نیوز بلیٹن - وائس آف امریکہ

پاکستان میں حکام نے کہا ہے کہ کرونا وائرس کی نئی قسم اومکرون کا پہلا مشتبہ کیس کراچی میں رپورٹ ہوا ہے؛ امریکی صدر جو بائیڈن آج جمعرات کے روز جمہوریت پر ایک اعلی سطحی ورچوئیل اجلاس کی میزبانی کر رہے ہیں جس میں شرکت سے پاکستان نے بدھ کو معذرت کر لی تھی اور یورپی یونین کے ایک اعلیٰ سفارت کار نے بدھ کو کہا کہ ایران کے ساتھ جوہری مذاکرات گزشتہ ہفتے منقطع ہونے کے بعد آج ویانا میں دوبارہ شروع ہو رہے ہیں۔ مزید خبریں دیکھیئے اور سنیئے وائس آف امریکہ اردو کی ویب سائٹ اور سوشل میڈیا پلیٹ فارمز پر۔

بھارت کی ریاست تمل ناڈو میں ایک فوجی ہیلی کاپٹر گر کر تباہ ہو گیا ہے جس میں بھارت کے چیف آف ڈیفنس اسٹاف جنرل بپن راوت بھی سوار تھے؛ اقوام متحدہ کے بچوں کے فنڈ (یونیسیف) نے منگل کے روز افغانستان کے لیے دو ارب ڈالر کے عطیات کی ایک بڑی اپیل کی ہے تاکہ فوری طور پر ملک کے دو کروڑ 40 لاکھ افراد کو بنیادی ضروریات پوری کرنے میں مدد دی جا سکے، جن میں نصف تعداد بچوں کی ہے اور پاکستان نے ڈھاکہ ٹیسٹ میں بنگلہ دیش کو ایک اننگز اور آٹھ رنز سے شکست دے کر دو میچز کی سیریز میں کلین سوئپ کرلیا ہے۔ مزید خبریں دیکھیئے اور سنیئے وائس آف امریکہ اردو کی ویب سائٹ اور سوشل میڈیا پلیٹ فارمز پر۔

بائیڈن انتظامیہ نے 2022 میں چین میں ہونے والے سرمائی اولمپکس کے سفارتی بائیکاٹ کا اعلان کر دیا ہے؛  امریکی صدر جو بائیڈن اور ان کے روسی ہم منصب ولادی میر پوتن کے درمیان آج منگل کے روز ملاقات ہو رہی ہے اور  پاکستان کے مختلف مکاتب فکر کے علما نے سیالکوٹ میں مشتعل ہجوم کے ہاتھوں سری لنکن شہری کے قتل اور لاش جلائے جانے کو بھیانک اور خوف ناک واقعہ قرار دیتے ہوئے اپیل کی ہے کہ جمعہ 10 دسمبر کو 'یومِ مذمت' کے طور پر منایا جائے۔مزید خبریں دیکھیئے اور سنیئے وائس آف امریکہ اردو کی ویب سائٹ اور سوشل میڈیا پلیٹ فارمز پر۔

میانمار کی ایک عدالت نے معزول رہنما آنگ سان سوچی کو دو مقدمات میں چار سال قید کی سزا سنا دی ہے؛ پاکستان کی قومی سلامتی کی پارلیمانی کمیٹی نے پہلی قومی سلامتی پالیسی کو ملک کو درپیش خطرات سے نمٹنے کے لئے موثر حکمت عملی قرار دیا ہے اور بھارت کی شمال مشرقی ریاست ناگالینڈ میں مبینہ شورش کے خلاف سیکیورٹی فورسز کی ایک کارروائی میں کم از کم 12 عام شہری اور ایک اہل کار ہلاک ہو گئے ہیں۔ مزید خبریں دیکھیئے اور سنیئے وائس آف امریکہ اردو کی ویب سائٹ اور سوشل میڈیا پلیٹ فارمز پر۔

امریکہ کے صدر جو بائیڈن نے جمعرات کو بیرونی ممالک سے آنے والے تمام مسافروں کے لیے کووڈ نائنٹین کے ٹیسٹ کرانے کی نئی پابندی اور دوسرے ممالک کو عالمی وبا سے نمٹنے کے لیے ویکسین کی فراہمی کا اعلان کیا ہے؛ طالبان کے سپریم کمانڈر ملا حیبت اللہ نے خواتین کے حقوق سے متعلق خصوصی فرمان میں بالغ خواتین کے نکاح کے وقت انکی رضامندی کو ضروری قرار دیا ہے اور بھارتی حکومت کے اعداد و شمار کے مطابق گزشتہ پانچ برسوں کے دوران چھ لاکھ سے زائد ہندوستانیوں نے بھارت کی شہریت ترک کر کے دوسرے ملکوں کی شہریت اختیار کی ہے۔ مزید خبریں دیکھیئے اور سنیئے وائس آف امریکہ اردو کی ویب سائٹ اور سوشل میڈیا پلیٹ فارمز پر۔

امریکہ میں کرونا وائرس کی نئی قسم اومیکرون کا پہلا کیس لاس اینجلس میں ایک ایسے شخص میں سامنے آیا ہے جس نے کووڈ نائنٹین سے بچاؤ کی ویکسین لگوا رکھی تھی؛ اقوام متحدہ کی اسناد تقررّی منظور کرنے والی کمیٹی نے کہا ہے کہ وہ اقوام متحدہ میں افغانستان اور میانمار کی نمائندگی سے متعلق فیصلہ کرنے کا عمل ملتوی کر رہی ہے اور پاکستان اسٹاک مارکیٹ میں ایک ہی روز میں سب سے 2135 پوائنٹس کی بڑی کمی دیکھی گئی۔

افغانستان کے لئے امریکہ کے خصوصی نمائندے تھامس ویسٹ نے کہا ہے کہ طالبان اس بات سے آگاہ ہیں کہ امریکہ کو افغان نیشنل سیکیورٹی فورس کے سابق ارکان کی انتقامی ہلاکتوں اور جبری گمشدگیوں کی رپورٹ پر تشویش ہے؛ پاکستان نے بھی کرونا وائرس کی نئی قسم اومکرون کے پیش نظر ہیلتھ ورکرز اور 50 برس سے زائد عمر کے افراد کو کرونا ویکسین کے بوسٹر شاٹس لگانے کا اعلان کیا ہے اور پاکستانی کرکٹ ٹیم کے فاسٹ بالر شاہین شاہ آفریدی انٹرنیشنل کرکٹ کونسل کی ٹیسٹ پلیئر رینکنگ میں پہلی مرتبہ دنیا کے پانچ بہترین کھلاڑیوں میں شامل ہو گئے ہیں۔

انسانی حقوق کی تنظیم ہیومن رائٹس واچ نے کہا ہے کہ طالبان نے ملک پر قبضے کے بعد عام معافی کے اعلان کے باوجود، چار صوبوں میں انتقامی کاروائیوں میں پولیس اور انٹیلی جنس کے 100 سے زیادہ افسر یا تو غائب کر دیے ہیں یا انہیں موت کی سزا دے دی ہے؛ عالمی بینک ایک منصوبے پر کام کر رہا ہے جس کے تحت افغانستان کے منجمد امدادی فنڈز میں سے 50 کروڑ ڈالر انسانی ہمدردی کی بنیاد پر کام کرنے والی ایجنسیوں کو مہیا کر دیئے جائیں گے اور پاکستان نے بنگلہ دیش کو چٹاگانگ ٹیسٹ میں آٹھ وکٹوں سے شکست دے کر دو میچز کی سیریز میں ایک صفر کی برتری حاصل کر لی ہے۔ مزید خبریں دیکھیئے اور سنیئے وائس آف امریکہ اردو کی ویب سائٹ اور سوشل میڈیا پلیٹ فارمز پر۔

جنوبی افریقہ میں کرونا کی نئی قسم 'اومی کرون' کے انکشاف کے بعد ایک مرتبہ پھر مختلف ممالک وائرس سے بچاؤ کے لیے اقدامات کرتے ہوئے مختلف پابندیاں عائد کر رہے ہیں؛ افغانستان میں طالبان حکومت کے وزیرِ اعظم ملا حسن اخوند نے عالمی برادری اور رفاہی اداروں سے اپیل کی ہے کہ وہ افغانستان کی مدد کریں ورنہ بھوک اور افلاس کے باعث ملک مزید مشکلات سے دوچار ہو سکتا ہے اور سعودی عرب کی جانب سے پاکستان کو 3 ارب ڈالرز نقد ڈپازٹ اور 1.2 ارب ڈالر کی موخر ادائیگیوں پر تیل فراہم کرنے پر رضامندی ظاہر کی گئی ہے۔ مزید خبریں دیکھیئے اور سنیئے وائس آف امریکہ اردو کی ویب سائٹ اور سوشل میڈیا پلیٹ فارمز پر۔

امریکہ کے صدر جو بائیڈن نے پاکستان کے وزیراعظم سمیت 110 ممالک کے سربراہان کو جمہوریت کے لئے سربراہی اجلاس میں شرکت کی دعوت دی ہے جو آئندہ ماہ منعقد کی جارہی ہے؛ مصر میں جمعرات کو دہشت گردی کے 54 حملوں میں ملوث پائے گئے 22 عسکریت پسندوں کو پھانسی دے دی گئی؛ پاکستان اور روس نے اقتصادی اورتجارتی تعاون کو مزید فروغ دینے پر اتفاق کیا ہے۔ مزید خبریں دیکھیئے اور سنیئے وائس آف امریکہ اردو کی ویب سائٹ اور سوشل میڈیا پلیٹ فارمز پر۔