نیوز بلیٹن - وائس آف امریکہ

شام سات بجے کی خبریں خالد حمید کے ساتھ ۔ پاکستان کے وزیرِ اعظم عمران خان چین کی دعوت پر سرمائی اولمپکس کی تقریبات میں شرکت کے لیے جمعرات کو چار روزہ دورے پر بیجنگ روانہ ہوں گے؛ حکومتِ پاکستان کا کہنا ہے کہ حال ہی میں جاری کیے گئے سکوک بانڈز کے ذریعے ایک ارب امریکی ڈالرز جمع کر لیے گئے ہیں؛ امریکی فوج متحدہ عرب امارات کو گائیڈڈ میزائل ڈسٹرائر بھیج رہی ہے اور مدد کے لیے لڑاکا طیارے تعینات کر رہی ہے کیوں کہ اسے یمن میں حوثی باغیوں کے میزائل حملوں کا سامنا ہے؛ امریکہ میں ایسے متعدد کالجوں اور یونیورسٹیوں کو بم سے اڑا دینے کی دھمکیاں موصول ہوئی ہیں جو تاریخی طور پر سیاہ فاموں کے کالج اور یونیورسٹیاں کہلاتے ہیں اور جنہیں 'ایچ بی سی یو' بھی کہا جاتا ہے۔ ان خبروں کی تفصیلات اور مزید خبریں دیکھیے اور سنیے وائس آف امریکہ اردو کی ویب سائٹ اور سوشل میڈیا پلیٹ فارمز پر۔

شام سات بجے کی خبریں خالد حمید کے ساتھ ۔ امریکی صدر جو بائیڈن اور قطر کے امیر شیخ تمیم بن حمد الثانی نے پیر کو وائٹ ہاؤس میں ملاقات کی؛ امریکہ اور روس کے اعلیٰ سفارت کاروں کے درمیان آج منگل کو فون پر بات کرنے کی توقع ہے؛ سپریم کورٹ آف پاکستان نے بلدیاتی ادارے تحلیل کرنے کا صوبائی حکومت کا اختیار ختم کردیا ہے؛ بائیڈن انتظامیہ نے تقریباً تمام نان ایمگرینٹ ویزوں کی فیسوں میں اضافے کی تجویز پیش کی ہے؛ وفاقی وزیر اور نیشنل کمانڈ اینڈ آپریشن سینٹر کے سربراہ اسد عمر نے ملک بھر میں موبائل ویکسی نیشن کا اعلان کیا ہے۔ مزید خبریں دیکھیئے اور سنیئے وائس آف امریکہ اردو کی ویب سائٹ اور سوشل میڈیا پلیٹ فارمز پر۔

شام سات بجے کی خبریں خالد حمید کے ساتھ ۔ پاکستانی روزنامے ڈان کے مطابق پاکستان اور افغانستان نے سرحدی مسائل کے حل کے لیے ایک اعلیٰ سطحی کمیٹی بنانے پر اتفاق کیا ہے؛ امریکی صدر جو بائیڈن نے اتوار کے روز افغانستان کے طالبان حکمرانوں سے ایک امریکی سول انجینئر کی رہائی ک کا مطالبہ کیا ہے؛ پاکستان طویل عرصے کے بعد ٹیکسٹائل کی اپنی روایتی برآمدات میں پڑوسی ممالک بھارت اور بنگلہ دیش کو پیچھے چھوڑتا ہوا دکھائی دے رہا ہے اور اقوام متحدہ کی سلامتی کونسل آج روس اور یوکرین کی سرحد پر جاری بحران پر بحث کرنے والی ہے۔ مزید خبریں دیکھیئے اور سنیئے وائس آف امریکہ اردو کی ویب سائٹ اور سوشل میڈیا پلیٹ فارمز پر۔

شام سات بجے کی خبریں خالد حمید کے ساتھ ۔ بلوچستان کے علاقے تربت اور ڈیرہ بگٹی میں دہشت گردی کے دو مختلف واقعات میں سیکورٹی فورسز کے 13 اہلکار ہلاک جب کہ 14 کے قریب زخمی ہو گئے؛ پاکستان کی پارلیمنٹ ایوان بالا سینیٹ نے اسٹیٹ بینک آف پاکستان کی خودمختاری کا بل ایک ووٹ کی اکثریت سے منظور کر لیا گیا ہے اور امریکی صدر جو بائیڈن نے یوکرین کے صدر کو خبردار کیا ہے کہ فروری میں روس کی جانب سے ان کے ملک پر حملے کا واضح امکان ہے۔ مزید خبریں دیکھیئے اور سنیئے وائس آف امریکہ اردو کی ویب سائٹ اور سوشل میڈیا پلیٹ فارمز پر۔

شام سات بجے کی خبریں خالد حمید کے ساتھ ۔ اقوام متحدہ نے افغانستان کے لیے ’ون یو این ٹرانزیشنل انگیجمنٹ فریم ورک کے ایک وسیع طریقہ کار کا اعلان کیا ہے جس کا مقصد سال 2022 کے دوران افغان عوام کو درپیش مشکلات میں کمی لانے میں مدد فراہم کرنا ہے؛ پاکستان کی حکومت اور قیدیوں کے حقوق کی تنظیموں نے سعودی عرب کی کابینہ کی جانب سے پاکستان کے ساتھ قیدیوں کی منتقلی کے معاہدے کی منظوری کا خیرمقدم کیا ہے اور یوکرین میں جمعرات کو نیشنل گارڈ کے ایک رکن نے اپنے ساتھی فوجیوں پر فائرنگ کر دی جس میں پانچ افراد ہلاک اور پانچ زخمی ہو گئے۔ مزید خبریں دیکھیئے اور سنیئے وائس آف امریکہ اردو کی ویب سائٹ اور سوشل میڈیا پلیٹ فارمز پر۔

شام سات بجے کی خبریں خالد حمید کے ساتھ ۔ اقوام متحدہ نے افغانستان کے لیے ’ون یو این ٹرانزیشنل انگیجمنٹ فریم ورک کے ایک وسیع طریقہ کار کا اعلان کیا ہے جس کا مقصد سال 2022 کے دوران افغان عوام کو درپیش مشکلات میں کمی لانے میں مدد فراہم کرنا ہے؛ پاکستان کی حکومت اور قیدیوں کے حقوق کی تنظیموں نے سعودی عرب کی کابینہ کی جانب سے پاکستان کے ساتھ قیدیوں کی منتقلی کے معاہدے کی منظوری کا خیرمقدم کیا ہے اور یوکرین میں جمعرات کو نیشنل گارڈ کے ایک رکن نے اپنے ساتھی فوجیوں پر فائرنگ کر دی جس میں پانچ افراد ہلاک اور پانچ زخمی ہو گئے۔ مزید خبریں دیکھیئے اور سنیئے وائس آف امریکہ اردو کی ویب سائٹ اور سوشل میڈیا پلیٹ فارمز پر۔

شام سات بجے کی خبریں خالد حمید کے ساتھ ۔ حکومت پاکستان کی درخواست پر بین الاقوامی مالیاتی فنڈ نے اپنے ایگزیکٹو بورڈ کی میٹنگ ایک بار پھر ملتوی کر دی ہے؛ امریکہ کے قومی سلامتی کے نائب مشیر جوناتھن فائنر نے کہا ہے کہ یوکرین پر روس کے حملے کی صورت میں جوابی کارروائیوں سے متعلق تمام فیصلے نیٹو اتحاد کرے گا اور امریکہ میں سی ڈی سی کووڈ ڈیٹا ٹریکر کے مطابق جنوری کے وسط میں روزانہ نئے کیسز کی اوسط تعداد ساڑھے سات لاکھ سے آٹھ لاکھ کے درمیان رہی۔ مزید خبریں دیکھیئے اور سنیئے وائس آف امریکہ اردو کی ویب سائٹ اور سوشل میڈیا پلیٹ فارمز پر۔

طالبان کے قائم مقام وزیر خارجہ مولوی امیر خان متقی کا کہنا ہے کہ امریکہ سمیت عالمی برادری کے نمائندوں سے ان کی ملاقاتیں تعمیری تھیں؛ امریکی صدر جو بائیڈن نے پیر کی سہ پہر کلیدی یورپی رہنماؤں سے یوکرین پر روسی حملے کے جاری خطرے کے بارے میں ورچوئل ملاقات کی کیونکہ وہ بالٹک اور مشرقی یورپ میں کئی ہزار امریکی فوجی بھیجنے کے بارے میں غورکر رہے ہیں اور دنیا کی سب سے بڑی اور سب سے طاقت ور دوربین پیر کو آخرکار اپنی منزل پر پہنچ گئی۔

شام سات بجے کی خبریں خالد حمید کے ساتھ ۔ اوسلو میں طالبان کے قائم مقام وزیر خارجہ امیر خان متقی کی قیادت میں طالبان کے وفد اور ناروے کی حکومت اور کئی اتحادی ممالک کے درمیان افغانستان میں بگڑتی ہوئی انسانی صورت حال کے تناظر میں تین روزہ مذاکرات شروع ہو گئےہیں؛ متحدہ عرب امارات نے پیر کو کہا کہ اس نے ابوظہبی کو نشانہ بنانے والے دو بیلسٹک میزائلوں کو روک دیا اور واشنگٹن میں ویکسینیشن مینڈیٹ مخالف کئی ہزار مظاہرین نے نیشنل مال پر مارچ کیا۔ مزید خبریں دیکھیئے اور سنیئے وائس آف امریکہ اردو کی ویب سائٹ اور سوشل میڈیا پلیٹ فارمز پر۔

شام سات بجے کی خبریں خالد حمید کے ساتھ ۔ عراقی سیکیورٹی حکام نے بتایا کہ داعش کے مسلح افراد نے بغداد کے شمال میں ایک پہاڑی علاقے میں فوج کی ایک بیرک پر حملہ کیا جس کے نتیجے میں گیارہ فوجی ہلاک ہو گئے؛ شامی امدادی کارکنوں اور جنگ کے ایک نگران ادارے کا کہنا ہے کہ شمالی شام میں ترکی کے حمایت یافتہ اپوزیشن جنگجوؤں کے زیر کنٹرول قصبے پر راکٹ حملے میں چھ شہری ہلاک اور ایک درجن سے زائد افراد زخمی ہو گئے اور پاکستان میں گزشتہ چوبیس گھنٹوں میں کرونا وائرس کے مزید 23 مریض ہلاک ہو گئے ہیں جب کہ 961 کی حالت تشویش ناک بتائی جاتی ہے۔ مزید خبریں دیکھیئے اور سنیئے وائس آف امریکہ اردو کی ویب سائٹ اور سوشل میڈیا پلیٹ فارمز پر۔