
Sign up to save your podcasts
Or


మనిషొక యంత్రం
మనసొక తెల్ల కాగితం
గొంగళి పురుగులా మొదలైంది నీ ప్రయాణం
సీతాకోకలా మారాలా
చేతకాదని వదిలేయాలా
అనేది నీ సామర్థ్యం
దేహాన్ని ఎలా వాడుకుంటావో
దాహాన్ని ఎలా తీర్చుకుంటావో
ఎన్ని రంగులు పులుముకుంటవో ఇక నీ ఇష్టం
పాకినంత కాలం ఎవరూ పట్టించుకోరు
ఎగరగానే నీ వెనక వస్తారు
ఎదిగితే మావాడే అని చెప్పుకుంటారు
బెల్లం చుట్టూ మూగే ఈగలు ఈ జనాలు
నీతో పని లేకుంటే పట్టెడు మెతుకులు కూడా పెట్టరు
ఆశలు చంపుకోకు
అనుకున్నది జరగట్లేదని
ఆశయాన్ని వదిలేయకు
పరిస్థితులు అనుకూలంగా లేవని
ఒక లయలో గమించే ఈ భూమి
శతకోటి జీవాలలో నువ్వొక ప్రాణి
ఊయలలోనే ఆగిందా నీ పాదం
పడుతూ లేస్తూనే నేర్చుకోలేదా నడవటం
YouTube:
www.youtube.com/c/NS360
Instagram I'd:
naveenchenna.s
నా కలల ప్రపంచానికి రాణివి నువ్వు
వలపు వనంలో విరిసిన పువ్వు నీ నవ్వు
నేను వెలకట్టలేని నీ ప్రేమని నాకు కానుకగా ఇవ్వు
పడిపోతున్నా నవ్వుతున్న నీ ప్రేమలోన
వద్దని నన్ను దూరంగా నెడుతున్నా
నేనున్నా నీ గుండెలోన
తళుకుమనే తారవు నువ్వు
మెరుపులీను నీ చిరునవ్వు
మసక తెరల మాటున నువ్వు
మనసైన మనిషిని దరి చేరనియ్యవు
కోరిన కాంతవు నువ్వు దూరమైపోయావు
ఏకాంతానికి నన్ను అంకితమిచ్చావు
ఏ కాంతీ లేని చీకట్లోకి తోసేశావు
కూసింత జాలైనా నాపై చూపించవు
ఎన్ని కవితలు రాయాలో నిన్ను మెప్పించేందుకు
ఎన్ని జన్మలు ఎదురు చూడాలో నిన్ను పొందేందుకు
ఏ తోడూ లేని ఎడారి నా జీవితం
చినుకు తడి కోసం పరితపిస్తోంది హృదయం
నదిలా కదిలోస్తావో వరదై ముంచేస్తావో నీ ఇష్టం
YouTube:
www.youtube.com/c/NS360
Instagram I'd:
naveenchenna.s
నాకు నచ్చేలా ఉన్న నిన్ను
నాకు తెలియకుండానే ఇష్టపడ్డాను
కానీ నా ప్రేమను నీకు చెప్పే పరిస్థితుల్లో నేను లేను
చెప్పి నీ స్నేహాన్ని వదులుకొలేను
సూటిగా చూస్తే నీకు ఎక్కడ తెలిసిపోతుందో అని
నేరుగా నీ కళ్ళలోకి కూడా చూడలేను
నా మనసొక మాయావి
జాలీ దయా లేవు దానికి
వద్దని వారించినా
పదే పదే నన్ను నెడుతుంది నీకేసి
ఆశ పడటం అది దక్కలేదని బాధపడటం
నీ వల్ల అనుభవించే బాధ కూడా ఒక సుఖం
నిన్ను నవ్వించడం నా బాధ్యత
నువ్వు ఏడిస్తే బాధపడతా
నువ్వు భయపడితే ధైర్యం చెబుతా
నువ్వు అనుకున్నది సాధించిన నాడు
నీకన్నా నేనెక్కువ సంతోషిస్తా
ఇది ప్రేమలేఖ కాదు
నా హృదయ ఘోష
నీకు తెలియాలని రాశా
కానీ నీకు ఇచ్చే ధైర్యం లేక
నా దగ్గరే దాచేసా
ఏదో ఒక రోజు
నువ్వే తెలుసుకుంటావు
అని ఒక చిన్న ఆశ
నువ్వు దక్కక పోయినా తట్టుకునేలా
నా మనసుని ముందే సిద్ధం చేశా
నేను ఏడుస్తూ నిన్ను ఏడిపించడం నా వల్ల కాదు
అందుకే నేను కావాలో లేదో
అనే నిర్ణయాన్ని నీకే వదిలేశా
Please check out my youtube channel:
www.youtube.com/c/NS360
నిన్ను చూడాలని రోజూ నీతో మాట్లాడాలని
ఏదో వెర్రి కోరిక నాలోన
కుదరదని తెలిసినా వినదు కదా మనసు
నిన్ను ప్రేమించడం తప్ప దానికి ఇంకేం తెలుసు
కలిసి నడిచిన వారందరూ
చివరకి ఒకే తీరం చేరరు
అని తెలిసికునేలోపేవదిలి వెళ్లిపోయావు నన్ను
మనసంతా నింపుకున్నా నిన్ను
అంత సులువుగా ఎలా మర్చిపోగలను
మనసులో ఉన్న బాధను ఎవరితో పంచుకోలేను
మనసులో దాచుకొని మామూలుగా ఉండలేను
ఇంత వేదనకు గురిచేసినా నిన్ను దూషించలేను
కోరి వలచిన నిన్ను ఇప్పుడెలా ద్వేషించగలను
కాలం మన ప్రేమ గాయన్ని మాన్పగలదేమో
కానీ మనసులో బలంగా ముద్రించుకున్న నీ రూపాన్ని మాత్రం అది చెరపలేదు
విడిపోయిన కొత్తలో నేను అనుభవించిన బాధలు
వెనక్కి తిరిగి చూస్తే ఇప్పుడు మధుర జ్ఞాపకాలు
మతాలు, కులాలు, మూఢనమ్మకాలు
ఇలా ఇద్దరు మనుషుల మధ్య ఎన్నో అడ్డుగోడలు
మనసులు కలిస్తే చాలదు మన సమాజంలో
విడిపోయిన ప్రేమలకే విలువెక్కువ ఈ లోకంలో
Please check out my youtube channel:
www.youtube.com/c/NS360
మన అభిరుచులు వేరు
అభిప్రాయాలు కలవలేదు
ఇద్దరి నమ్మకాలకు అసలు పొంతనే లేదు
మన మధ్య జరిగిన గొడవలకు లెక్కే లేదు
అయినా మనం విడిపోలేదు
విజాతి ధృవాలను కలిపి ఉంచే
అయస్కాంత క్షేత్రంలా
పనిచేస్తుందేమో మన మధ్య ఏదో బలం
ఏ జన్మలో ముడిపడిన బంధమో
ఈ జన్మలో అయ్యాం ప్రేమికులం
అనుకోకుండా కలిసాం మనం
చూస్తుండగానే ఒక్కటై పోయాం
కలలా ఉంది ఇన్నాళ్లు గడిపిన కాలం
తొలిసారి నిన్ను చూసిన క్షణం
నా మదిలో పదిలం కలకాలం
మన చేతికున్న వేళ్లే ఒకలా లేవు
అలాంటిది మనం కోరుకున్న వాళ్లు
మనం కోరినట్టు లేరు
అనుకోవటంలో అర్థం లేదు
విరుద్ధ స్వభావాలు మనవైనా
ఎలాంటి సారూప్యత లేకున్నా
నీకోసం నేను నాకోసం నువ్వు
మనసు చంపుకొని మారిపోవటం కాదు ప్రేమంటే
మనలా మనముంటూ
ఒకరినొకరు అర్థం చేసుకుంటూ
కలిసి నడవడమే మనకి కావాల్సింది
ఇదే నవతరం ప్రేమకి నాంది
Please check out my YouTube channel:
www.youtube.com/c/NS360
నాతో నేను నిజాయితీగా ఉంటే చాలు
అక్కర్లేదు నాకే మంచి పేరు
నచ్చింది చేస్తూ ఇలా బ్రతికేస్తే చాలు
నన్ను నేను కోల్పోయి కోరుకోను ఏ సన్మానాలు
నా కలల ప్రపంచంలో విహరించే స్వేచ్ఛ ఉంటే చాలు
అక్కర్లేదు నాకే కీర్తి కిరీటాలు
ఒక మూసలో బ్రతికేయడం నా వల్ల కాదు
ఎలా ఉన్నా ఏదో ఒకటి అంటారు ఈ జనాలు
మాటకు విలువనిచ్చే మనిషిని నేను
కాకిలాగా రోజంతా వాగలేను
ఏరి కోరి ఎవ్వరి మనసు నొప్పించలేను
నా పెదవి దాటిన మాటకు నేను బానిసను
బాధలో కూడా చెరిగిపోనివ్వను
నా మోముపై చిరునవ్వును
పిల్లగాలికి వంగిపోయే గడ్డిపోచను కాను
పెనుతుఫానుకైనా చెదరని మర్రి మానుని నేను
నా అంతట నేను ఎవ్వరి దగ్గరా చనువును కోరను
ఓదార్పు కోసం ఇంకొకరి సాయం ఆశించను
నాతో నేను ఎంతసేపైనా ఉండగలను
కాలక్షేపం కోసం ఒకరి విలువైన సమయాన్ని వృథా చేయను
Please check out my YouTube channel:
www.youtube.com/c/NS360
From the publisher's feed