1.Umuryango Oxfam yo mu Bufransa uratangaza ko miliyoni 500 z‘abaturage bo ku Isi bashobora kunyerera bakagwa m'ubukene kubera ingaruka za Coronavirus. Ngo mu bihugu bimwe na bimwe ubukungu bushobora gusubira inyuma ho imyaka 10 kugeza ku myaka 30. ngo mu minsi ishize ibihugu bikize byahagaritse miliyari 83 byagombaga gushora mu bihugu bikennye, hiyongeraho ko ibyo ibihugu bikennye byoherezaga mu mahanga byataye agaciro peteroli -61%, ikawa -15%, umuringa 21%. PAM ibona ko ikibazo aho kibera ingorabahizi ari uko abantu batakaje imirimo bakabura uburyo bwo guhaha ibibatunga, noneho hakiyongeraho ko inzira zafunzwe, ubuhahirane bugahagaragarara maze nk‘ibihugu bya Afurika bituwe butungwa no gutumiza ibiribwa( Umuceri, ingano) mu mahanga ntibibashe gutumiza ibiribwa. Ibihugu bizagirwaho ingaruka zikomeye cyane na covid-19 ari ibihugu abaturage benshi batungwa n‘imirimo itanditse, ba nyakabyizi ( 90% mu Rwanda), gutubya nkana imibare y‘abakene.

2. Leta ngo yiyemeje kugabanya imyuka ihumanya ikirere ho 16% kugeza muri2030. Iyogahunda ngo ikazatwara miliyari 11 $ ariko hakaba harimo inkunga ya 60%. Ngo nicyo gihugu cya mbere cya Afurika cyemeye iyi gahunda. Iyi gahunda nziza yo kurengera ibidukikije u Rwanda rwaba rufite uruhare rungana iki mu guhumanya ikirere ? Ingamba zikwiye gufatwa zihutirwa ni izihe ? Ese zimwe muri zo ngamba ntizishobora kubangamira ubuhinzi bwa kijyambere, ubucukuzi bw‘amabuye ndetse n‘inganda zimwe na zimwe ? Ese Kagame azahagarika guhora mu kirere ko indege ari kimwe mu bihumanya ikirere kurusha ibindi ? Ngo hazakemurwa ibibazo by‘amazi,ubuhinzi, ubutaka, amashyama,imiturire, ubuzima, ubwikorezi, mines.

[🔴 EN DIRECT] OPPOSITION NYARWANDA IHAGAZE ITE MAGINGO AYA & GUKORERA HAMWE BIRASHOBOKA?

Tubasuhuzanyije amahoro y'Imana banyarwanda, banyarwandakazi, bakunzi ba radio Itahuka, namwe bavandimwe b'abaturanyi. 

Nkuko bisanzwe rero, mu kiganiro cyacu cyo ku wa gatanu, turaza kongera gutera akajisho mu rwa Gasabo, turebe amakuru aharangwa. by'umwihariko uyu mugoroba turagaruka ku masiha rusahuzi agiye kuyogoza u Rwanda. Ugutaka k'umugenzuzi w'imari ya Leta akaba ari amaburakindi kuko azi aho bipfira ariko akaba atatinyuka kuhatunga agatoki. no mu gihe cy'amage nkaya abanyarwanda barimo. Ubutegetsi bwo ntacyo bwitayeho kitari ugukomeza kugotomeza ruvunabataka umutungo w'abanyarwanda. 

Hagati aho mu baturanyi i Burundi bari mu gikorwa cy'amatora y'umukuru w'igihugu kigamije kuzatora uzasimbura Petero Nkurunziza, bityo bakaba bahaye isomo u Rwanda ryo guhererekanya ubutegetsi biciye mu ipiganwa ry'amatora aboneye. ni irihe somo abanyarwanda bakwiye gukuramo? ibyo nabyo turabica ku mayange..

Mu rwego rw'ubutabera, nyuma y'imyaka 26 ashakishwa, Felicien Kabuga agiye kuzaburana, ariko urubanza rwe rushobora kuzasiga amakuru atari meza ku bantu bamwe na bamwe.

Nkuko bisanzwe rero, amarembo arafunguye. Muhawe ikaze.

1. Ijambo ibifi binini binyereza umutungo ntibihanwe(2,6% y'abanyereje miliyari 210 frws muri 2014/15  nibo bonyine bahanwe, umuseke.rw ) rimaze kwinjira mu nkoranyamagambo y'ikinyarwanda. Nyamara bigitangira Ford Mugabo yamaganaga akoresha ijambo ibifi binini ngo ni ugutera icyasha ubutegetsi, akaba yarifuzaga ko abantu bakwirinda gukoresha iryo jambo.  Muri 2019 Ibintu byafashe indi ntera. Muli iki cyumweru umugenzuzi w 'imari ya Leta yagaragaje ko hari ibigo bikomeye bya Leta byamwangiye kubigenzura, ndetse uyobora Wasac akamuterefona ari mu nteko  mu rrwego rwo ku mutera ubwoba. Umugenzuzi  mukuru w 'imari ya Leta aremeza ko hari ibigo bya Leta bishaka kumuha amabwiriza y'ukuntu agomba kubigenzura.  Ikigo gishinzwe gukwirakwiza amazi ngo cyabaye intangarugero mu mikorere mibi ishimangira ko u Rwanda ari Republka y'akajagari bamwe bita banana Republic.

2. Ministre Ngamije ati:"abazajya bashyirwa mu kato bazishuzwa icumbi n'ibizabagendaho bitari imiti no kuvurwa."  Bariya bana barimo kwambara udupfukamunwa batoraguye muri poubelle, abana bicirwa n'inzara muri Ruhurura bagatoragurwa n'abapolisi, abanyarwanda basanzwe bafungirwa mu mavuriro kubera kubura mutielle nibarwara covid-19 bagashyirwa  mu kato bazishyura iki ?Amafranga yo kurwanya COVID-19 u Rwanda rwagujije agenewe gufasha nde wundi niba atari abakennye kurusha abandi ? Ministre Ngamije yaba yifuza ko abantu bamwe bahisha ko banduye coronavirus cg bahuye n'abayirwaye kugirango batajyanwa muri quarantaine kubera ko hahenda ? Nyakubahwa ministre yaba ataramenye impamvu ibindi bihugu bishakisha abatagira amacumbi bose bikabakumunzura bikajya kibacumbikira, bikabitaho kuri byose bikanabapima ?

1.Félicien Kabuga yongeye kugezwa imbere y'urukiko rwa i Paris.

🔴Félicien Kabuga yamenyeshijwe impamvu yatawe muri yombi ndetse akaba asabwa kwitaba urukiko rwa ICTR Arusha.

🔴Abunganira Kabuga bavuga ko Mandat d'arrêt ifata Kabuga itandukanye naho bashaka kumwohereza.

🔴 Félicien Kabuga azongera gusubira m'u rukiko taliki ya 27/05/2020.

2.Jean-Damascène Bizimana ati:" Eugène Mbarushimana yaguze imipanga mu Bwongereza."

🔴 Eugène Mbarushimana yakoraga muri Rwandex.

🔴 Jean-Damascène Bizimana yashimangiye ko Eugene Mbarushimana yaguraga iyo mipanga mu gihugu cy'Ubwongereza muri Company yitwa Shillington.

3.Fabien Singaye yandikiye Radio Itahuka asaba uburenganzira bwo gukosora ibimuvugwaho.

🔴.Fabien Singaye aravuga ko ibyo Dr Charles Kambanda amuvugaho nta kuri kurimo.

🔴.Fabien Singaye arasaba Dr Kambanda kugaragaza ibimenyetso ashingiraho mubyo yamuvuzeho.

4.Abarundi biriwe mu gikorwa cy'amatora.

🔴Turaha ijambo ababyifuza bose bashaka kugira icyo bavuga kuri demokorasi y'abarundi.

5.Min w'ubuzima yavuze ko Corona itaracika mu Rwanda.

🔴.Abantu bagiye kujya biyishyurira ibisabwa mu gihe babasanzemo COVID-19.

[🔴 EN DIRECT] MADAME VICTOIRE INGABIRE AKOMEJE KUBAZWA URUPFU RWA PASTOR THEONESTE BAPFAKURERA.

1.Félicien Kabuga yagejejwe imbere y'urukiko i Paris aho agomba gushyikirizwa cour d'appel.

a.Kabuga yafashwe kuwa gatandatu akaba afungiye i Paris.

b.Igikorwa cyabaye uyu munsi cyari icyo kumugeze imbere y'urukiko rwa cour d'appel de Paris.

c.Kagame yari afite umwunganizi mu mategeko ugomba kumufasha kumva impamvu yatawe muri yombi ku mabwiriza ya "Le mandat d'arrêt du Mécanisme international MTPI".

2.Ingabire Victoire ejo yiriwe kuri "RIB" Urwego rw'igihugu rushinzwe ubugenzacyaha.

a.Ingabire Victoire arahatwa ibibazo k'urupfu rwa Pastor Théoneste Bapfakurera.

b.Abaturage babonye ibyabaye nibo batangabahamya.

c.None se Madame Victoire Ingabire arabazwa iki?

d.RIB irabaza iki Madame Victoire Ingabire ?

3.Minisiteri y'ubuzima yatangije Robots 5 zigiye kwifashishwa m'ugupima COVID-19.

a.U Rwanda rwavuze ko rushimishijwe n'izi robots zigiye kujya zipima umuriro w'abantu.

b.Min w'ubuzima yavuze ko Corona itaracika mu Rwanda.

c.Abantu bagiye kujya biyishyurira ibisabwa mu gihe babasanzemo Corona Virus.

4.Ejo kuwa gatatu, abaturage b'abarundi barazindukira mu matora y'umukuru w'igihugu.

a.Ubutegetsi bw'uburundi burasaba abantu gutora neza ndetse bakirinda icyahungabanya umutekano wabo.

1.Umucuruzi Félicien Kabuga yatawe muri yombi n'inzego z'umutekano z'Ubufaransa.

🔴Prof Charles Kambanda arasubiza ikibazo abantu bibaza ku ifatwa rya Félicien Kabuga.

🔴Ese igihugu cy'Ubufaransa cyaba kitari kizi ko Félicien Kabuga aba muri icyo gihugu?

🔴Urabona  Felicien Kabuga azaburanira he?

🔴Josephine Mukazitoni Madame Kabuga Felicien yashimangiye ko imitungo yabo FPR Inkotanyi yayitwaye kubera ko Kabuga atigeze afasha FPR.

 

2.Umushinjacyaha urwego rwasigiweho urukiko rwa ICTR Serge yavuze uko byagenze mu ifatwa rya Kabuga ndetse n'ikigiye gukurikira.

🔴Umucuruzi Felicien Kabuga  azaburanira i Hague, cyangwa Arusha.

 

3.Ivan Cyumoro Kagame ageze mu buyobozi RDB mugihe RDB igaragayemo igihombo cy'amafaranga arenga ibihumbi 400.

🔴Nyuma yaho Claire Akamanzi ananiwe gusobanura aho amafaranga asaga ibihumbi 408,486  yagiye, Kagame yashyize umuhungu we mu buyobozi bwa RDB.

[🔴 EN DIRECT]GENOCIDE YAKOREWE ABANYAMULENGE YABA YARARANGIYE CYANGWA IRAKOMEJE

1. Leta y‘agatsiko yahanitse ibiciro by‘amahoteli no gusura ingagi bisigara bisa n‘aho byari byaragenewe abanyamahanga nabo bifite, none covid-19 itumye ubukerarugendo buhagarara maze Leta yibuka ko ikwiye kugabanya ibiciro kugirango umunyarwanda usanzwe abashe gusura ibyiza byo mu gihugu cye no kurara mu mahoteli yabuze abashyitsi. Leta yongeye kwinyuramo ishishikariza abahinzi gusubira ku gihingwa cy‘ibijumba m'urwego rwo kurwanya ingaruka za coronavirus, nyamara Leta yari yaranze gushyira ibijumba mu bihingwa byatoranyijwe kubera ko ngo bitoherezwa hanze. 

2. Ministre Gatete ngo ibikorwa remezo byo kwitegura CHOGM birakataje ariko ku rundi ruhande, gukomeretsa uburengazira bwa muntu bikabije byerekana ko Kagame yakuye agahu ku nnyo, atagikeneye kwihohora no kwibombarika nk‘umuntu utegereje kwakira iriya nama. Asenyeye abaturage, Yishe Kizito, afunze abanyamakuru n‘abatavuga rumwe nawe, abo yari yarababariye kubera iriya nama ya CHOGM abashubije ku munigo. Mu gihugu abantu baricwa umusubizo bazira utwaha tw‘ubusabusa, inzego z‘umutekano zirica, zirahohotera abaturage mu ruhame, umuntu akaba yakwibaza niba aribwo buryo bwo guha ikaze abashaka kwitabira inama ya CHOGM.

3. ADEPR itagira icyo yinjiza kubera ibiterane bibujijwe kandi aribyo abakristu baturiragamo, iranengwa kuba yagabanyije imisahara y‘abakozi kubera covid-19. Nyamara si yo yonyine yafatiye ibyemezo abakozi. Ibigo bitwara abagenzi, iby‘amashuri yigenga, amakipe y‘umupira w‘amaguru, inganda n‘abacuruzi byahagartitse amasezerano y‘abakozi, Rwandair yagabanyije umushara kugeza kuki 65%. ADEPR yabaye nka ya nkotsa ivuga n‘izindi nyoni bati ngiyo kanwa kabi. Ahubwo Leta ubwayo bivugwa ko izahomba miliyari 230 frws kuva werurwe kugeza gicurasi 2020

[🔴 EN DIRECT] OPPOSITION NYARWANDA IHAGAZE ITE MAGINGO AYA & GUKORERA HAMWE BIRASHOBOKA?