Baie luisteraars het die afgelope tyd gekla dat hulle uit die bloute hemelhoë selfoonrekeninge kry, en geen idee het waarom nie. 'n Verbruikerskenner gee raad.

Ná die afgelope beraad van die Wêreld Ekonomiese Forum in Davos, Switserland, is die vierde nywerheidsomwenteling op almal se lippe. Wat behels dit en hoe gaan dit werkgewers en werknemers in Suid-Afrika beïnvloed? En daar word gekyk hoe om slaggate te vermy wanneer jy eiendom uitverhuur.

Suzaan Steyn se gaste praat oor hoe die droogte verbruikers se sak gaan raak, 'n ekonoom waag voorspellings oor wat nog hierdie jaar vir ons voorlê en 'n kenner van begrotings help met maniere waarop ons kan bespaar in die moeilike tye wat wag.

Suzaan Steyn se gaste praat oor die belangrikheid van 'n goeie kredietrekord, hoe dit onregmatig gebruik kan word en hoekom jy jaarliks 'n gratis verslag oor jóúne behoort aan te vra. Hulle kyk ook na hoe jy vanjaar kan spaar.

Suzaan Steyn se gaste luisteraars help om 'n begroting op te stel, hulle praat oor jou regte wanneer skuldinvorderaars op jou bates beslag wil lê, en vind meer uit oor debietorderbedrog.

Suzaan Steyn en haar gaste kyk na van die redes waarom soveel Suid-Afrikaners skuld maak. Hulle gee ook wenke wat jy vanjaar kan volg om van jou skuld ontslae te raak of te voorkom dat jy geldelik in die moeilikheid raak.

Suzaan Steyn kyk na wat indringerplante die verbruiker direk en indirek kos. 'n Kenner verduidelik watter regulasies daar bestaan rondom die verwydering van uitheemse plante op jou eiendom en wat jy hiervoor moet betaal, maar daar is wel 'n bedryf wat baat vind by sommige van die indringerspesies.

Suzaan Steyn praat oor hoe entrepeneurs 'n terugblik op die jaar wat verby is, kan gebruik om hulle onderneming in die toekoms te laat groei. 'n Arbeidspesialis gee al die inligting wat jy moet hê oor die onlangse styging in die minimumlone van huishulpe en tuiniers.

Suzaan Steyn na kredietkaartbedrog kyk na die veilige aankoop van produkte aanlyn. Een van haar gaste praat oor die invloed van die feestyd op die wynbedryf en wat dit vir die verbruiker inhou, en 'n kenner gee belangrike wenke wat jy gerus kan volg voordat jy met vakansie vertrek.

Suzaan Steyn gesels met skuldberaders oor die grootste foute wat verbruikers oor die Kersseisoen maak en hoe hulle dit kan vermy om die nuwe jaar met skuld te begin. 'n Kenner praat ook oor die versteekte kostes van aanlyn inkopies asook die reëls en regulasies wat jy in gedagte moet hou wanneer jy Kersgeskenke oorsee stuur of vandaar af ontvang.