Gyda’r uwch gynghrair yn dychwelyd dros y penwythnos, Gwyn Derfel, rheolwr cyffredinol y Cymru Premier sy’n ymuno â Sioned Dafydd a Dylan Ebenezer i drafod datblygiadau diweddar o fewn y gynghrair.

Goreuon 2021

Cyfle i wrando nôl ar bigion gorau o’r pod dros y misoedd diwethaf yng nghwmni Sioned a Dylan

Rheolwr Cymru, Robert Page sy’n ymuno â Dylan Ebenezer a Sioned Dafydd ar gyfer ein podcast Nadoligaidd arbennig.

Dyma gyfle i drafod y flwyddyn a fu ac i ddod i adnabod y gŵr o’r Rhondda yn well.

Mwynhewch a Nadolig Llawen!

Croso i pod rhif 18!

Rhys Griffiths sy'n ymuno â Dylan a Sioned am sgwrs i drafod tymor Pen-y-bont hyd yma, gobeithion Ewropeaidd y clwb a'i yrfa llwyddiannus fel chwaraewr.

Cyfle hefyd i glywed gan tri gwr doeth Y Seintiau Newydd wrth i Leo Smith rhoi gwers Cymraeg i Anthony Limbrick a Declan McManus.

'Steddwch nôl a mwynhewch!

Pod 17: Aber-fest

Bydd hefyd cyfle i glywed gan tîm hyfforddi Aberystwyth cyn gêm fyw Sgorio rhwng Aberystwyth a’r Drenewydd – y gêm yn fyw ar Youtube, Facebook ac S4C Clic nos Wener, gyda’r gic gyntaf am 8.00

Croeso i pod 16!

Ian Gwyn Hughes, pennaeth cyfathrebu’r Gymdeithas Bêl-droed sy’n ymuno â Dylan a Sioned am sgwrs i drafod y flwyddyn a fu.

Am 12 mis i’r Gymdeithas; Cymru yn hawlio eu lle yn y gemau ail gyfle ar gyfer lle yng Nghwpan y Byd 2022 am y tro cyntaf ers 1958, dechrau arbennig i dîm y merched dan arweiniad Gemma Grainger, Prif Weithredwr newydd ac Euro 2020!

Lot i’w drafod…

Dylan Ebenezer a Sioned Dafydd sy’n edrych nôl dros y penwythnos yn y Cymru Premier ac yn edrych ‘mlaen at ddigwyddiadau ar y llwyfan rhyngwladol, lle bydd merched Cymru yn parhau eu hymgyrch ragbrofol Cwpan y Byd a bydd y dynion yn darganfod eu gwrthwynebwyr yn y gemau ail gyfle.

Pod 14: Gemau ail gyfle Cwpan y Byd a phêl-droed y canolbarth

Cyfle i edrych nôl ar wythnos fawr i Gymru wrth i’r tîm rhyngwladol gyrraedd gemau ail gyfle Cwpan y Byd 2022.

Bydd ymosodwr Y Drenewydd, James Davies yn ymuno â Dylan a Sioned i drafod tymor y Robiniaid a phêl-droed canolbarth Cymru.

Cyfweliad estynedig gydag Ashley Williams ar drothwy Gemau Rhagbrofol Cwpan Y Byd yn erbyn Belarws a Gwlad Belg.

Rheolwr Cymru C ac un o leisiau’r botwm coch, Mark Jones sy’n edrych nôl ar ddigwyddiadau mis Hydref yn y Cymru Premier gyda Sioned Dafydd a Dylan Ebenezer.

Cawn hefyd gyfle i glywed gan reolwr Cymru, Robert Page ar ôl iddo gyhoeddi ei garfan ar gyfer gemau rhagbrofol Cwpan y Byd 2022 ym mis Tachwedd.