Mabuting Balita l Marso 27, 2023 

Lunes sa Ikalimang Linggo ng Kuwaresma

Ebanghelyo: Jn 8:1-11

Pumunta si Hesus sa Bundok ng mga Olibo. Maaga siyang muli sa Templo, at naglapitan sa kanya ang lahat ng tao, at pagkaupo niya, nangaral siya sa kanila. Dinala naman ng mga guro ng Batas at ng mga Pariseo ang isang babae, na huling-huli sa pakikiapid. Pinatayo nila siya sa gitna, at sinabi kay Hesus: “Guro, huling-huli ang babaeng ito na nakikiapid. Iniutos sa amin ni Moises sa Batas na batuhin ang ganitong mga babae; ano naman ang sabi mo?” Sinabi nila ito bilang pagsubok sa kanya upang may maisakdal sila laban sa kanya. Yumuko naman si Hesus at nagsulat sa lupa sa pamamagitan ng kanyang daliri. Nang magpatuloy sila sa pagtatanong sa kanya, tumindig siya at sinabi sa kanila: “Ang walang sala ang unang bumato sa kanya.” At muli siyang yumuko at nagsulat sa lupa. Ang mga nakarinig naman ay isa-isang nag-alisan magmula sa matatanda, at siya'y naiwang mag-isa pati na ang babae na nasa gitna. Tumindig si Hesus, at sinabi sa kanya, “Babae, nasaan na sila? May humatol ba isa iyo?” At sumagot siya: “Wala, Panginoon.” Sinabi ni Hesus: “Hindi rin kita hahatulan. Humayo ka at mula ngayon, huwag ka nang magkasala pa.”

Pagninilay:

“Humayo ka at huwag nang magkasala.” Ito na marahil ang pinaka-nakakaaliw na kataga para sa isang nagkasala. Mga kataga itong hindi nakatuon sa nakaraan, kundi sa pag-asa sa hinaharap. Nangangahulugan ito ng pagtitiwala, sa kabila ng kapalaluan. Tanda ito ng isang wagas na pag-ibig, na patuloy na kumakapit, kahit paulit-ulit na nagkakasala ang taong minamahal. Ito ang Mabuting Balita Kapanalig, na patuloy tayong binibigyan ng Diyos ng maraming pagkakataon, upang itama ang ating mga pagkakamali sa buhay. Hindi tayo hinahatulan ng Diyos habang humihinga pa tayo, dahil patuloy Syang kumakapit sa pag-asa, na matutunton rin natin ang daan pabalik sa Kanya. Alam nya ang ating mga kahinaan, pero patuloy nya tayong minamahal at pinapatawad. Kaya ito rin ang inaasahan nyang gagawin natin sa bawat isa. Kapanalig, ang hamon ni Jesus sa mga nais bumato sa babaeng nahuli sa pakikiapid, isang paanyaya sa atin na suriin ang ating kalooban bago tayo manghusga sa ating kapwa. Kung minsan kasi, ang lakas ng loob nating pansinin ang kamalian ng iba, pero hindi natin nakikita ang sarili nating mga pagkakamali.   Samantalahin natin ang mga Spiritual exercises at confessions na inaalok sa atin ng ating Inang Simbahan ngayong Panahon ng Kuwaresma. Bigyan natin ng panahon ang ating sarili na manahimik, at magmuni-muni ng mga nagawa natin sa buong isang taon. May nakagalit ka ba, may nakatampuhan o nakaaway? Kung ramdam mo ang pagmamahal sa’yo ng Diyos, ikaw na ang maunang lumapit at bumati sa kanya.

Sr. Lou Ranara, fsp/ Daughters of St. Paul

Walking with the Saints Podcast | Feast of St. Deogratias, To protect the persecuted Christians and Church leaders l March 22

Our saint for today is from the ancient Carthage, Africa, Deo gratias which means “Thanks be to God” is the name of this north-African priest chosen to be the bishop of Carthage at the time of the Vandal invasion. The Vandals were Arian heretics who did not believe in the divinity of Jesus Christ. In the 5thcentury, Slavic and Germanic tribes who had embraced the Arian heresy, had overran the Roman Empire. Earlier, they passed through northern Italy, France and after conquering Spain, crossed into North Africa and in 439 captured the city of Carthage. They arrested the Catholic bishop, Quodvultdeus, and most of his clergy, and put them aboard a leaking boat which they expected to sink somewhere in the sea, but somehow was able to reach Naples. Carthage was left without a Catholic bishop for fourteen years. In 454, the Roman Catholic Church, through the request of Emperor Valentinian III to Genseric, the king of the Vandals, was able to assign a bishop who took the name Deogratias.

A little later, the Vandals with Genseric attacked and sacked Italy from North Africa. Genseric returned to Carthage with many captives from Rome, Sicily, Sardinia and Corsica, whom he distributed as slaves among the Vandals and the Moors. Immediately after he landed, while still on the seashore, he tried to disband the families he had captured, separated husbands from wives, children from parents, amid cries and loud protestations. All citizens were afraid of the Vandals and they could do very little to help the captives, but Bishop Deogratias did much to ransom and care for the slaves brought to Carthage. His example and teachings strengthened the faith of the people and he was respected not only by Catholics, but even by some Arian heretics and pagans. He ransomed many of these captives by selling gold and silver church vessels, works of art, vestments and ornaments which belonged to his diocese. He even filled two of the largest churches in the city, the Basilica Fausti and the Basilica Novarum, with beddings to provide accommodation and shelter for the refugees. He also organized a daily distribution of food. The Arians resented the charity being done by the Bishop. They tried to stop whatever work he was doing to relieve and console the slaves. There were two assassination attempts against him, but he fortunately survived, the Bishop tried to visit every day those who were sick. If he was busy with other charitable works, he tried to do the visitation during the night. However, his efforts have worn him out and he died of exhaustion after being a Bishop for only three years. The prisoners, the sick and the slaves deeply mourned his passing away. So many people gathered for his wake and wanted to get relics of him that he had to be buried secretly while the public prayers were being chanted at his funeral. The people he helped would never forget him.

The Vandals continued to persecute the Catholics. After the death of Bishop Deogratias,  in 457, they did not allow another Bishop to take his place, so Carthage had no Bishop for another 23 years. The feast of Bishop Deogratias is celebrated on March 22.

Virtues are  piety, humility, obedience, commitment, charity, fortitude, generosity, tact and patience

Lord, we pray You, through the intercession of St. Deogratias, Bishop of Carthage, to protect the persecuted Christians and Church leaders in many parts of the world.”

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Mabuting Balita l Marso 26, 2023 

Linggo sa Ikalimang Linggo ng Kuwaresma (A)

Ebanghelyo: Jn 11:1-45

Pagdating ni Jesus, apat na araw na palang nakalibing si Lazaro. sinabi ni Marta kay Jesus, “Panginoon, kung naririto ka, hindi sana namatay ang

Sa Mabuting Balita ngayong araw, sinasariwa natin ang muling pagtatagpo ng magkaibigang si Hesus at Lazaro. Dalawang bagay ang ipinaaabot sa atin ng Mabuting Balita: pakikipagkaibigan at pagbibigay buhay. Gaano nga ba kalalim at wagas ang pagkakaibigan nina Hesus at Lazaro? Makikita ito sa pagtangis ni Hesus. Nangangahulugang mahal niya si Lazaro at nakikibahagi siya sa pagdadalamhati nina Marta at Maria. Sa pamamagitan nito, ipinamamalas sa atin ni Hesus na handa siyang makipagkaibigan sa atin. Handa siyang makibahagi sa ating dusa’t dalamhati. Handa siyang umiyak para sa atin.  His tears are a reminder that he loves us and cares for every soul. Bilang mga alagad ni Kristo, naniniwala tayo sa resurrection of the dead; na hindi magtatapos ang lahat sa kamatayan. Bagkus, ito’y daan tungo sa buhay na walang hanggan. Pero, mapapasaatin lamang ito kung maniniwala tayo kay Hesus. Siya na mismo ang nagsabi: Whoever believes in me even if he dies, will live and everyone who lives and believes in me will never die. Kapag sinampalatayanan natin ito nang may pagmamahal, lahat ng mga “kamatayang nararanasan” natin ay magkakaroon ng halaga, ng kahulugan. Kapag tinuon natin ang ating buhay kay Hesus, kapag pinapatay natin ang pagmakasarili, at magsimulang mabuhay para sa iba, pinapupurihan natin si Hesus sa ating buhay. Ngayong Kuwaresma, inaanyayahan tayo ng Simbahan – to die to ourselves – upang maibigay ni Hesus ang buhay na masagana at walang hanggan sa atin. Makakamit natin ito kung mananatili ang pagkakaibigan natin sa isa’t-isa, lalo na kay Hesus.

Fr. Brian Tayag, SSP / Society of St. Paul

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.

Posible Bang Bumalik Ang Demonyo sa Kanyang Sinapian Matapos Mapalayas Ito? | Episode 33 - 40 Tanong at Sagot Tungkol sa Eksorsismo

Mabuting Balita l Marso 25, 2023 

Sabado sa Ikaapat na Linggo ng Kuwaresma

Ebanghelyo: Lc 1:26-38

Nang ikaanim na buwan, ang Anghel na si Gabriel ay inutusan ng Diyos sa isang Lungsod ng Galilea na tinatawag na Nazaret. Sa isang birhen naidulog na sa isang lalaki sa lahi ni David na ang pangalan ay Jose at ang pangalan ng birhen ay Maria, pag pasok niya sa kinaroroonan ng babae ay sinabi niya. “Aba, puspos ka ng biyaya, Ang Panginoon ay sumasaiyo.” Sa mga pangungusap na ito si Maria ay nagitla. At pinag dili dili ang kahulugan ng gayong bati. Dapatwa’t sinabi sa kanya ng Anghel: “Huwag kang matakot Maria, sapagkat nagging kalugod lugod ka sa mata ng Diyos. Tingni maglilihi ka at manganganak ng isang lalaki na tatawagin mong Hesus. Siya ay magiging dakila at tatawaging Anak ng Kataas-taasan. Ibibigay sa kanya ng Panginoong Diyos ang luklukan ni David na kanyang Ama. At maghahari siya sa sambahayan ni Jacob magpakailaman; At walang katapusan ang kanyang kaharian.” Winika ni Maria sa anghel “Paanong mangyayari ito gayong wala akong nakilalang lalaki?” “Bababa sa iyo ang Espiritu Santo at lililiman ka ng kapangyarihan ng Kataas-taasan kaya ang ipapanganak ay magiging banal at tatawaging Anak ng Diyos. At tandaan mo ang kamag anak mong si Isabel ay nag lihi ng isang lalaki, sa kanyang katandaan at yaong tinatawag na baog ay nasa ikaanim na buwan na niya, sapagkat sa Diyos ay walang bagay na di mangyayari. “Narito ang lingkod ng Panginoon, maganap nawa sa akin ang iyong sinabi.” At nilisan siya ng Anghel.

Pagninilay:

Ang Mabuting Balitang narinig natin, ang tagpong ating pinagninilayan sa tuwing dinarasal natin ang unang misteryo ng tuwa ng Santo Rosaryo.  Ito rin ang ating ginugunita sa tuwing dinarasal natin ang “Angelus” o ang orasyon.  Kapansin-pansin din, na sa tuwing ipinapahayag natin ang ating pananampalataya sa Banal Misa, yumuyuko tayo sa bahaging: “Nagkatawang-tao Siya lalang ng Espiritu Santo kay Mariang Birhen at naging tao.” Talagang napakahalaga nito para sa atin.  Yumuyuko tayo upang parangalan, ang pinakamahalagang kaganapan sa kasaysayan ng tao - ang Diyos na nagiging tao.

Mahalaga ang naging papel ng Mahal na Birheng Maria sa kasaysayang ito.  Bukod siyang pinagpala sa babaeng lahat dahil nagawa niyang tanggapin ang napakalaking atas sa kanya ng Panginoon: ang maging Ina ng Diyos.  Ang kanyang naging tugon: “Ako'y alipin ng Panginoon. Mangyari nawa sa akin ang iyong sinabi” (Lk 1:38).) Magandang halimbawa sa atin ang Mahal na Birhen.  Katulad niya, inaanyayahan din tayo ng Panginoon na makibahagi sa kanyang gawaing pagliligtas.  Inaasahan din niya tayong maging tagapahayag ng Mabuting Balita upang mas marami ang makasumpong ng kaligtasang si Hesus lamang ang makapagbibigay.  Inaanyayahan niya tayong makibahagi sa pagtataguyod ng Kaharian ng Diyos dito sa lupa, sa pamamagitan ng mga bokasyon kung saan tayo tinawag.  Tularan natin si Maria.  Huwag tayong matakot tumugon ng “Opo” sa ating Panginoon.  Walang mawawala sa atin.  Hindi tayo malulugi. Dahil kinalulugdan ng Diyos ang mga tapat sa kanya.

Manalangin tayo:  O Maria, Ina ng Diyos at Ina namin.  Katulad mo, magawa naming laging tumugon ng “opo” sa tawag ng Diyos.  Huwag sana kaming matakot na sumunod sa kalooban ng Diyos.  At lagi nawa naming tanggapin si Hesus, ang iyong Anak at aming kapatid, sa aming mga Puso. Amen.

Fr. Rolly Garcia Jr. – Director of Biblical Apostolate of the Archdiocese of Manila

You are listening to the daily gospel reflections with Sr. Cloth, fsp

This podcast is brought to you by the Paulines Multimedia. It is our mission to Bring the WORD of GOD to all peoples, through sounds and images, voices and music. Come and join us as we share “A THOUGHT A DAY”.