင်း နေတယ်လို့ ဒေသခံတွေက ပြောပါတယ်။

မွန်ပြည်နယ် လမိုင်းမြို့မှာတော့ မှတ်ပုံတင် အရာရှိ အမျိုးသမီးတစ်ယောက် ပစ်သတ်ခံလိုက်ရပါတယ်။

သတင်းလွှာထဲမှာတော့ ရှမ်းပြည်နယ်မြောက်ပိုင်း နမ္မတူမြို့နယ် ဘော်တွင်းကျေးရွာအုပ်စု ဆိုင်ကောင်းရွာမှာ မြေမြုပ်မိုင်း ပေါက်ကွဲပြီး အမျိုးသားတစ်ယောက် ပြင်းပြင်းထန်ထန် ဒဏ်ရာတွေ ရရှိသွားတယ်ဆိုတဲ့ သတင်းပေးပို့ချက်ကို ကြားကြရမှာပါ။ 

သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။

သတင်းထုတ်လွှင့်ချက် - ( EP - 138 )

ဇွန်လ ၂၄ ရက်၊ ၂၀၂၃ ခုနှစ်။

တင်ဆက်ပေးမယ့် သတင်းတွေကတော့ ----- တနင်္သာရီမြို့နယ်၊ သမီးလှကျေးရွာ အနီးက ၅ ရက်တာ တိုက်ပွဲအတွင်း စစ်ကောင်စီဘက်က ဆေးဗိုလ်တစ်ယောက် အပါအဝင် ၅ ယောက် သေဆုံးပြီး ၁၀ ယောက်ကျော် ဒဏ်ရာ ရရှိခဲ့ပါတယ်။

မွန်ပြည်နယ်၊ ကျိုက်မရောမြို့နယ်က NLD ပါတီ လွှတ်တော်ကိုယ်စားလှယ် ဟောင်းတစ်ယောက်ရဲ့ နေအိမ်ကို စစ်ကောင်စီက ချိပ်ပိတ်လိုက်ပါတယ်။

ထားဝယ်ခရိုင်၊ ရေဖြူမြို့နယ်၊ ကံပေါက်ဒေသမှာ အမျိုးသမီး ၄ ယောက်ကို မောရဝတီရေတပ်က ပန်းသပိတ် ဆင်နွဲတယ်ဆိုပြီး လာရောက် ဖမ်းဆီးသွားပါတယ်။

မော်လမြိုင်-ရေး-ထားဝယ် အမှတ် ၈ ကားလမ်းမကို တော်လှန်ရေး ပူးပေါင်းအဖွဲ့တွေက စစ်ဆေးမှုတွေ ဆက်တိုက် ပြုလုပ်နေပါတယ်။ 

သတင်းလွှာထဲမှာတော့ စစ်ကိုင်းတိုင်းဒေသကြီး၊ အင်းတော်မြို့နယ်ထဲ စစ်ကောင်စီက လက်နက်ကြီးတွေနဲ့ နေ့တိုင်း ပစ်နေတာကြောင့် ထိခိုက်ဒဏ်ရာရတာတွေ ရှိနေဆိုတဲ့ သတင်းပေးပို့ချက်ကို ကြားကြရမှာပါ။ အခုတော့ သတင်းတွေကို ကျနော်နဲ့အတူ အားမီက တင်ဆက်သွားမှာပါ။

သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။

သတင်းထုတ်လွှင့်ချက် - ( EP - 137 )

ဇွန်လ ၂၂ ရက်၊ ၂၀၂၃ ခုနှစ်။

တင်ဆက်ပေးမယ့် သတင်းတွေကတော့ ----- ဒီနေ့တင်ဆက်ပေးမယ့်သတင်းတွေကတော့ ----- ကန့်ဘလူခရိုင်တွင် ဆေးကုသမှု လက်လှမ်းမမီတဲ့ နေရာတွေ မှာ မြွေဆိုးကိုက်ခံရသူ များလာနေပါတယ်။

စစ်ကောင်စီနဲ့ တိုက်ပွဲတွင် ထားဝယ် ပြည်သူ့ကာကွယ်ရေး တပ်မတော် တပ်ရင်း ၁ က ၂ ဦး ကျဆုံးခဲ့ပါတယ်။

ဖားကန့်က KIO/KIA ရုံးကို စစ်ကောင်စီက ဝင်ရောက်စီးနင်းတိုက်ခိုက်တဲ့အတွက် လူသေဆုံးမှုရှိခဲ့ပါတယ်။

ထားဝယ်ခရိုင်မှာတော့ ရင်ခွင်သစ် (ECCD) မူကြိုကျောင်းပိုင်ရှင် ဇနီးမောင်နှံကို စစ်ကောင်စီက ဖမ်းဆီးသွားပါတယ်။

သတင်းလွှာထဲမှာတော့ ကယား(ကရင်နီ)ပြည်၊ ဖားဆောင်းမြို့နယ်မှာ စစ်ကောင်စီက လက်နက်ကြီးနဲ့ ရမ်းသန်း ပစ်ခတ်မှုကြောင့် ကျောင်းထိုင် ဆရာတော်တစ်ပါးနဲ့ အရပ်သားတစ်ယောက် ထိခိုက် ဒဏ်ရာရခဲ့တယ်ဆိုတဲ့ သတင်းပေးပို့ချက်ကို ကြားကြရမှာပါ။

သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။

သတင်းထုတ်လွှင့်ချက် - ( EP - 136 )

ဇွန်လ ၂၁ ရက်၊ ၂၀၂၃ ခုနှစ်။

တင်ဆက်ပေးမယ့် သတင်းတွေကတော့ ----- မိုးရွာသွန်းမှုတွေနဲ့ တောင်ပြိုကျမှုတွေကြောင့် ကချင်ပြည်နယ် ပူတာအို - မချမ်းဘော့ -နောင်မွန်း ကားလမ်းပိုင်း တစ်ချို့ပျက်စီးသွားတဲ့အတွက် ကားလမ်းတွေပိတ်နေပါတယ်။

စစ်ကိုင်းတိုင်းမှာတော့ စစ်ကောင်စီတပ်က ဇွန်လပထမပတ်ကနေ အခု တတိယပတ်ထိ တစ်ရွာဝင်တစ်ရွာထွက် လိုက်လံမီးရှို့နေပါတယ်။ 

ရှမ်းပြည်နယ်မြောက်ပိုင်း မူဆယ်မှာ စစ်ကောင်စီတပ်က TNLA တပ်ဖွဲ့ဝင် ၂ ယောက်ကို ပစ်ခတ်လိုက်တဲ့အတွက် ဒဏ်ရာပြင်းထန်စွာ ရရှိခဲ့ကြပါတယ်။

မွန်ပြည်နယ်၊ ရေးမြို့နယ်က ပြည်သူ့စစ်အဖွဲ့ဝင် ၁ ယောက်ကို ရေးဘီလူးအဖွဲ့က ပစ်ခတ်ရှင်း လင်းခဲ့ပါတယ်။

သတင်းလွှာထဲမှာတော့ ထိုင်း-မြန်မာနယ်စပ်ရှိ ဒေါနိုးကူး ကရင်နီစစ်ဘေးရှောင်စခန်းမှာ ကျောင်းအဆောက် အဦး လုံလောက်မှု မရှိတဲ့အပြင် တခြား ကျောင်းအသုံး အဆောင်ပစ္စည်းတွေလည်း လိုအပ်နေတယ်ဆိုတဲ့ သတင်းပေးပို့ချက်ကို ကြားကြရမှာပါ။ 

သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။

သတင်းထုတ်လွှင့်ချက် - ( EP - 135 )

ဇွန်လ ၂၀ ရက်၊ ၂၀၂၃ ခုနှစ်။

တင်ဆက်ပေးမယ့် သတင်းတွေကတော့ ----- တနင်္သာရီတိုင်းမှာ စစ်ရှောင်တွေဆီ ရိက္ခာသယ်ယူပို့ဆောင်နေတဲ့ လမ်းတွေကို စစ်ကောင်စီတပ်က
တင်းကြပ်စွာ စစ်ဆေးနေပါတယ်။

ကွတ်ခိုင်မှာတော့ ရွှေတူးဖော်မှုကြောင့် ဒေသခံတွေ ရေအခက်အခဲနဲ့ ကြုံတွေ့နေရပါတယ်။

မွန်ပြည်နယ် ရေးမြို့နယ်နဲ့ ကျိုက်ထိုမြို့နယ်တွေမှာ လက်နက်ကြီးကျည် ကျရောက်ကွဲခဲ့တဲ့အတွက် အမျိုးသမီး၂ ဦး သေဆုံးပြီး ကလေးအပါအဝင် အရပ်သားပြည်သူ ၄ ယောက် ထိခိုက်ဒဏ်ရာရရှိခဲ့ပါတယ်။

ထားဝယ်မှာတော့ သပိတ်ကော်မတီ ဦးဆောင်သူ ကိုမင်းလွင်ဦးရဲ့ ဖခင်ကို စစ်ကောင်စီတပ်က ဖမ်းဆီးသွားပါတယ်။

သတင်းလွှာတွေထဲမှာတော့ ထိုင်း-မြန်မာနယ်စပ်က ဒေါနိုးကူး ကရင်နီ စစ်ဘေးရှောင်စခန်းမှာ ရိက္ခာ ပြတ်လပ်မှုရှိနေတဲ့အကြောင်းကို ကြားကြရမှာပါ။ 

သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။

သတင်းထုတ်လွှင့်ချက် - ( EP - 134 )

ဇွန်လ ၁၉ ရက်၊ ၂၀၂၃ ခုနှစ်။

တင်ဆက်ပေးမယ့် သတင်းတွေကတော့ ----- ရှမ်းပြည်နယ် မြောက်ပိုင်းရှိ လားရှိုး စစ်ရှောင်တွေ အရေးပေါ် အကူအညီလိုအပ်နေပါတယ်။

ကချင်ပြည်နယ်၊ ဖားကန့်မြို့နယ်၊ လီဒိုလမ်းမပေါ်က မင်းဇင်သန့် ဝါရာဇွပ်ပြည်သူ့စစ်တပ်ဖွဲ့တွေဟာ လက်နက်ကြီးငယ်တွေနဲ့ ရမ်းသမ်းပစ်ခတ်မှုတွေ ပြုလုပ်နေပါတယ်။

ထိုင်း-မြန်မာနယ်စပ်က ဒေါနိုးကူး ကရင်နီ စစ်ဘေးရှောင်စခန်းမှာ ရိက္ခာ ပြတ်လပ်မှုတွေ ရှိနေပါတယ်။

မွန်ပြည်နယ်၊ ရေးမြို့နယ်မှာ စစ်ရေးအရှိန် မြင့်တက်လာနေတဲ့အတွက် ပြည်သူတွေအနေနဲ့ မလိုအပ်ဘဲ ခရီးမသွားဖို့ ရေး ပကဖ မေတ္တာရပ်ခံထားပါတယ်။

သတင်းလွှာတွေထဲမှာ တော့ ကချင်ပြည်နယ်၊ မိုးညှင်းခရိုင်၊ KIA တပ်မဟာ ၈၊ တပ်ရင်း ၄၁ ထိန်းချုပ် နယ်မြေဖြစ်တဲ့ ခေါင်ရန်ကုန်း (Hkawng Rang kawng) ဆိုတဲ့နေရာမှာ ဟိုပင်မြို့က ဒေသခံ လင်မယား နှစ်ယောက် လမ်းလုပ်သားတွေရဲ့ လက်ချက်ကြောင့်ဟုဆိုကာ အသတ်ခံထားရတဲ့အကြောင်း သတင်းပေးပို့ချက် ကိုလည်း နားဆင်ရဖို့ ရှိပါတယ်။

သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။

သတင်းထုတ်လွှင့်ချက် - ( EP - 133 )

ဇွန်လ ၁၆ ရက်၊ ၂၀၂၃ ခုနှစ်။

တင်ဆက်ပေးမယ့် သတင်းတွေကတော့ -----  ရှမ်းပြည်မြောက်ပိုင်း၊ လားရှိုးမြို့နယ်အတွင်းက တအာင်းစာရေးထိုးထားတဲ့ ရွာအဝင်
ဆိုင်းဘုတ်တွေကို စစ်ကောင်စီ ဖြုတ်ချ ဖျက်ဆီးနေပါတယ်။

အမျိုးသားညီညွတ်ရေးအစိုးရ NUG အလုပ်သမားဝန်ကြီး နေအိမ်ကို စစ်ကောင်စီ က ချိပ်ပိတ်ထားလိုက်ပါတယ်။

စစ်ကောင်စီခန့် ရွာအုပ်ချုပ်ရေးမှူး တစ်ယောက် နှစ်ပတ်အတွင်း သေနတ်နဲ့ နှစ်ကြိမ် ပစ်ခံရပြီး ဆေးရုံတက်နေရပါတယ်။

တနင်္သာရီမြို့နယ်အတွင်းမှာရှိတဲ့ ရှေ့တန်းစခန်းတစ်ခုက စစ်ကောင်စီ စစ်ကြောင်းကို PDF တွေက ခြုံခိုတိုက်လို့ ၅ ယောက်သေဆုံးခဲ့ပါတယ်။

သတင်းလွှာတွေထဲမှာ တော့ ကချင်ပြည်နယ်၊ တနိုင်းမြို့နယ်၊ ရှင်ဗွေယန်မြို့အတွင်းရှိ ဒေသခံတွေ အားကိုး အားထားရတဲ့ ခန့်မှန်း ဧက (၄၀၀)ထက်မနည်းတဲ့ မြေနေရာတွေမှာ တရုတ်လုပ်ငန်းရှင်တွေက ရွှေအလွန်အကျွံ တူးဖော်နေတာကြောင့် ဒေသခံတွေနဲ့ တောနေ တိရိစ္ဆာန်တွေအတွက် စားကျက်မြေနေရာ တွေလည်း အခက် တွေ့လာနေတယ်ဆိုတဲ့အကြောင်း သတင်းပေးပို့ချက် ကိုလည်း နားဆင်ရဖို့ ရှိပါတယ်။ 

သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။

သတင်းထုတ်လွှင့်ချက် - ( EP - 132 )

ဇွန်လ ၅ ရက်၊ ၂၀၂၃ ခုနှစ်။

တင်ဆက်ပေးမယ့် သတင်းတွေကတော့ -----  ရှမ်းပြည်နယ် မြောက်ပိုင်းမှာ ကိုးကန့်တပ်မတော် MNDAA နဲ့ စစ်ကောင်စီတပ်တို့ တိုက်ပွဲ ပြင်းထန်စွာ
ဖြစ်ပွားနေပါတယ်။

ဧရာဝတီတိုင်း ဟိုင်းကြီးကျွန်း အနီးက ပင်လယ်ထဲမှာ ဖမ်းမိတဲ့ ရိုဟင်ဂျာ အယောက် ၆၀ ကျော် ထောင်ဒဏ် ၅ နှစ်စီ ချမှတ်ခံခဲ့ရပါတယ်။

ပုလောမှာတော့ စစ်ကောင်စီတပ်က ပစ်ခတ်လိုက်တဲ့ လက်နက်ကြီးကြောင့် သေဆုံးသွားတဲ့ သမီးအလောင်း ကို တွေ့ရာက မိခင်ဖြစ်သူ နှလုံးရပ်သေဆုံးခဲ့ပါတယ်။

တနင်္သာရီမြို့နယ်မှာတော့ စစ်ကောင်စီတပ်က ကျေးရွာထဲကို လက်နက်ကြီးနဲ့ ပစ်ခတ်နေတာကြောင့် ရွာသားတွေ ဘေးလွတ်ရာကို ထွက်ပြေး တိမ်းရှောင်နေရပါတယ်။

သတင်းလွှာထဲမှာတော့ အရေးပေါ် ကျောင်းဆောင်ပြုပြင်ပေးဖို့ ပြည်နယ်အစိုးရနဲ့ မြို့နယ်ပညာရေးမှူးရုံး တွေမှာ တင်ပြထားပေမယ့် ၂၀၂၃-၂၀၂၄ ခုနှစ် ပညာသစ်နှစ် ကျောင်းစဖွင့်ချိန်ထိ ကူညီထောက်ပံ့မှုတွေ မရသေး တာကြောင့် နေရပ်ပြန် ဒဘတ်စစ်ရှောင်ပြည်သူတွေက ကျောင်းဆောင်အဟောင်းကို တတ်နိုင်သမျှ ပြုပြင်ပြီး ဇွန်လ ၁ ရက်နေ့က စတင်ကာ ကျောင်းကို ပြန်ဖွင့်ထားတယ်ဆိုတဲ့အကြောင်း သတင်းပေးပို့ချက် ကိုလည်း နားဆင်ရဖို့ ရှိပါတယ်။

သတင်းနှင့်မီဒီယာကွန်ရက် (Network Media Group) ရဲ့ Podcast အစီအစဉ်ကနေ ကြိုဆိုပါတယ်။ တိုင်းရင်းသားဒေသတွေက အဖြစ်အပျက်တွေနဲ့ ဆက်စပ်တဲ့ သတင်းတွေကို စုစည်းတင်ဆက်ပေးနေတာဖြစ်ပါတယ်။ Podcast ထုတ်လွှင့်ချက်တွေကို တိုက်ရိုက်နားဆင်နိုင်သလို ဒေါင်းလုပ် လုပ်ထားပြီး အဆင်ပြေတဲ့အချိန်မှာ နားထောင်ရင်လည်း ရပါတယ်။