La fin da matg ha Curò Mani pudì festivar ses 70avel anniversari. Nus avain pudì discurrer cun el e preschentain ina selecziun ord sias cumposiziuns. Curò Mani è naschì ils 27 da matg 1949. El è creschi si ad Andeer e San Murezzan. Tranter il 1970 e 1973 ha el lavurà sco scolast en la scola primara a Frauenkirch. Pli tard ha el studegià al conservatori a Turitg. El è era stà fitg activ sco dirigent, uschia ha el tranter auter dirigì durant 15 onns il chor viril Surses.

La sonda dals 18 da matg ha Sedrun dà suttetg a la 13avla Fiasta da cant ceciliana. 19 chors baselgia da la Surselva cun ca. 500 chantaduras e chantadurs èn stads preschents a Sedrun ed han interpretà là en baselgia parochiala 45 chanzuns da patg. Dirigì han 13 umens e 6 dunnas. Quatter expertAs han valetà questas producziuns.

RTR ha registrà e porta en trais emissiuns impressiuns chanticas da questa festa. Oz la terza e davosa. En quella emissiun Noss chors udin nus las sis furmaziuns: Chor mischedau Laax, Chor Uvriu Danis/Tavanasa, Chor mischedau Vrin/Surin, Chor mischedau Rabius, Chor baselgia s. Gion Mustér ed il Chor cecilian Trun.

La sonda dals 18 da matg ha Sedrun dà suttetg a la 13avla Fiasta da cant ceciliana. 19 chors baselgia da la Surselva cun ca. 500 chantaduras e chantadurs èn stads preschents a Sedrun ed han interpretà là en baselgia parochiala 45 chanzuns da patg. Dirigì han 13 umens e 6 dunnas. Quatter expertAs han valità questas producziuns. RTR ha registrà tuttas e porta en trais emissiuns impressiuns chanticas da questa festa.

En l'emissiun Noss chors dad oz udin nus ils chors: baselgia Segnas, mischedau Ruschein, catolic Sagogn, mischedau Sumvitg/Cumpadials, baselgia Breil ed il mischedau Rueun/Siat.

(2. part: Artg musical: dumengia: 26-05-19 14:03 / 3. part: Noss chors mardi: 28-05-19 14:03).

Il matg è il mais da las flurs. Sin prada, en curtin ed er vid las plantas pruin ussa pli e pli bleras fluras. «Noss Chors» dechantan perquai la bellezza da quest mais. En noss archiv datti bleras bellas chanzuns da primavaira e dal matg. Nus faschain bainvegni al matg e laschain chantar «Noss Chors» insaquantas da las pli bellas chanzuns da quest mais. Davent da «Bagnina al matg» tar «Miracla da matg» enfin «Flurs».

En ed enturn il Grischun hai blers chors d'uffants e giuvenils. Perquai è l'emissiun da «Noss chors» deditgada a las chantaduras ed ils chantadurs giuvens. Sche uffants e giuvenils chantan è quai insatge tut aparti. En quest'emissiun dattan vuschs giuvnas dal Grischun, da la Svizra ed er d'auters pajas insaquantas chanzuns en differentas linguas. Chanzuns rumantschas sco per exempel «Allas Steilas», la franzosa «Prière de Veronique» u per ollandais «Komt vrieden in het ronde».

En quest'emissiun n'è vegn per ina giada betg chantà per rumantsch mabain per talian, franzos, englais ed anc insaquantas autras linguas. Englais, tudestg, talian, franzos, spagnol e perfin norvegiais ed ebraic – Quai èn insaquantas linguas en las qualas noss chors chantan en l'emissiun dad oz. Cun quai demussan els ch'il rumantsch è bain lur lingua materna ma ch'els pon era interpretar chanzuns en linguas estras. E quai en zunt bella moda e maniera.

Redacziun: Dominic Pohle

Nums - els dattan l'identitad a persunas e lieus. Cun chanzuns vegnan ils nums onurai oz da «Noss Chors». Da Barbara Ann, sur Malgiaretta e Gion Giachen enfin tar Rosina: A quels ed a blers auters nums èn las chanzuns da l'emissiun dad oz deditgadas. Las chanzuns che «Noss Chors» chantan oz han ina chaussa communabla: Ellas han nums en il titel.

Redacziun: Dominic Pohle

Mintgina e mintgin è la summa da sias experientschas. «Noss Chors» chantan oz da regurdientschas e sa regordan dal temp passà. Era sche gronds eveniments – sajan quels positivs u negativs – stattan pli fitg en memoria, èn quai tranteren las chaussas pitschnas, quellas da las qualas nus ans regurdain il pli gugent. Oz laschan «Noss Chors» reviver muments passads. Els sa regordan vi dad eveniments da l'uffanza, dal temp communabel cun persunas impurtantas u simplamain da schabetgs legraivels ord la vita.

Avant diesch onns ha il chor maschadà grischun da seniors Canziano cumenzà sco project da la Pro Senectute. Uss po el festivar ses giubileum. Igl è stà planisà ch'il chor ad hoc Canziano haja insaquantas emprovas e dettia lura quatter concerts en il Grischun. Il project ha dentant survegnì tant resun positiv dal public e da las chantaduras e chantadurs, ch'il chor ad hoc è daventà in chor maschadà ch'exista uss gia dapi diesch onns. L'emissiun «Noss Chors» preschenta oz insaquantas chanzuns dal disc nov e mussa co il chor ha tunà a l'entschatta.

Enturn l'entir mund vegni chantà. Perquai datti er chanzuns en tuttas linguas pussaivlas. Bleras da quellas chattan la via en Svizra e tar «Noss Chors». En l'emissiun «Noss Chors» dad oz preschentan ils chors grischuns chanzuns tranter auter per tudestg, franzos, talian e norvegiais – e demussan uschia quant variant ch'il chant è en differentas linguas.