Surya Pratah Smaran Stotra सूर्य प्रातः स्मरण स्तोत्र ★

प्रातः स्मरामि खलु तत्सवितुर्वरेण्यं

रूपं हि मंडलमृचोऽथ तनुर्यजूंषि।

सामानि यस्य किरणाः प्रभवादिहेतुं

ब्रह्माहरात्मकमलक्ष्यमचिन्त्यरूपम्‌॥१॥

प्रातर्नमामि तरणिं तनुवाङ्मनोभि-

र्ब्रह्मेन्द्रपूर्वकसुरैर्नुतमर्चितं च।

वृष्टिप्रमोचनविनिग्रहहेतुभूतं

त्रैलोक्यपालनपरं त्रिगुणात्मकं च॥२॥

प्रातर्भजामि सवितारमन्तशक्तिं

तं सर्वलोककलनात्मककालमूर्तिं

गोकण्ठबंधनविमचोनमादिदेवम्‌॥३॥

श्लोकत्रयमिदं भानोः प्रातः प्रातः पठेत्‌ तु यः।

स सर्वव्याधिनिर्मुक्तः परं सुखमवाप्नुयात्‌॥४॥

★

Surya Arghya Mantra सूर्य अर्घ्य मन्त्र ■

सूर्य को जल देते समय

◆ ॐ ह्रीं ह्रीं सूर्याय, सहस्त्रकिरणाय मनोवांछित फलं देहि देहि स्वाहा◆

मंत्र का जाप करें। सूर्य देव और छठी मैया के पूजा के समय आपकी जो भी मनोकामनाएं हों, उसे उनके समक्ष व्यक्त कर दें।

Laghu Shantidhara लघु शांतिधारा •

ॐ नमः सिद्धेभ्यः !

ॐ नमः सिद्धेभ्यः !

ॐ नमः सिद्धेभ्यः !

श्री वीतरागाय नमः ! ॐ नमो अर्हते भगवते

श्रीमते, श्री पार्श्वतीर्थंकराय, द्वादश-गण-परिवेष्टिताय,

शुक्लध्यान पवित्राय,सर्वज्ञाय, स्वयंभुवे,

सिद्धाय, बुद्धाय, परमात्मने, परमसुखाय, त्रैलोकमाही

व्यप्ताय, अनंत-संसार-चक्र-परिमर्दनाय, अनंत

दर्शनाय, अनंत ज्ञानाय, अनंतवीर्याय, अनंत सुखाय

सिद्धाय, बुद्धाय, त्रिलोकवशंकराय, सत्यज्ञानाय,

सत्यब्राह्मने, धरणेन्द्र फणामंडल मन्डिताय, ऋषि-

आर्यिका,श्रावक-श्राविका-प्रमुख-चतुर्संघ-उपसर्ग

विनाशनाय, घाती कर्म विनाशनाय,

अघातीकर्म विनाशनाय,

अप्वायाम(छिंद छिन्दे भिंद-भिंदे),

मृत्यु (छिंद-छिन्देभिंद-भिंदे),

अतिकामम (छिंद-छिन्दे भिंद-भिंदे),

रतिकामम (छिंद-छिन्देभिंद-भिंदे),

क्रोधं (छिंद-छिन्दे भिंद-भिंदे),

आग्निभयम (छिंद-छिन्देभिंद-भिंदे),

सर्व शत्रु भयं (छिंद-छिन्दे भिंद-भिंदे),

सर्वोप्सर्गम(छिंद-छिन्दे भिंद-भिंदे),

सर्व विघ्नं (छिंद-छिन्दे भिंद-भिंदे),

सर्व भयं(छिंद-छिन्दे भिंद-भिंदे),

सर्व राजभयं (छिंद-छिन्दे भिंद-भिंदे),

सर्वचोरभयं (छिंद-छिन्दे भिंद-भिंदे),

सर्व दुष्टभयम (छिंद-छिन्दे भिंद-भिंदे),

सर्व म्रगभयं (छिंद-छिन्दे भिंद-भिंदे),

सर्व मात्मचक्र-भयं (छिंद-छिन्देभिंद-भिंदे),

सर्व परमंत्रम (छिंद-छिन्दे भिंद-भिंदे),

सर्व शूल रोगम(छिंद-छिन्दे भिंद-भिंदे),

सर्व क्षय रोगम (छिंद-छिन्दे भिंद-भिंदे),

सर्वकुष्ठ रोगम (छिंद-छिन्दे भिंद-भिंदे),

सर्व क्रूर रोगम (छिंद-छिन्देभिंद-भिंदे),

सर्व नरमारिम (छिंद-छिन्दे भिंद-भिंदे),

सर्व गजमारिम(छिंद-छिन्दे भिंद-भिंदे),

सर्व अश्वमारिम (छिंद-छिन्दे भिंद-भिंदे),

सर्वगोमारिं (छिंद-छिन्दे भिंद-भिंदे),

सर्व महिष मारिम (छिंद-छिन्दे भिंद-भिंदे),

सर्व धान्यमारिम (छिंद-छिन्दे भिंद-भिंदे),

सर्व वृक्ष मारिम (छिंद-छिन्देभिंद-भिंदे),

सर्व गल-मारिम (छिंद-छिन्दे भिंद-भिंदे),

सर्व पत्र मारिम(छिंद-छिन्दे भिंद-भिंदे),

सर्व पुष्पमारिम (छिंद-छिन्दे भिंद-भिंदे),

सर्वफल मारिम (छिंद-छिन्दे भिंद-भिंदे),

सर्व राष्ट्र मारिम (छिंद-छिन्देभिंद-भिंदे),

सर्व देशमारिम (छिंद-छिन्दे भिंद-भिंदे),

सर्व विषमारिम(छिंद-छिन्दे भिंद-भिंदे),

सर्व वेताल-शाकिनी भयं (छिंद-छिन्दे भिंद-भिंदे),

सर्व वेदानीयम (छिंद-छिन्दे भिंद-भिंदे),

सर्व मोह्नीयम (छिंद-छिन्देभिंद-भिंदे),

सर्व कर्माष्टकं (छिंद-छिन्दे भिंद-भिंदे),

ॐ सुदर्शनमहाराज चक्र विक्रम तेजोबल-शौर्यवीर्य

शांतिम कुरु कुरु,

सर्व-जन-आनन्दम कुरु कुरु,

सर्व-भव्यानन्दनं कुरु कुरु,

सर्व-गोकुल-नन्दनं कुरु कुरु,

सर्व-ग्राम-नगर-खेट-कर्वट-मटम्ब-पत्तन-द्रोणमुख-संवहानन्दनं कुरु कुरु,

सर्व-लोक-आनंदानं कुरु कुरु,

सर्व-देश-आनंदानं कुरु कुरु,

सर्व-यजमनान्दनम कुरु कुरु,

सर्व-दुख हन-हन, दह-दह,पच-पच, कूट-कूट शीघ्रम-शीघ्रम |

यत्सुखं-त्रिषु-लोकेषु व्याधिर-व्यसन-वर्जितं |

अभयं क्षेमं-आरोग्यंस्वस्ति-रस्तु विधि-याते

शिवमस्तु | कुल-गोत्र-धन-ध्यानं सदास्तु |

चन्द्रप्रभ-वासुपूज्य-मल्ली-वर्धमान-पुष्पदन्त-शीतल-मुनिसुव्रत-नेमिनाथ-पार्श्वनाथइत्येभ्यो नमः |

(इत्यनेन मन्त्रेण नवग्रह शांत्यार्थम गंधोदक धारा वर्षणं )

निर्मलं निर्मलिकारं, पवित्रं पापनाशनं |

जिनगन्दोतक वन्दे,कर्माष्टकनिवारणम् ||

ॐ नमोsर्हते भगवते श्रीमते प्रक्षिणाशेषदोषकल्मषायदिव्यतेजोमूर्तये नमः | श्री शान्तिनाथाय शान्तिकराय सर्वपापप्रणाष्नायसर्वविघ्नविनाशनाय सर्वरोगोपसर्गाय मृत्यु-विनाशनाय सर्वपरकृतक्षुद्रोपद्रवविनाशनाय सर्व क्षामडामर विनाशनाय | ॐ ह्रां ह्रीं ह्रुं ह्रों ह्रः असिआउसा अर्हंनमः सर्वशान्ति कुरु कुरु वषट् स्वाहा |

|| इति महाशान्तिमन्त्र ||

Aditya Hridaya Stotra आदित्य हृदय स्तोत्र ★ विनियोगः ★

ॐ अस्य आदित्य हृदयस्तोत्रस्यागस्त्यऋषिरनुष्टुपछन्दः, आदित्येहृदयभूतो भगवान ब्रह्मा देवता निरस्ताशेषविघ्नतया ब्रह्मविद्यासिद्धौ सर्वत्र जयसिद्धौ च

विनियोगः ।। ★ ध्यानम् ★

नमस्सवित्रे जगदेक चक्षुसे

जगत्प्रसूति स्थिति नाशहेतवे

त्रयीमयाय त्रिगुणात्म धारिणे

विरिञ्चि नारायण शङ्करात्मने

★

ततो युद्ध परिश्रान्तं समरे चिन्तया स्थितम् ।

रावणं चाग्रतो दृष्ट्वा युद्धाय समुपस्थितम् ॥ 1 ॥

दैवतैश्च समागम्य द्रष्टुमभ्यागतो रणम् ।

उपागम्या-ब्रवीद्रामं अगस्त्यो भगवान् ऋषिः ॥ 2 ॥

राम राम महाबाहो शृणु गुह्यं सनातनम् ।

येन सर्वानरीन् वत्स समरे विजयिष्यसि ॥ 3 ॥

आदित्य हृदयं पुण्यं सर्वशत्रु विनाशनम् ।

जयावहं जपेन्नित्यं अक्षय्यं परमं शिवम् ॥ 4 ॥

सर्वमङ्गल माङ्गल्यं सर्व पाप प्रणाशनम् ।

चिन्ताशोक प्रशमनं आयुर्वर्धन मुत्तमम् ॥ 5 ॥

रश्मिमन्तं समुद्यन्तं देवासुर नमस्कृतम् ।

पूजयस्व विवस्वन्तं भास्करं भुवनेश्वरम् ॥ 6 ॥

सर्वदेवात्मको ह्येष तेजस्वी रश्मिभावनः ।

एष देवासुर गणान् लोकान् पाति गभस्तिभिः ॥ 7 ॥

एष ब्रह्मा च विष्णुश्च शिवः स्कन्दः प्रजापतिः ।

महेन्द्रो धनदः कालो यमः सोमो ह्यपां पतिः ॥ 8 ॥

पितरो वसवः साध्या ह्यश्विनौ मरुतो मनुः ।

वायुर्वह्निः प्रजाप्राणः ऋतुकर्ता प्रभाकरः ॥ 9 ॥

आदित्यः सविता सूर्यः खगः पूषा गभस्तिमान् ।

सुवर्णसदृशो भानुः हिरण्यरेता दिवाकरः ॥ 10 ॥

हरिदश्वः सहस्रार्चिः सप्तसप्ति-र्मरीचिमान् ।

तिमिरोन्मथनः शम्भुः त्वष्टा मार्ताण्डकोंऽशुमान् ॥ 11 ॥

हिरण्यगर्भः शिशिरः तपनो भास्करो रविः ।

अग्निगर्भोऽदितेः पुत्रः शङ्खः शिशिरनाशनः ॥ 12 ॥

व्योमनाथ स्तमोभेदी ऋग्यजुःसाम-पारगः ।

घनावृष्टि रपां मित्रः विन्ध्यवीथी प्लवङ्गमः ॥ 13 ॥

आतपी मण्डली मृत्युः पिङ्गलः सर्वतापनः ।

कविर्विश्वो महातेजा रक्तः सर्वभवोद्भवः ॥ 14 ॥

नक्षत्र ग्रह ताराणां अधिपो विश्वभावनः ।

तेजसामपि तेजस्वी द्वादशात्मन्-नमोऽस्तु ते ॥ 15 ॥

नमः पूर्वाय गिरये पश्चिमायाद्रये नमः ।

ज्योतिर्गणानां पतये दिनाधिपतये नमः ॥ 16 ॥

जयाय जयभद्राय हर्यश्वाय नमो नमः ।

नमो नमः सहस्रांशो आदित्याय नमो नमः ॥ 17 ॥

नम उग्राय वीराय सारङ्गाय नमो नमः ।

नमः पद्मप्रबोधाय मार्ताण्डाय नमो नमः ॥ 18 ॥

ब्रह्मेशानाच्युतेशाय सूर्यायादित्य-वर्चसे ।

भास्वते सर्वभक्षाय रौद्राय वपुषे नमः ॥ 19 ॥

तमोघ्नाय हिमघ्नाय शत्रुघ्नाया मितात्मने ।

कृतघ्नघ्नाय देवाय ज्योतिषां पतये नमः ॥ 20 ॥

तप्त चामीकराभाय वह्नये विश्वकर्मणे ।

नमस्तमोऽभि निघ्नाय रुचये लोकसाक्षिणे ॥ 21 ॥

नाशयत्येष वै भूतं तदेव सृजति प्रभुः ।

पायत्येष तपत्येष वर्षत्येष गभस्तिभिः ॥ 22 ॥

एष सुप्तेषु जागर्ति भूतेषु परिनिष्ठितः ।

एष एवाग्निहोत्रं च फलं चैवाग्नि होत्रिणाम् ॥ 23 ॥

वेदाश्च क्रतवश्चैव क्रतूनां फलमेव च ।

यानि कृत्यानि लोकेषु सर्व एष रविः प्रभुः ॥ 24 ॥

★

फलश्रुतिः

एन मापत्सु कृच्छ्रेषु कान्तारेषु भयेषु च ।

कीर्तयन् पुरुषः कश्चिन्नावशीदति राघव ॥ 25 ॥

पूजयस्वैन मेकाग्रः देवदेवं जगत्पतिम् ।

एतत् त्रिगुणितं जप्त्वा युद्धेषु विजयिष्यसि ॥ 26 ॥

अस्मिन् क्षणे महाबाहो रावणं त्वं वधिष्यसि ।

एवमुक्त्वा तदागस्त्यो जगाम च यथागतम् ॥ 27 ॥

एतच्छ्रुत्वा महातेजाः नष्टशोकोऽभवत्-तदा ।

धारयामास सुप्रीतः राघवः प्रयतात्मवान् ॥ 28 ॥

आदित्यं प्रेक्ष्य जप्त्वा तु परं हर्षमवाप्तवान् ।

त्रिराचम्य शुचिर्भूत्वा धनुरादाय वीर्यवान् ॥ 29 ॥

रावणं प्रेक्ष्य हृष्टात्मा युद्धाय समुपागमत् ।

सर्वयत्नेन महता वधे तस्य धृतोऽभवत् ॥ 30 ॥

अध रविरवदन्निरीक्ष्य रामं मुदितमनाः परमं प्रहृष्यमाणः ।

निशिचरपति सङ्क्षयं विदित्वा सुरगण मध्यगतो वचस्त्वरेति ॥ 31 ॥

★

इत्यार्षे श्रीमद्रामायणे वाल्मिकीये आदिकाव्ये युद्धकाण्डे पञ्चाधिक शततमः सर्गः ॥

★

Pratah Smarami Stotra प्रातः स्मरामि स्तोत्र ★

प्रातः स्मरामि हृदि संस्फुरदात्मतत्त्वं

सच्चित्सुखं परमहंसगतिं तुरीयम् ।

यत्स्वप्नजागरसुषुप्तिमवैति नित्यं

तद्ब्रह्म निष्कलमहं न च भूतसङ्घः ॥१॥

प्रातर्भजामि मनसा वचसामगम्यं

वाचो विभान्ति निखिला यदनुग्रहेण ।

यन्नेतिनेतिवचनैर्निगमा अवोचं_

स्तं देवदेवमजमच्युतमाहुरग्र्यम् ॥२॥

प्रातर्नमामि तमसः परमर्कवर्णं

पूर्णं सनातनपदं पुरुषोत्तमाख्यम् ।

यस्मिन्निदं जगदशेषमशेषमूर्तौ

रज्ज्वां भुजङ्गम इव प्रतिभासितं वै ॥३॥

श्लोकत्रयमिदं पुण्यं लोकत्रयविभूषणम् ।

प्रातःकाले पठेद्यस्तु स गच्छेत्परमं पदम् ॥४॥ ★

Buddhist Meditation Mantra बौद्ध ध्यान मन्त्र 108 times

"ॐ मणि पद्मे हुं" ~

मूल रूप से तिब्बती बौद्धों द्वारा उपयोग किया जाने वाला एक पारंपरिक ध्यान मंत्र है। यह तनाव और चिंता को कम करने के लिए दयालु ऊर्जा के चैनल की तरह काम करता है।

मंत्र के लिखित रूप को पढ़ने से भी यही प्रभाव पड़ता है। तो, इस ध्यान मंत्र को अपनी जेब में और अपने दिमाग में रखें।

Rishabhdev Stuti ऋषभदेव स्तुति ★

ऋषभ नमस्कृत्य, तस्यानंतगुणेष्वपि। स्वल्पगुणान् समादाय, भक्तया मोदात् स्तवीम्यहम् ।।१ ।।

महाबलं नुमो नित्य मतुल्यबलधारिणम्।

जन्मातिशयसंयुक्त- मादिनाथं शिवाप्तये ।।२।।

अतीव सुंदरं रूपं, धारयन् वृषभेश्वरः।

ललितांगो जयत्वत्र, स्वात्मसौंदर्यवानपि।।३।।

वज्रवत्स्थिरजंघाय, श्रेष्ठसंहननाय ते।

नमोऽस्तु वज्रजंघाय, ऋषभाय स्वशक्तये।।४ ।।

अर्यते गुणवद्भिर्यो ऽसावार्यः ऋषभो जिनः।

पूज्यस्तस्मै नमो नित्यं, नानर्धिंगुणप्राप्तये।।५।।

अन्तर्लक्ष्मीधरोऽनन्त गुणी बाह्यविभूतिमान्।

समवादिसृतेर्भर्ता, श्रीधराय नमोऽस्तु ते।।६।।

तीर्थकृत्प्रकृतिः सुष्ठु, तां बद्धवा तीर्थनायकः।

युगादावादिब्रह्मा यस्तस्मै सुविधये नमः ।।७।।

अच्युतो मरणातीतो, न च्युतो नहि जायते।

तस्य चेन्द्रो 'जिनेन्द्र:' स्यात्, तस्मै नित्यं नमोऽस्तु मे।।८ ||

समचतुष्कसंस्थानं, दधानो वजनाभिभाक्।

तस्मै नमोऽस्तु मे नित्यं, वजनाभिजिनेशिने ||९||

संपूर्णार्थस्य संसिद्धि- जाता यस्य जिनेशिनः । सर्वार्थसिद्धिजं देवं, तं स्तुमः स्वार्थसिद्धये।।१० ।।

पंचकल्याणकं वंदे, तीर्थेशां सर्वसौख्यदम्।

केवलमेककल्याणं, याचेऽहं देव! देहि मे।।११ |।

गर्भवासमहद्दुःखाद्, भीत्याहं तद्विमुक्तये।

गर्भकल्याणकं स्तौमि, तीर्थेशामपुनर्भुवाम् ।।१२ । ।

तीर्थकर्तृजिनेन्द्राणां, जन्मकल्याणकं नुवे।

पुनर्जन्म न मे भूयात्, याञ्चा एकैव त्वत्प्रभोः।।१३ । ।

विश्वदाष्ट्रे जगद्भतरे, ऋषभाय नमो नमः |

सर्वा विद्याकला यस्मा दाविर्भूता महीतले।। १४ ।।

नमामि पुरुदेवस्य, दीक्षाकल्याणकं मुदा।

यतो दीक्षाफलं लप्स्ये, शीघ्रं भक्तिप्रसादतः । ।१५ ||

युगादौ मुनिचर्या यः, चांद्रीचर्यां प्रदर्शयन् ।

प्रथमाहारलाभं सः, समाप्नोत् हस्तिनापुरे।।१६ ।।

तं ऋषभेश्वरं नौमि, तृतीयामक्षयामपि ।

हस्तिनागपुरं तीर्थ, स्तवीमि भक्तितोऽधुना।।१७ ।।

केवलज्ञानकल्याणं, प्राप्नोत् यो घातिकर्मभित्।

केवलज्ञानप्राप्त्यर्थं, केवलं ते नमो नमः ||१८||

प्रभोः ऋषभदेवस्य, दिव्यध्वनिं नमाम्यहम् ।

यत्प्रसादेन सोऽद्यापि, मोक्षमार्गः प्रवर्तते।।१८ ।।

सर्वकर्मविनिर्मुक्तः प्राप्नोत् सिद्धालयं प्रभुः ।

तल्लोकार्यगमनार्थं, तस्मै मेऽनन्तशो नमः | ।२०।।

युगादौ दर्शिता मोक्ष, मार्गस्य या परंपरा । साद्यावध्यपि लोकेऽस्मिन्, वर्तते तां श्रयाम्यहम्।।२१ |।

भरतं चक्रिणं नौमि, स्वात्मानं भावयन्नसौ।

दीक्षामादाय कैवल्यं, क्षणे लेभे जिनोऽभवत् ।।२२ । ।

श्रीवृषभादिवीरान्ताश्चतुर्विंशतयो जिनाः। सर्वसौख्यप्रदातारः, कुर्वन्तु मम मंगलम् ।।२३ ।।

शासनाधिपतिं देवं, महावीरं नमाम्यहम् ।

अहिंसा शासनं यस्य, सार्वमद्यापि वर्तते ।।२४ । ।

प्रथमं तीर्थकर्तारं, वंदे भक्तयाप्यनन्तशः।

युष्मद् भक्तिः सदा मह्यं, दद्यात् ज्ञानमती श्रियम् ।।२५।।

Shambhu Stuti शम्भु स्तुति ★ नमामि शम्भुं पुरुषं पुराणं

नमामि सर्वज्ञमपारभावम् ।

नमामि रुद्रं प्रभुमक्षयं तं

नमामि शर्वं शिरसा नमामि ॥१॥ नमामि देवं परमव्ययंतं

उमापतिं लोकगुरुं नमामि ।

नमामि दारिद्रविदारणं तं

नमामि रोगापहरं नमामि ॥२॥ नमामि कल्याणमचिन्त्यरूपं

नमामि विश्वोद्ध्वबीजरूपम् ।

नमामि विश्वस्थितिकारणं तं

नमामि संहारकरं नमामि ॥३॥ नमामि गौरीप्रियमव्ययं तं

नमामि नित्यंक्षरमक्षरं तम् ।

नमामि चिद्रूपममेयभावं

त्रिलोचनं तं शिरसा नमामि ॥४॥नमामि कारुण्यकरं भवस्या

भयंकरं वापि सदा नमामि ।

नमामि दातारमभीप्सितानां

नमामि सोमेशमुमेशमादौ ॥५॥ नमामि वेदत्रयलोचनं तं

नमामि मूर्तित्रयवर्जितं तम् ।

नमामि पुण्यं सदसद्व्यातीतं

नमामि तं पापहरं नमामि ॥६॥ नमामि विश्वस्य हिते रतं तं

नमामि रूपापि बहुनि धत्ते ।

यो विश्वगोप्ता सदसत्प्रणेता

नमामि तं विश्वपतिं नमामि ॥७॥ यज्ञेश्वरं सम्प्रति हव्यकव्यं

तथागतिं लोकसदाशिवो यः ।

आराधितो यश्च ददाति सर्वं

नमामि दानप्रियमिष्टदेवम् ॥८॥ नमामि सोमेश्वरंस्वतन्त्रं

उमापतिं तं विजयं नमामि ।

नमामि विघ्नेश्वरनन्दिनाथं

पुत्रप्रियं तं शिरसा नमामि ॥९॥ नमामि देवं भवदुःखशोक

विनाशनं चन्द्रधरं नमामि ।

नमामि गंगाधरमीशमीड्यं

उमाधवं देववरं नमामि ॥१०॥ नमाम्यजादीशपुरन्दरादि

सुरासुरैरर्चितपादपद्मम् ।

नमामि देवीमुखवादनानां

ईक्षार्थमक्षित्रितयं य ऐच्छत् ॥११॥ पंचामृतैर्गन्धसुधूपदीपैः

विचित्रपुष्पैर्विविधैश्च मन्त्रैः ।

अन्नप्रकारैः सकलोपचारैः

सम्पूजितं सोममहं नमामि ॥१२॥ ★

Naam Ramayanam नाम रामायणम्

Shanti Bhakti | शांतिभक्तिः।।

(श्री पूज्यपादाचार्य कृत) ★

न स्नेहाच्छरंण प्रयान्ति भगवन! पादद्वयं ते प्रजाः।

हेतुस्तत्र विचित्रदुःखनिचयः, संसारघोरार्णवः ।। अत्यन्तस्फुरदुग्ररश्मिनिकर- व्याकीर्ण-भूमण्डलो। |

ग्रैष्मः कारयतीन्दुपादसलिल- च्छायानुरागं रविः।।१।।

क्रूद्धाशीर्विषदष्टदुर्जयविष- ज्वालावलीविक्रमो। विद्याभैषजमन्त्रतोयहवनै- र्याति प्रशांतिं यथा।। तद्वत्ते चरणारुणांबुजयुग स्तोत्रोन्मुखानां नृणाम्। विघ्नाः कायविनायकाश्च सहसा, शाम्यन्त्यहो! विस्मयः ।।२ । ।

संतप्तोत्तमकांचनक्षितिधरश्रीस्पदर्धिगौरद्युते!

पुंसां त्वच्चरणप्रणामकरणात्, पीडाः प्रयान्ति क्षयं ।।

उद्यद्भास्करविस्फुरत्करशत- व्याघातनिष्कासिता । नानादेहिविलोचनद्युतिहरा, शीघ्रं यथा शरवरी।।३ ।।

त्रैलोक्येश्वरभंगलब्ध विजयादत्यन्तरौद्रात्मकान्। नानाजन्मशतान्तरेषु पुरतो, जीवस्य संसारिणः।।

को वा प्रस्खलतीह केन विधिना, कालोग्रदावानलान् । नस्याच्चेत्तव पादपद्मयुगल- स्तुत्यापगावारणम् ।।४ ।।

लोकालोकनिरन्तरप्रवतित ज्ञानैकमूर्ते! विभो! नानारत्नपिनद्धदंडरुचिर- श्र्वेतातपत्रत्रय!।। त्वत्पादद्वयपूतगीतरवतः शीघ्रं द्रवन्त्यामयाः । दर्पाध्मातमृगेन्द्रभीमनिनदाद्वन्या यथा कुञ्जराः । ।५ । ।

दिव्यस्त्रीनयनाभिरामविपुल श्रीमेरुचूणामणे। भास्वद्बालदिवाकर द्युतिहर! प्राणीष्टभामंडल!।। अव्याबाधमचिन्त्यसारमतुलं, त्यक्तोपमं शाश्वतं ।

सौख्यं त्वच्चरणारविंदयुगल- स्तुत्यैव संप्राप्यते।।६।।

यावन्नोदयते प्रभापरिकरः, श्री भास्करो भासयं स्तावद् धारयतीह पंकजवनं, निद्रातिभार श्रमम् ।। यावत्त्वच्चरणद्वयस्य भगवन्न स्यात्प्रसादोदय- स्तावज्जीवनिकाय एष वहति प्रायेण पापं महत् ।।७।।

शांतिं शान्तिजिनेन्द्र! शांतमनसस्त्वत्पादपद्माश्रयात्।

संप्राप्ताः पृथिवीतलेषु बहवः शांत्यर्थिनः प्राणिन।। कारुण्यान्मम भाक्तिकस्य च विभो! दृष्टि प्रसन्नां कुरु । त्वत्पादद्वयदैवतस्य गदतः शांत्यष्टवंह भक्तितः।।८ ।।

शांतिजिनं शशिनिर्मलवक्तं, शीलगुणव्रतसंयमपात्रम्। अष्टशतार्चितलक्षणगात्रं, नौमि जिनोत्तममम्बुजनेत्रम् ।। ।

पंचममीप्सितचक्रधराणां, पूजितमिंद्र-नरेन्द्रगणैश्च। शांतिकरं गणशंतिमभीष्सुः षोडशतीर्थकरं प्रणमामि । ।१० ।।

दिव्यतरुः सुरपुष्पसुवृष्टिर्दुन्दुभिरासनयोज नघोषौ। आतपवारणचामरयुग्मे, यस्य विभाति च मंडलतेजः ।।११ |

तं जगदर्चितशांतिजिनेन्द्र, शांतिकरं शिरसा प्रणमामि । सर्वगणाय तु यच्छुत शांति, मह्यमरं पठते परमां च।।१२ |।

येभ्यर्चिता मुकुटबुंहडलहाररत्नैः, शक्रादिभिः सुरगणैः स्तुतपादपद्माः ।

ते मे जिनाः प्रवरवंशजगत्प्रदीपाः तीर्थंकराः सततशांतिकरा भवंतु ।।१३ ||

संपूजकानां प्रतिपालकानां, यतीन्द्रसामान्यतपोधनानां । देशस्य राष्ट्रस्य पुरस्य राज्ञः करोति शांतिं भगवान् जिनेन्द्रः ।।१४।।

क्षेमं सर्वप्रजानां, प्रभवतु बलवान् धार्मिको भूमिपालः।

काले काले च सम्यग्वर्षतु मघवा व्याधयो यांतु नाशं ।। दुर्भिक्षं चौरमारी क्षणमपि जगतां, मा स्म भूज्जीवलोके। जैनेन्द्रं धर्मचक्र, प्रभवतु सततं, सर्वसौख्यप्रदायि।।१५ । ।

तद्र्व्यमव्ययमुदेतु शुभः स देशः, संतन्यतां प्रतपतां सततं स कालः।

भावः स नन्दतु सदा यदनुग्रहेण, रत्नत्रयं प्रतपतीह मुमुक्षुवर्गे।।१६ ।।

प्रध्वस्तघातिकर्माणः, केवलज्ञानभास्करा:।

कुर्वन्तु जगतां शांतिं, वृषभाद्या जिनेश्वराः।।१७ ।।

★अंचलिका

इच्छामि भंते! संतिभक्तिकाउस्सग्गो कओ तस्सालोचेउं पंचमहाकल्लाण-संपण्णाणं, अट्टमहापाडिहेरसहियाणं, चउतीसातिसयविशेषसंजुत्ताणं, बत्तीसदेवेंद-मणिमयमउडमत्थ यमहियाणं,

बलदेववासुवेदचक्कहररिसि- मुणिजइअण-गारोवगूढाणं,

थुइसयसहस्सणिलयाणं उसहाइवीरपच्छिममंगलमहापुरि

साणं, णिच्चकालं अंचेमि, पूजेमि, वंदामि,

णमंसामि, दुक्खक्खओ कम्मक्खओ बोहिलाओ सुगइगमणं

समाहिमरणं जिनगुणसंपत्ति होउ मज्झं।

★