喺4月9日，fallformovies（夏冬）搞咗個包場，睇《死屍死時四十四》。感謝佢嘅邀請。完場仲有導演何爵天同演員楊偉倫嚟謝票。何爵天講到戲中有一幕古人捉西洋棋，係想致敬《第七封印》。

講起《第七封印》，你應該會記得我講過《更改主題》，入面嘅導論就係講《第七封印》。既然咁巧合，就借機引伸，去講講《死屍死時四十四》同《更改主題》嘅關係。

正文內容我主要會講劇情同「共同的荒謬」嘅關係，我會分出三種荒謬，再講荒謬字源上嘅意思。

到結語部分先會係思考部分。我相信觀賞荒謬時感到不適，先係正常反應。如果觀賞荒謬而樂在其中，咁反而未必係件好事。

【注意：呢篇文唔係介紹，而係詮釋，所以我會劇透，驚劇透就唔好睇落去。】