Maha KaalBhairav Stotra महा कालभैरव स्तोत्र •

ॐ महाकाल भैरवाय नम:

जलद् पटलनीलं दीप्यमानोग्रकेशं,

त्रिशिख डमरूहस्तं चन्द्रलेखावतंसं!

विमल वृष निरुढं चित्रशार्दूळवास:, विजयमनिशमीडे विक्रमोद्दण्डचण्डम्!!

सबल बल विघातं क्षेपाळैक पालम्,

बिकट कटि कराळं ह्यट्टहासं विशाळम्! करगतकरबाळं नागयज्ञोपवीतं, 

भज जन शिवरूपं भैरवं भूतनाथम्!!

• भैरव स्तोत्र

यं यं यं यक्ष रूपं दशदिशिवदनं भूमिकम्पायमानं।

सं सं सं संहारमूर्ती शुभ मुकुट जटाशेखरम् चन्द्रबिम्बम्।।

दं दं दं दीर्घकायं विकृतनख मुखं चौर्ध्वरोयं करालं। पं पं पं पापनाशं प्रणमत सततं भैरवं क्षेत्रपालम्।।1।।

रं रं रं रक्तवर्ण कटक कटितनुं तीक्ष्णदंष्ट्राविशालम्।

घं घं घं घोर घोष घ घ घ घ घर्घरा घोर नादम्।।

कं कं कं काल रूपं घगघग घगितं ज्वालितं कामदेहं।

दं दं दं दिव्यदेहं प्रणमत सततं भैरवं क्षेत्रपालम्।।2।।

लं लं लं लम्बदंतं ल ल ल ल लुलितं दीर्घ जिह्वकरालं।

धूं धूं धूं धूम्र वर्ण स्फुट विकृत मुखं मासुरं भीमरूपम्।।

रूं रूं रूं रुण्डमालं रूधिरमय मुखं ताम्रनेत्रं विशालम्।

नं नं नं नग्नरूपं प्रणमत सततं भैरवं क्षेत्रपालम्।।3।।

वं वं वं वायुवेगम प्रलय परिमितं ब्रह्मरूपं स्वरूपम्।

खं खं खं खड्ग हस्तं त्रिभुवननिलयं भास्करम् भीमरूपम्।।

चं चं चं चालयन्तं चलचल चलितं चालितं भूत चक्रम्।

मं मं मं मायाकायं प्रणमत सततं भैरवं क्षेत्रपालम्।।4।।

खं खं खं खड्गभेदं विषममृतमयं काल कालांधकारम्।

क्षि क्षि क्षि क्षिप्रवेग दहदह दहन नेत्र संदिप्यमानम्।।

हूं हूं हूं हूंकार शब्दं प्रकटित गहनगर्जित भूमिकम्पं।

बं बं बं बाललील प्रणमत सततं भैरवं क्षेत्रपालम्।।5।।

ॐ तीक्ष्णदंष्ट्र महाकाय कल्पांत दहन प्रभो!

भैरवाय नमस्तुभ्यं अनुज्ञां दातु महर्षि!! •

KaalBhairav Mantra कालभैरव मंत्र -

शिव पुराण में दिये इस मंत्र का जप करने से हर मनोकामना हो जाती हैं पूरी

★

।। ऊँ अतिक्रूर महाकाय कल्पान्त दहनोपम् ।

भैरव नमस्तुभ्यं अनुज्ञा दातुमर्हसि ।। ★

Vairagya Ashtakam वैराग्य अष्टकम्

गृहे पर्यन्तस्थे द्रविणकणमोषं श्रुतवता,

स्ववेश्मन्यारक्षा क्रियत इति मार्गोऽयमुचितः।

नरानोद्वाद्गेहात् प्रतिदिनं समाकृष्यनयतः,

कृतान्तात् किं शङ्का न हि भवति रजाग्रत जनाः ॥1॥

क्वचिद्विद्वगोष्ठी क्वचिदपि सुरामत्त कलहः,

क्वचिद्वीणावादः क्वचिदऽपि च हा हेतिरुदितम्।

क्वचिद्रम्यारामा क्वचिदऽपि जराजर्जरतनुर् ।

न ज्ञातं (जाने) संसारः किममृतमयः किं विषमयः ।।2।।

वपुः कुब्जीभूतः गतिरपि तथा यष्टि शरणा,

विशीर्णा दन्तालिः श्रवण विकलं श्रोत्रयुगलम्।

शिरः शुक्लं चक्षुस्तिमिर पटलैरावृत महो,

मनो मे निर्लज्जं तदपि विषयेभ्यः स्पृहयति ॥३॥

अजानन्दाहात्म्यं पततिशलभो दीप दहने,

समीनोऽप्यज्ञानाद्-वडिशयुत-मश्नाति पिशितम्।

विजानन्तोऽप्येते वयमिह विपज्जाल जटिलान्,

नमुंचया कामान्नहो गहनं मोह महिमा ।।4।।

आदित्यस्यगता गतैरह रहः संक्षीयते जीवतं,

व्यापारैर्बहु कार्यभार गुरुभिः कालो न विज्ञायते।

दृष्ट्वा जन्म जरा विपत्ति मरणं, त्रासं च नोत्पद्यते,

पीत्त्वा मोहमयीं प्रमाद मदिरामुन्मत्त भूतं जगत् ।।5।।

निः स्वोवष्टि शतं शती दशशतं लक्षं सहस्राधिपो,

लक्षेशः क्षितिपालतां क्षितिपतिश्चक्रेशतां वांछति।

चक्रेशः सुरराजतां सुरपतिर्ब्रह्मास्पदं वांछति,

ब्रह्मा शैव पदं शिवो व हरिपदं ह्याशावधिं को गतः ॥6॥

जीर्णो एव मनोरथाः स्वहृदये स्यातं जरा यौवनं,

हन्ताङ्गेषु गुणाश्च वन्ध्य फलतां यातागुणज्ञैर्विना।

किंयुक्तं सहसाम्युपैति बलवान् काल कृतान्तोऽक्ष्मी,

ह्याज्ञात स्मर जिनेन्द्राघ्रि युगलं मुक्त्वास्ति नान्यागति ।।7।।

आशा नाम नदी मनोरथ जलं, तृष्णा तर‌ङ्गाकुला,

राग ग्राहवती वितर्क विहगा धैर्य द्रुमध्वंसिनी।

मोहावर्तसुदुस्तरातिगहना प्रोत्तुड्ग् चिन्ता तरी,

तस्याः पारगता विशुद्ध मनसो नन्दति योगीश्वराः ॥8॥

Kaal Bhairav Ashtakam कालभैरव अष्टकम् ◆

देवराजसेव्यमानपावनांघ्रिपङ्कजं

व्यालयज्ञसूत्रमिन्दुशेखरं कृपाकरम् ।

नारदादियोगिवृन्दवन्दितं दिगंबरं

काशिकापुराधिनाथ कालभैरवं भजे ॥ १॥

भानुकोटिभास्वरं भवाब्धितारकं परं नीलकण्ठमीप्सितार्थदायकं त्रिलोचनम् ।

कालकालमंबु जाक्षमक्षशूलमक्षरं काशिकापुराधिनाथकालभैरवं भजे ॥ २॥

शूलटंकपाशदण्ड पाणिमादिकारणं

श्यामकायमादि देवमक्षरं निरामयम् ।

भीमविक्रमं प्रभुं विचित्रताण्डवप्रियं काशिकापुराधिनाथकालभैरवं भजे ॥ ३॥

भुक्तिमुक्तिदायकं प्रशस्तचारुविग्रहं

भक्तवत्सलं स्थितं समस्तलोकविग्रहम् ।

विनिक्वणन् मनोज्ञहेमकिङ्किणी लसत्कटिं काशिकापुराधिनाथकालभैरवं भजे॥ ४॥

धर्मसेतुपालकं त्वधर्ममार्गनाशनं

कर्मपाशमोचकं सुशर्मधायकं विभुम् ।

स्वर्णवर्णशेषपाश शोभितांगमण्डलं काशिकापुराधिनाथकालभैरवं भजे ॥ ५॥

रत्नपादुका प्रभाभिरामपादयुग्मकं

नित्यमद्वितीयमिष्टदैवतं निरंजनम् ।

मृत्युदर्पनाशनं करालदंष्ट्रमोक्षणं काशिकापुराधिनाथकालभैरवं भजे ॥ ६॥

अट्टहासभिन्न पद्मजाण्डकोशसंततिं

दृष्टिपात्तनष्टपाप जालमुग्रशासनम् ।

अष्टसिद्धिदायकं कपालमालिकाधरं काशिकापुराधिनाथकालभैरवं भजे ॥ ७॥

भूतसंघनायकं विशालकीर्तिदायकं काशिवासलोकपुण्यपापशोधकं विभुम् ।

नीतिमार्गकोविदं पुरातनं जगत्पतिं काशिकापुराधिनाथकालभैरवं भजे ॥ ८॥

◆

॥ फल श्रुति॥

कालभैरवाष्टकं पठंति ये मनोहरं

ज्ञानमुक्तिसाधनं विचित्रपुण्यवर्धनम् ।

शोकमोहदैन्यलोभ कोपतापनाशनं

प्रयान्ति कालभैरवांघ्रि सन्निधिं नरा ध्रुवम् ॥

◆

॥इति कालभैरवाष्टकम् संपूर्णम् ॥ ◆

Jinendra Sharnam Stotra जिनेन्द्र शरणम् स्तोत्र ★

न ताते न माता न बंधुर्न दाता, न पुत्रो न पुत्री न भृत्यो न भर्ता।

न जाया न विद्या न वृत्तिर्ममैव, गतिस्त्वं गतिस्त्वं त्वमेका जिनेन्द्रः ।।11

भवाब्धाव-पारे, महादुःख भीरुः, प्रपात प्रकामी प्रलोभी प्रमातः।

कु संसार पाश प्रबद्ध सदाऽहं, गतिस्त्वं गतिस्त्वं त्वमेका जिनेन्द्रः ॥2॥

न जानामि दानं न च ध्यान योगं, न जानामि तंत्रं न च स्तोत्र मंत्रम्।

न जानामि पूजां न च न्यास योगम्, गतिस्त्वं गतिस्त्वं त्वमेका जिनेन्द्रः ॥३॥

न पुण्यं जानामि न जानामि तीर्थ, न जानामि मुक्तिं लयं वा कदाचित्।

न जानामि भक्तिं व्रतं वापि देवः, गतिस्त्वं गतिस्त्वं त्वमेका जिनेन्द्रः ॥4॥

कुकर्मी कुसङ्गी कुबुद्धिः कुदासः, कुलाचार हीनः कदाचार लीनः ।

कुदृष्टिः कुवाक्य प्रबन्ध सदाऽहम्, गतिस्त्वं गतिस्त्वं त्वमेका जिनेन्द्रः ।॥5॥

प्रजेशं 'रमेशं' महेशं सुरेशं, दिनेशं निशीथेश्वरं वा कदाचित्।

न जानामि चान्यत् सदाऽहं शरण्ये, गतिस्त्वं गतिस्त्वं त्वमेका जिनेन्द्रः ॥6॥

विवादे विषादे प्रमादे प्रदेशे, जले चानले पर्वते शत्रु मध्ये। अरण्ये शरण्ये सदा मां त्रपाहि, गतिस्त्वं गतिस्त्वं त्वमेका जिनेन्द्रः ॥7॥

अनाथो दरिद्रो जरा रोग युक्तो, महा क्षीण दीनः सदा जाड्य वक्त्र।

येयोगीन्द्रसागर प्रभो! दीन हीनं, गतिस्त्वं गतिस्त्वं त्वमेका जिनेन्द्रः ॥8॥

Shri Parshvanath Lakshmi Stotram श्री पार्श्वनाथ लक्ष्मी स्तोत्रम् ★

लक्ष्मीर्महस्तुल्यसती सती सती प्रवृद्धकालो विरतो रतो रतो।

जरारुता जन्महता हता हता पार्श्व फणे रामगिरौ गिरौ गिरौ ॥

अमाद्यं सुमना मना मना

यः सर्वदेशो भुवि नाविना विना ।

समस्त विज्ञानमयो मयो मयो

पार्श्व फणे रामगिरौ गिरौ गिरौ ॥

विनेष्ट जन्तोः शरणं रणं रणं

क्षमादितो यः कमठं मठं मठं ।

नरामरा रामक्रमं क्रमं क्रमं

पार्श्व फणे रामगिरौ गिरौ गिरौ ।।

अज्ञान सत्काम लता लता लता

यदीय सद्भानता नता नता।

निर्वाण सौख्यं सुगता गता गता

पार्श्वफणे रामगिरौ गिरौ गिरौ । ।

विवादिता शेष विधिर्विधिर्विधि

र्बभूव सर्प्यवहरी हरी हरी ।

त्रिज्ञान सज्ञान हरो हरो हरो

पार्श्वं फणे रामगिरौ गिरौ गिरौ ।।

यद्विश्व लोकैक गुरुं गुरुं गुरुं

विराजिता येन वरं वरं वरं ।

तमाल नीलांगभरं भरं भरं

पार्श्व फणे रामगिरौ गिरौ गिरौ ।।

संरक्षितो दिग्भुवनं वनं वनं

विराजिता येषु दिवै दिवै दिवैः।

पादद्वये नूत सुरासुराः सुराः

पार्श्व फणे रामगिरौ गिरौ गिरौ ।।

रराज नित्यं सकला कला कला

ममारतृष्णो वृजिनो जिनो जिनो ।

संहारपूज्यं वृषभा सभा सभा

पार्श्व फणे रामगिरौ गिरौ गिरौ ।।

तर्के व्याकरणे च नाटकचये काव्याकुले कौशले ।

विख्यातो भुवि पद्मनन्दि मुनिपस्तत्वस्य कोषं निधिः । ।

गंभीरं यमकाष्टकं पठति यः संस्तूयसा लभ्यते ।

श्री पद्मप्रभदेव-निर्मितमिदं स्तोत्रं जगन्मंगलम् ॥

।। इति श्री पद्मप्रभ देव विरचितं पार्श्वनाथ स्तोत्रं समाप्तम्।।

Bhaj Govindam Stotra भज गोविन्दम् स्तोत्र ◆

'भज गोविन्दम्’ में शंकराचार्य ने संसार के मोह में ना पड़ कर भगवान् कृष्ण की भक्ति करने का उपदेश दिया है। उनके अनुसार, संसार असार है और भगवान् का नाम शाश्वत है। उन्होंने मनुष्य को किताबी ज्ञान में समय ना गँवाकर और भौतिक वस्तुओं की लालसा, तृष्णा व मोह छोड़ कर भगवान् का भजन करने की शिक्षा दी है। इसलिए ‘भज गोविन्दम’ को ‘मोह मुगदर’ यानि मोह नाशक भी कहा जाता है। ★

भज गोविन्दं भज गोविन्दं, गोविन्दं भज मूढ़मते।

सम्प्राप्ते सन्निहिते मरणे, नहि नहि रक्षति डुकृञ् करणे ॥1॥

मूढ़ जहीहि धनागमतृष्णां, कुरु सद्बुद्धिं मनसि वितृष्णाम्।

यल्लभसे निजकर्मोपात्तं, वित्तं तेन विनोदय चित्तम् ॥2॥

नारीस्तनभरनाभीनिवेशं, दृष्ट्वा- माया मोहावेशम्।

एतन्मांस-वसादि-विकारं, मनसि विचिन्तय बारम्बाररम् ॥ 3॥

नलिनीदलगतसलिलं तरलं, तद्वज्जीवितमतिशय चपलम्।

विद्धि व्याध्यभिमानग्रस्तं, लोकं शोकहतं च समस्तम् ॥4॥

यावद्वित्तोपार्जनसक्त:, तावत् निज परिवारो रक्तः।

पश्चात् धावति जर्जर देहे, वार्तां पृच्छति कोऽपि न गेहे ॥5॥

यावत्पवनो निवसति देहे तावत् पृच्छति कुशलं गेहे।

गतवति वायौ देहापाये, भार्या बिभ्यति तस्मिन्काये ॥6॥

बालस्तावत् क्रीडासक्तः, तरुणस्तावत् तरुणीसक्तः।

वृद्धस्तावत् चिन्तामग्नः पारे ब्रह्मणि कोऽपि न लग्नः ॥7॥

का ते कांता कस्ते पुत्रः, संसारोऽयं अतीव विचित्रः।

कस्य त्वं कः कुत अयातः तत्त्वं चिन्तय यदिदं भ्रातः ॥8॥

सत्संगत्वे निःसंगत्वं, निःसंगत्वे निर्मोहत्वं।

निर्मोहत्वे निश्चलतत्त्वं निश्चलतत्त्वे जीवन्मुक्तिः ॥9॥

वयसि गते कः कामविकारः शुष्के नीरे कः कासारः।

क्षीणे वित्ते कः परिवारो ज्ञाते तत्त्वे कः संसारः ॥10॥

मा कुरु धन-जन-यौवन-गर्वं, हरति निमेषात्कालः सर्वम्।

मायामयमिदमखिलं हित्वा ब्रह्म पदं त्वं प्रविश विदित्वा ॥11॥

दिनमपि रजनी सायं प्रातः शिशिरवसन्तौ पुनरायातः।

कालः क्रीडति गच्छत्यायुः तदपि न मुञ्चति आशावायुः ॥12॥

का ते कान्ता धनगतचिन्ता वातुल किं तव नास्ति नियन्ता।

त्रिजगति सज्जन संगतिरेका भवति भवार्णवतरणे नौका ॥13॥

जटिलो मुण्डी लुञ्चित केशः काषायाम्बर बहुकृतवेषः।

पश्यन्नपि च न पश्यति मूढः उदरनिमित्तं बहुकृत शोकः ॥14॥

अङ्गं गलितं पलितं मुण्डं दशन विहीनं जातं तुण्डम्।

वृद्धो याति गृहीत्वा दण्डं तदपि न मुञ्चति आशापिण्डम् ॥15॥

अग्रे वह्निः पृष्ठेभानुः रात्रौ चिबुक- समर्पित-जानुः।

करतलभिक्षा तरुतलवासः तदपि न मुञ्चति आशापाशः ॥16॥

कुरुते गंगासागरगमनं व्रतपरिपालनमथवा दानम्।

ज्ञानविहिनः सर्वमतेन मुक्तिः न भवति जन्मशतेन ॥17॥

सुर-मन्दिर-तरु-मूल- निवासः शय्या भूतलमजिनं वासः।

सर्व-परिग्रह-भोग-त्यागः कस्य सुखं न करोति विरागः ॥18॥

योगरतो वा भोगरतो वा संगरतो वा संगविहीनः। यस्य ब्रह्मणि रमते चित्तं नन्दति नन्दति नन्दति एव ॥19॥

भगवद्गीता किञ्चिदधीता गंगा जल लव कणिका पीता।

सकृदपि येन मुरारिसमर्चा तस्य यमः किं कुरुते चर्चाम् ॥20॥

पुनरपि जननं पुनरपि मरणं पुनरपि जननीजठरे शयनम्।

इह संसारे बहुदुस्तारे कृपयापारे पाहि मुरारे ॥21॥

रथ्याचर्पट-विरचित- कन्थः पुण्यापुण्य-विवर्जित- पन्थः।

योगी योगनियोजित चित्तः रमते बालोन्मत्तवदेव ॥22॥

कस्त्वं कोऽहं कुत आयातः का मे जननी को मे तातः।

इति परिभावय सर्वमसारम् विश्वं त्यक्त्वा स्वप्नविचारम् ॥23॥

त्वयि मयि चान्यत्रैको विष्णुः व्यर्थं कुप्यसि सर्वसहिष्णुः।

सर्वस्मिन्नपि पश्यात्मानं सर्वत्रोत्सृज भेदाज्ञानम् ॥24॥

शत्रौ मित्रे पुत्रे बन्धौ मा कुरु यत्नं विग्रहसन्धौ।

भव समचित्तः सर्वत्र त्वं वाछंसि अचिराद् यदि विष्णुत्वम्॥ 25॥

कामं क्रोधं लोभं मोहं त्यक्त्वात्मानं भावय कोऽहम्।

आत्मज्ञानविहीना मूढाः ते पच्यन्ते नरकनिगूढाः ॥26॥

गेयं गीता नाम सहस्रं ध्येयं श्रीपति रूपमजस्रम्।

नेयं सज्जन सङ्गे चित्तं देयं दीनजनाय च वित्तम् ॥27॥

सुखतः क्रियते रामाभोगः पश्चाद्धन्त शरीरे रोगः।

यद्यपि लोके मरणं शरणं तदपि न मुञ्चति पापाचरणम् ॥28॥

अर्थंमनर्थम् भावय नित्यं नास्ति ततः सुखलेशः सत्यम्।

पुत्रादपि धनभजाम् भीतिः सर्वत्रैषा विहिता रीतिः ॥ 29॥

प्राणायामं प्रत्याहारं नित्यानित्य विवेकविचारम्।

जाप्यसमेत समाधिविधानं कुर्ववधानं महदवधानम् ॥30॥

गुरुचरणाम्बुज निर्भर भक्तः संसारादचिराद्भव मुक्तः।

सेन्द्रियमानस नियमादेवं द्रक्ष्यसि निज हृदयस्थं देवम् ॥ 31॥

मूढः कश्चन वैयाकरणो, डुकृञ्करणाध्ययन धुरिणः ।

श्रीमच्छम्कर भगवच्छिष्यै, बोधित आसिच्छोधितकरणः ॥32॥

भजगोविन्दं भजगोविन्दं, गोविन्दं भजमूढमते।

नामस्मरणादन्यमुपायं, नहि पश्यामो भवतरणे ॥33॥

Mangal Beej Mantra 2 मंगल बीज मन्त्र 2 ◆ ॐ अं अंगारकाय नमः ◆

Business Flourishing Mantras व्यापार वृद्धि रिद्धि मन्त्र ★

यह मन्त्रोच्चारण करने और सुनने से कामकाज और परिवार की बुरी नजर से रक्षा होकर धन व्यापार में वृद्धि होती है। सुबह-शाम इन मंत्रों को सुनने से हमारे घर व्यापार की जादू टोना व बुरी नज़र से रक्षा होती है । ★

ॐ ह्रीं अर्हं णमो जिणाणं।

ॐ ह्रीं अर्हं ओहिजिणाणं।

ॐ ह्रीं अर्ह णमो परमोहिजिणाणं ।

ॐ ह्रीं अर्हं णमो सव्वोहिजिणाणं।

ॐ ह्रीं अहँ णमो अणंतोहिजिणाणं।

ॐ ह्रीं अहँ णमो कोट्ठबुद्धीणं।

ॐ ह्रीं अर्हं णमो बीजबुद्धीणं ।

ॐ ह्रीं अर्हं णमो पादाणुसारीणं।

ॐ ह्रीं अर्हं णमो संभिण्णसोदाराणं।

ॐ ह्रीं अर्हं णमो सयंबुद्धाणं।

ॐ ह्रीं अर्हं णमो पत्तेयबुद्धाणं ।

ॐ ह्रीं अर्हं णमो बोहिय बुद्धाणं।

ॐ ह्रीं अहँ णमो उजुमदीणं ।

ॐ ह्रीं अर्हं णमो विउलमदीणं

। ॐ ह्रीं अर्हं णमो दसपुव्वीणं ।

ॐ ह्रीँ अर्हं णमो चउदसपुव्वीणं ।

ॐ ह्रीं अर्हं णमो अट्टंग-महा-णिमित्त-कुसलाणं।

ॐ ह्रीं अहँ णमो विउव्व-इड्ढि-पत्ताणं।

ॐ ह्रीं अर्हं णमो विज्जाहराणं ।

ॐ ह्रीं अर्हं णमो चारणाणं ।

ॐ ह्रीं अर्हं णमो पण्णसमणाणं।

ॐ ह्रीं अर्हं णमो आगास-गामीणं।

ॐ ह्रीं अर्हं णमो आसीविसाणं

ॐ ह्रीं अर्हं णमो दिट्ठिविसाणं ।

ॐ ह्रीं अर्हं णमो उग्गतवाणं।

ॐ ह्रीं अर्हं णमो दित्ततवाणं।

ॐ ह्रीं अर्हं णमो तत्ततवाणं ।

ॐ ह्रीं अर्हं णमो महातवाणं ।

ॐ ह्रीं अर्हं णमो घोरतवाणं।

ॐ ह्रीं अर्हं णमो घोरगुणाणं।

ॐ ह्रीं अर्ह घोर परक्कमाणं।

ॐ ह्रीं अर्हं णमो घोरगुण-बंभयारीणं ।

ॐ ह्रीं अर्हं णमो आमोसहि-पत्ताणं।

ॐ ह्रीं अर्हं णमो खेल्लोसहि-पत्ताणं।

ॐ ह्रीं अहँ जल्लोसहि-पत्ताणं ।

ॐ ह्रीं अर्ह णमो विप्पोसहिपत्ताणं।

ॐ ह्रीं अर्हं णमो सव्वोसहिपत्ताणं।

ॐ ह्रीं अर्हं णमो मणबलीणं।

ॐ ह्रीं अर्हं णमो वचिबलीणं ।

ॐ ह्रीं अर्हं णमो कायबलीणं ।

ॐ ह्रीं अर्हं णमो खीरसवीणं।

ॐ ह्रीं अर्हं णमो सप्पिसवीणं।

ॐ ह्रीं अर्हं णमो महुरसवीणं ।

ॐ ह्रीं अर्हं णमो अमियसवीणं ।

ॐ ह्रीं अर्ह णमो अक्खीण महाणसाणं।

ॐ ह्रीं अर्हं णमो वड्ढमाणाणं।

ॐ ह्रीं अर्हं णमो लोए सव्व सिद्धायदणाणं ।

ॐ ह्रीं अर्हं णमो भयवदो महदि महावीर वड्ढमाण बुद्धरिसीणो चेदि।

Vishnu Shatpadi विष्णु षट्पदि

★

अविनयमपनय विष्णो दमय मनः शमय विषयमृगतृष्णाम् ।

भूतदयां विस्तारय तारय संसारसागरतः ॥ 1 ॥

दिव्यधुनीमकरन्दे परिमलपरिभोगसच्चिदानन्दे ।

श्रीपतिपदारविन्दे भवभयखेदच्छिदे वन्दे ॥ 2 ॥

सत्यपि भेदापगमे नाथ तवाऽहं न मामकीनस्त्वम् ।

सामुद्रो हि तरङ्गः क्वचन समुद्रो न तारङ्गः ॥ 3 ॥

उद्धृतनग नगभिदनुज दनुजकुलामित्र मित्रशशिदृष्टे ।

दृष्टे भवति प्रभवति न भवति किं भवतिरस्कारः ॥ 4 ॥

मत्स्यादिभिरवतारैरवतारवताऽवता सदा वसुधाम् ।

परमेश्वर परिपाल्यो भवता भवतापभीतोऽहम् ॥ 5 ॥

दामोदर गुणमन्दिर सुन्दरवदनारविन्द गोविन्द ।

भवजलधिमथनमन्दर परमं दरमपनय त्वं मे ॥ 6 ॥

नारायण करुणामय शरणं करवाणि तावकौ चरणौ ।

इति षट्पदी मदीये वदनसरोजे सदा वसतु ॥

★