Í 1999 samtykti ST, at altjóða dagur móti harðskapi móti kvinnum skal vera 25. november hvørt ár. Og nú hesin dagur var sunnudagin, er hetta evnið reyði tráðurin í Nón og hesum TemaTýsdegi.

Hvussu umfatandi er harðskapur móti kvinnum í Føroyum, og er mynstrið broytt gjøgnum árini, eru millum spurningarnar við viðgera saman við Elini Reinert Planck, leiðara í Kvinnuhúsinum.

Hvat skalt tú gera, um tú ert fyri harðskapi í tínum parlagi, og hvat merkir hetta fyri familjuna, eru tveir av spurningunum, ið vit seta sálarfrøðingunum Suna Poulsen og Katrinu Lindenskov Holm.

Í 1999 samtykti ST, at altjóða dagur móti harðskapi móti kvinnum skal vera 25. november hvørt ár. Og nú hesin dagur var sunnudagin, er hetta evnið reyði tráðurin í Nón og hesum TemaTýsdegi.

Hvussu umfatandi er harðskapur móti kvinnum í Føroyum, og er mynstrið broytt gjøgnum árini, eru millum spurningarnar við viðgera saman við Elin Reinert Planck, leiðara í Kvinnuhúsinum.

Hvat skalt tú gera, um tú ert fyri harðskapi í tínum parlagi, og hvat merkir hetta fyri familjuna, eru tveir av spurningunum, ið vit seta sálarfrøðingunum Suna Poulsen og Katrinu Lindenskov Holm.

"Okur fiska eisini í Havn!"

- It's the bloody White Album!

- Tað hevði verið ógvuliga trupult at skorið hana stórvegis niður.

- Hon er akkurát, sum hon skal vera.

- Eftir Beatles-standardi er hetta ikki meistaraverk, men hetta er ein fantastisk pláta.

Hetta eru nakrar útsagnir, sum koma fram í hesum tímanum í Nón, sum viðger hvítu plátuna.

22. november 1968 kom The White Album við The Beatles á gøtuna. Hesa ferð tóku teir fýra beatlarnir sjálvur ræði, alt slapp við, teir spældu sær í upptøkuhølunum, og plátan peikaði í nógvar ættir musikalskt.

Í dag - 22. november, er júst hálv øld liðin, síðani The Beatles lótu úr hondum The White Album, ið telur tvær plátur og klassikarar sum eitt nú Back in the U.S.S.R.; Ob-la-di Ob-la-da; While my guitar gently weeps; Blackbird og Julia.

Og við tónleiki og saman við Niklasi Johannesen og Una Arga, fara vit at hátíðarhalda fimti ára dagin, samstundis sum vit eisini fáa orðið á Stanley Samuelsen.

Í dag - 22. november, er júst hálv øld liðin, síðani The Beatles lótu úr hondum The White Album, ið telur tvær plátur og klassikarar sum eitt nú Back in the U.S.S.R.; Ob-la-di Ob-la-da; While my guitar so gently weeps; Blackbird og Julia.

Og við tónleiki og saman við Niklasi Johannesen og Una Arga, fara vit at hátíðarhalda fimti ára dagin, samstundis sum vit eisini fáa orðið á Stanley Samuelsen.

Fríggjadagin byrja árligu Bókadagarnir í Norðurlandahúsinum, og Bókadagarnir fara á ein fjølbroyttan hátt at mynda henda MentanarMikudagin í Nón.

Fyrst hitta vit stjóran í Norðurlandahúsinum - Gun Hernes, sum fer at siga okkum um endamál og innihald Bókadaganna.

Ein av Føroya fremstu rithøvundun er Gunnar Hoydal. Og á Bókadøgunum verður nýggj bók við yrkingum og týðingum eftir Gunnari Hoydal løgd fram. Vit fara at fregnast um Gunnarsa skaldskap, tá vit hitta Jógvan Isaksen, bókmentafrøðing.

Meðan royndarverkætlanin við 2. flokkunum riggar sera væl, er skúlavikan hjá 8. og 9. flokki heilar 39 tímar. Ein vika, sum telur so nógvar skúlatímar er alt ov long, sigur Maria Tróndheim Isaksen, lærari á Skúlatrøð, og hetta hevur við sær, at næmingarnir ofta eru móðir og illa upplagdir.

Vit hittu tær báðar á Skúlatrøð, og tú kanst hoyra samrøðuna við Jórun Høgnesen og Mariu Tróndheim Isaksen her!

Fyrst fara vit á gátt á Skúlatrøð í Klaksvík, har vit hitta lærararnar Jórun Høgnesen og Mariu Tróndheim Isaksen.

Hvussu fáa vit ein betri fólkaskúla? Hesar og aðrar spurningar seta vit Herálvi Jacobsen, ið er formaður í Føroya Lærarafelag, og Jóhannes Miðskarð, ph.d., adjunkti í námsfrøðiligari leiðslu og fyrisiting.

Vit vóru eisini á gátt í løgtinginum, har vit spurdu nøkur løgtingsfólk, hvat ein góður lærari er.

- Fleiri stór ríki gingu undir, og nýggj lond komu fram. Vinnandi partar býttu heimin millum sín og skaptu landamørk, sum skaptu konfliktir, sum eru kyknaðar aftur í dag, sigur Hans Holm, landafrøðingur, sum kortleggur avleiðingarnar av fyrra verðinskríggi.

Tann 11. november í 1918 klokkan 11, skrivaðu stríðandi partarnir í fyrra heimsbardaga undir eina vápnahvíld, sum á pappírinum endaði fyrra verðinskríggj.