Giovanni Giorgio Moroder (Bolzano, 1940), House nahiz Elektro musikan aitzindaria dugu. Musikari italiarrak, sintetizadoreak erabiliz Disko musika eraberritu zuen 1970eko hamarkadan eta geroago Techno musika deituko zena sortu zuen.Hainbat Oscar sari irabazi ditu konpositore edota ekoizle moduan eta batez ere Donna Summerrekin egindako lanagatik ezagutzen da; besteak beste, "Love To Love You Baby" eta "I Feel Love" abestiengatik.Irantzu Karrerak bere arrastoa jarraitu du "Pasaiak" podcastaren atal honetan eta, dantza-pistaren erdiraino ekarri du musikaren genio handia!"Pasaiak" podcastak musikaren inguruan sakontzeko aukera emango dizu, izan pertsonaia, disko edo estilo baten inguruan.

Rubén Blades Bellido de Luna (Panama Hiria, 1948). Musikari eta konpositorea, ideologo eta politikaria. Ruben Blades izan da saltsa musikaren berritzaile nagusia. Jendearen hankak mugituz bihotzak eta neuronak ere mugitu ditu azken sei hamarkadetan. Inoizko saltsa diskorik salduena argitaratu zuen; "Siembra"ren letrak herri-herrikoak dira mezu bat helarazi nahi baitio Latinoamerika osoari.Panamako presidentziara aurkeztu zen 1994an eta ez du baztertzen berriro saiatzea. Izan ere, "Pedro Navaja"ren egilearen bizitza "sorpresaz" betea dago!Irantzu Karrerak "Pasaiak" podcastean laburbildu du musikariaren biografia."Pasaiak" podcastak musikaren inguruan sakontzeko aukera emango dizu, izan pertsonaia, disko edo estilo baten inguruan.

60ko hamarkadan Creedence Clearwater Revival talde garrantzitsuenetakoa izan zen eta sei urte eskasean country-rockaren haziak erein zituen. Arrakasta meteorikoa izan zuten: inor ez izatetik gorenera iritxi ziren bi urtetan! Baina amaiera ere oso azkar iritsi zen eta azkenerako kideen arteko talka, demanda judizial eta gorrotoek bideraezina egin zuten Fogerty anaien proiektua.Nolanahi ere, grabatu zituzten zazpi diskoetatik bost harrigarriak dira, eta "Have You Ever Seen The Rain" bezain abesti mitikoen nondik norakoak azaldu dizkigu Irantzu Karrerak, "Pasaiak" podcastaren atal honetan."Pasaiak" podcastak musikaren inguruan sakontzeko aukera emango dizu, izan pertsonaia, disko edo estilo baten inguruan.

David Robert Jones, David Bowiek (Londres, 1947-New York, 2016) guztiz barneratua izan zuen artista bizitza eraman nahi zuela. Txikitatik, musikan nahiz abesten nabarmendu zen eta 9 urte zituenerako dantzari harrigarria zen. Gerora, zinean edo eta antzerkian jardun zuenean ere bere estilo pertsonala erakutsi zuen, iraultzailea eta inspiratzailea.Moldeak apurtu zituen eta "Pasaiak" podcastaren ale honetan Irantzu Karrerak argi uzten du, Bowiek ez zituela modak jarraitzen. "Space Oddity" eta "Ziggy Stardust"en aitak modak sortu egin zituen, poparen ikono nagusi bihurtuz."Pasaiak" podcastak musikaren inguruan sakontzeko aukera emango dizu, izan pertsonaia, disko edo estilo baten inguruan.

New Yorkeko underground mugimenduaren baitan Ramones edo eta Velvet Undergrounden urte berean sortua, Deborah Harryren taldea punta-puntan ibili zen 70eko hamarkadaren amaieratik, 80ko hamarkadaren hasierara arte. "Blondiemania" moduko bat eman zen, aurrez The Beatlesek ezagutu zuenaren antzera. Ez da kasualitatea bi taldeen izenak "B" hizkiz hastea: Beatles eta Blondie, disko dendetako apaletan aldamenean egotea oso interesgarria izango zela pentsatu zuen Debbie Harry abeslariak.Ile hori tuntunaren estereotipotik urrun, Blondie zeinen emakume burutsua eta abeslari karismatiko bezain inspiratzailea izan den azaldu digu Irantzu Karrerak "Pasaiak" podcastaren 14. atalean."Pasaiak" podcastak musikaren inguruan sakontzeko aukera emango dizu, izan pertsonaia, disko edo estilo baten inguruan.

Ludwig van Beethoven, (Bonn, 1770-Vienna, 1827) ziurrenera munduan sona handieneko musikaria da. Beethoven gortu egin zen eta bere azken urtetan ezin zuen instrumenturik jo eta konposatzen zuen musika ere ez zuen entzuten."Patetica" sonataren ondoren entzumen arazoekin hasi zen eta mundutik nola urrutiratzen joan zen antz ematen da bere lanetan. Zorionez ez zuen musika utzi eta, paradoxikoki, bere obraren gailurretako batzuk bizitzaren azken aldera idatzi zituen. "Eroica", 5. sinfonia, "Clair de Lune" piano sonata eta 9. sinfonia, "Alaitasunaren Oda" ospetsua entzungo ditugu "Pasaiak" podcastaren atal honetan.Bide batez, musikaren hiriburua izan zen Viennara gerturatuko gaitu, Irantzu Karrerak."Pasaiak" podcastak musikaren inguruan sakontzeko aukera emango dizu, izan pertsonaia, disko edo estilo baten inguruan.

Mikel Laboa Manzisidor (Donostia, 1934-2008). Mikelek esaten zuen hizlari eskasa zelako aukeratu zuela kantagintza. Artxiboetatik bere oroitzapenak bilduz eta nahi zuen bezala, kantuz, gogoratuko dugu askorentzat euskal musikaren patriarka izan zena. "Txoria Txori" da bere abestirik sonatuena eta honekin lortu zuen, Bernardo Atxagaren ustez musikari bakan batzuk lortzen dutena, jendeak jatorri tradizionala duela pentsatzea.Mikel Laboak herri kantagintza eta abangoardia inork ez bezala ezkondu zituen. "Pasaiako herritik..." abiatzen da, ba, Irantzu Karreraren "Pasaiak" podkastaren atal hau."Pasaiak" podcastak musikaren inguruan sakontzeko aukera emango dizu, izan pertsonaia, disko edo estilo baten inguruan.

Mikel Laboa Manzisidor (Donostia 1934-2008). Mikelek esaten zuen hizlari eskasa zelako aukeratu zuela kantagintza. Artxiboetatik bere oroitzapenak bilduz eta nahi zuen bezala, kantuz, gogoratuko dugu askorentzat euskal musikaren patriarka izan zena. "Txoria Txori" da bere abestirik sonatuena eta honekin lortu zuen, Bernardo Atxagaren ustez musikari bakan batzuk lortzen dutena, jendeak jatorri tradizionala duela pentsatzea. Mikel Laboak herri kantagintza eta abangoardia inork ez bezala ezkondu zituen.  "Pasaiako herritik..." abiatzen da, ba, Irantzu Karreraren Pasaiak Eitb podkast berria.

Simon & Garfunkel 60ko hamarkadako bikoterik ospetsuena izan zen eta hurrengo belaunaldiei doinua jarri zieten "Mrs. Robinson", "The Boxer" nahiz "The Sound of Silence" moduko abestiekin. Paul Simon zen kantugilea eta Art Garfunkel abeslaria, "burua" eta "ahotsa" ziren; baina bien arteko ezin-ikusia jakina zen eta "txakurraren eta katuaren moduan" ibili ziren. 1970ean, "Bridge over Troubled Water" argitaratu ondoren desegin ziren, pop musikaren historian kantu ahaztu ezinenetakoak utziz.Irantzu Karrerak azalduko digu talde miresgarri honen "Pasaia" nolakoa izan zen EITB podkasten."Pasaiak" podcastak musikaren inguruan sakontzeko aukera emango dizu, izan pertsonaia, disko edo estilo baten inguruan.

Liverpooleko musikariaren bakarkako ibilbidean zehar jarraituko dugu podcastaren bigarren atalean. John Lennonek 1971an erabaki zuen Erresuma Batua utzi eta Estatu Batuetarako saltoa egitea; sekula gehiago ez zuen bere jaioterria zapaldu. New Yorkek hartu zuen altzoan, naiz agintariek ez zuten oso gogoko eta erresidentzia baimena berritzeko zailtasunak jarri. Nixon presidentea eta bere oinordekoekiko oso kritiko izan zen beti.Yoko Ono, emazteak, pisu handia izan zuen Lennonen pentsamenduan eta feminismoa eta aniztasunean eraldaketa bultzatu zuten elkarrekin. Gorabehera handiak ere izan zituen bikoteak eta horrek ere eman zuen zeresana. Musikariak ordea, egindako musika eta letrengatik du oraindik ere ospe handia. Kolaborazio handiak izan zituen.Entzun Irantzu karrerak gidatutako bidaiaren bigarren atala."Pasaiak" podcastak musikaren inguruan sakontzeko aukera emango dizu, izan pertsonaia, disko edo estilo baten inguruan.