Имом Алӣ ибни Абитолиб (к) фармуд:

أصدِقاؤكَ ثَلاثَةٌ و أعداؤكَ ثَلاثَةٌ؛

فأصدِقاؤكَ: صَديقُكَ و صَديقُ صَديقِكَ و عَدُوُّ عَدُوِّكَ

و أعداؤكَ: عَدُوّكَ و عَدُوُّ صَديقِكَ و صَديقُ عَدُوِّكَ

Дӯстони ту се гурӯҳ ва душманонат ҳам се гурӯҳанд:

пас дӯстони ту инҳоянд: дӯсти ту ва дӯсти дӯсти ту ва душмани душмани ту

ва душманони ту инҳоянд: душмани ту ва душмани дӯсти ту ва дӯсти душмани ту.

Наҳҷулбалоға, ҳикмати 295

Бо душмани ман чу дӯст бисёр нишаст

Бо дӯст набоядам дигар бор нишаст

Парҳез аз он шакар, ки бо заҳр омехт

Бигрез аз он магас, ки бо мор нишаст

Дӯст дорам ...

Салому дуруди Худо бар имом Ҳусейн ибни Алӣ ва шаҳидону асирон Карбало ва дӯстдорони онон бод!

Дӯст дорам то ту дар худ маҳву ҳайронам кунӣ

Қатраам восил ба дарёи хурушонам кунӣ

Дӯст дорам зарра бошам, то ки дар амвоҷи нур

Дар бағал гириву хуршеди фурӯзонам кунӣ

Дӯст дорам пой то сар қитъаи абре шавам

То ба хоки лолаҳои хеш боронам кунӣ

Дӯст дорам то дами рафтан бигирям дар ғамат

К-аз каромат хандае бар чашми гирёнам кунӣ

Дӯст дорам гирди Аббосат бигардонӣ маро

Ё ки ҳамчун турраи Акбар парешонам кунӣ

Дӯст дорам то шавад қалбам чу ҷисмат чок-чок

Дар канори қатлгоҳи хеш меҳмонам кунӣ

Дӯст дорам то бо ёди ташнагиҳои лабат

Сӯзиву обам кунӣ, якбора тӯфонам кунӣ

Дӯст дорам то вуҷуди чун биёбони маро

Бо дами ҳамчун Масеҳо боғу бустонам кунӣ

Дӯст дорам дар Минои ишқ ҳамчун гӯсфанд

Баҳри ризвони Худо омода, қурбонам кунӣ

Дӯст дорам булбули кӯи ту бошам, эй Ҳусейн

Бо иноят баҳри ишқи Ҳақ санохонам кунӣ

Севуми Шаъбон солрӯзи мелоди босаодати имом Ҳусейн бар ҳамаи мусулмонон ва озодагони ҷаҳон муборак бод

Ба номи Худованди бахшандаи меҳрубон

Худоё, бар Муҳаммад ва Оли Муҳаммад дуруд фирист!

Саломун алайкум ва раҳматуллоҳ

Фаро расидани моҳи шарифи Шаъбонро ба ҳамаи мусулмонони ҷаҳон ба хусус мардуми шарифи Тоҷикистон ва тоҷикони ҷаҳон табрик мегӯем!

Моҳи шарифи Шаъбон моҳи ибодату итоат, намозу рӯза, истиғфору салавот ва зикру дуо ва шабзиндадорӣ ва пур аз хайру баракат аст.

Бандагони шоистаи Худованд аз моҳи Раҷаб ва Шаъбон худро омодаи баҳрамандии бештар аз зиёфати Илоҳӣ дар моҳи шарифи Рамазон мекарданд.

Барои ҳамаи мусулмонон ба хусус мардуми шарифи Тоҷикистон ва тоҷикони ҷаҳон дар ин моҳ тавфиқи бандагӣ, тарки гуноҳ, баҳрамандӣ аз раҳмату мағфирати Худованд ва саломату саодати дунё ва охират ва ҳусни оқибат аз даргоҳи Парвардигор талаб мекунем.

Худоё, ҳоҷатҳои хайри бандагони мӯъмину мусулмон ва мазлуматро баровар ва хайри дунё ва охират насибамон кун!

Илтимоси дуо

Худо нигаҳдоратон бод!

قرائت سوره انعام صفحه ی ۱۳۸

Ингуна бошед!

پروردگارا شر اشرار به خودشان برگردان

مبارک باد

Муборак бод

Шеъри зебои кӯдакона дар бораи мабъаси Расули Худо с