Per «Noss Chors» è il star da cumpagnia almain uschè impurtant sco il chant. Perquai datti era in vast repertori da chanzuns da cumpagnia. Sche «Noss Chors» sa scuntran lura vegnì chantà da cumpagnia. Quai collia giuven e vegl e tuttas valladas in cun l'auter. Insaquants da quels tocs da cumpagnia pudain nus perquai tadlar oz en l'emissiun «Noss Chors».

Era l'onn passà èn puspè massa chanzuns da «Noss chors» idas sur l'emettur. «Noss chors» preschenta ils tocs ch'èn vegnids giavischads il pli savens da tut las chanzuns da chors il 2018. Tge chanzun han ins udì il pli savens l'onn passà? Forsa la «Canzun dil signun»? Ni è il toc «In siemi» da Gion Balzer Casanova e Silvana Candreia puspè sin l'emprim plaz sco gia l'onn 2017? E tge chor ha chantà quest toc? Quai pudais tadlar en l'emissiun Noss chors.

Tge è pli bel che da turnar a chasa suenter las vacanzas u era gia la saira suenter la lavur? Noss Chors chantan oz da lur patria e lur lieus preferids. U ch'igl è lur vitg, sco las soras Scherrer chantan a l'entschatta da l'emissiun, ubain ina regiun sco quai ch'igl è dudir en il «Imni a Surmeir» dà dal chor Davos Fallung ubain in plaz spezial. Mintgin ha in lieu, nua ch'el returna gugent e nua ch'el sa senta da chasa. Quai sentiment ha inspirà insaquants cumponists e poets da scriver chanzuns. Ina schelta da quellas pudain nus tadlar en l'emissiun Noss Chors.

Gia è il temp da Nadal puspè arrivà. I savura da biscuits, en chasa stat il pignol bel decorà ed ord il radio tunan chanzuns da Nadal da Noss Chors. Noss Chors derasan questa saira atmosfera da Nadal. Faschai cumadaivel cun tocs rumantschs sco «La steila cumpara», «Chel doltsch unfant» u «Notg da glisch» ma er cun tocs d'autras linguas sco per exempel «Shchedryk» da l'Ucraina.

Noss Chors preschentan chanzuns d'enviern, d'advent e Nadal dad auters pajais e culturas. Nus faschain in viadi tras 13 pajais e tadlain, co la festa da Nadal vegn mintgamai dechantada là. Noss viadi cumenza en la Tschechia e va lura enavant en Germania, Moldavia, Armenia, Russia, Svezia, Ucraina, Estonia, Ungaria, Islanda, Spagna, Serbia enfin la Slovachia. I sa tracta qua da producziuns dals radios da la EBU (European Broadcasting Union).

L'enviern èn blers a la tschertga d'in lieu chaud u sa vestgeschan en giaccas e schlingias grossas. Ma era la musica po far chaud – almain al cor. Oz chantan «Noss Chors» chanzuns d'amur per stgaudar il cor. Cun «Buna sera biala» chantà dal chor maschadà da Surmeir u «Mintga sera» dà dal Chor viril Alpina da Cuira ed anc blers auters, duai in pau chalira vegnir tar Vus en stiva. Pia prendai plaz avant il fieu en il chamin e sa lubì ina buna tschigulatta chauda durant quest'emissiun.

L'entschatta december è medemamain meteorologicamain l'entschatta da l'enviern – e perquai derasan «Noss Chors» oz atmosfera d'enviern. Enfin ussa ha la naiv mancà quest enviern. Uschia na vegn er l'atmosfera d'enviern betg propi. Anzi, cun la mancanza da naiv ed entras ils dis curts sa derasa plitost in'atmosfera trista e melancolica.

Perquai derasan «Noss Chors» oz cun chanzuns d'enviern l'endretga luna tar la stagiun alva e mainan vus per in mument en in mund plain naiv.

En il Grischun datti bain inqual chor che ha var 100 onns. I dat dentant era blers chors ch'èn in bun ton pli giuvens. En la sisavla ed ultima part da questa seria vulain nus tadlar ils pli giuvens chors dal Grischun. Ils Grischuns han ina lunga tradiziun da chant e musica. En questa seria vulain nus far ensemen cun «Noss Chors» in sguard sin ils divers chors dal Grischun. Gia l'entschatta dal 19avel tschientaner èn ils emprims chors vegnids fundads. En l'emissiun dad oz udin nus dentant chanzuns dals pli giuvens chors dal Grischun ch'èn vegnids fundads tranter il 1986 e l'onn 2016.

Noss Chors sa fatschentan oz cun l'aua. Saja quai plievgia, lais u la mar: L'aua è tema tar insaquantas chanzuns rumantschas. Sin viadi en ils culms vid ina funtauna frestga, en in lai alpin, sper la mar, u in urizi frestgentond suenter in di da chaliras. L'aua vegn giudida ed appreziada en tuttas furmas. Natiralmain dechantan ed onureschan ins l'aua en bleras chanzuns rumantschas. Siemiai ensemen cun il chor viril Lumnezia sper il Rein, tadlai cun il chor romontsch dalla scola cantunala Cuera tge ch'il ual raquinta e mai cul chor viril da Trun viers la riva.

En il Grischun datti bain inqual chor che ha var 100 onns. I dat dentant era blers chors ch'èn in bun ton pli giuvens. En la tschintgavla part da questa seria vulain nus tadlar insaquants da quels chors. Ils grischuns han ina lunga tradiziun da chant e musica. En questa seria vulain nus far ensemen cun «Noss Chors» in sguard sin ils divers chors dal Grischun. Gia l'entschatta dil 19avel tschientaner èn ils emprims chors vegnì fundads. En l'emissiun dad oz udin nus chanzuns da chors ch'èn vegnids fundads tranter 1974 e l'onn 1990.

Redacziun: Dominic Pohle