ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​នា​រាត្រី​នេះ គឺ​លោក ពុយ គា អ្នក​ឆ្លើយឆ្លង​ព័ត៌មាន​របស់​ទីភ្នាក់ងារ​ព័ត៌មាន​ជប៉ុន ក្យូ​ដូ ដែល​បាន​តាម​ដាន​ពី​កិច្ច​ប្រជុំ​អាស៊ាន​នៅ​ប្រទេស​ថៃ​។ ...

ភ្ញៀវ​ប្រចាំថ្ងៃ​របស់​យើង​នៅ​រាត្រី​នេះ គឺ​លោក​យ៉ាន់ ធី ដែលជា​អគ្គលេខាធិការ​សហព័ន្ធ​សហជីព​សំណង់ និង ព្រៃឈើ​កម្ពុជា។ ជុំវិញ​គ្រោះថ្នាក់​បាក់​អាគារ​កម្ពស់៧ជាន់​សង្កត់​កម្មករ​ស្លាប់ និង​របួស​ជាច្រើន​នាក់​នៅក្នុង​ខេត្ត​ព្រះសីហនុ លោក​យ៉ាន់ ធី បាន​លើកឡើងថា លោក​មិន​ទទួលយក​បានទេ​ចំពោះ​ការបកស្រាយ​ថា អាគារ​ដែល​បាក់​រលំ​នោះ​មិនមាន​ច្បាប់​អនុញ្ញាតឱ្យ​សាងសង់។ តែ​យ៉ាងណាមិញ លោក​បាន​អះអាងថា ការបកស្រាយ​បែបនេះ​របស់​អាជ្ញាធរ​ក្រោយ​កើតមាន​គ្រោះថ្នាក់​មិនមែនជា​រឿង​ថ្មីថ្មោង​នោះទេ។

ភ្ញៀវ​ប្រ​ចាំ​ថ្ងៃ​របស់​វិទ្យុ​បារាំង​អន្តរ​ជាតិ​RFI​នៅ​រាត្រី​នេះ ​គឺ​ លោក​ យាង​ សុធារិន​ ហៅ​យាង ​សុជាមេត្តា ​អតីត​អ្នក​យក​ព័ត៌​មាន​វិទ្យុ​អាស៊ី​សេរី​។​ លោក​ចូល​ខ្លួន​មក​បក​ស្រាយ​ជុំវិញ​សវនាការ​របស់​សាលា​ឧទ្ធរណ៍នៅ​ថ្ងៃ​នេះ​ដែល​បាន​បដិសេធ​លើ​បណ្តឹង​របស់​លោក ​និង​ លោក​ អ៊ួន​ ឈិន​។​ ជា​បណ្តឹង​ដែល​បាន​ស្នើ​ឲ្យ​តុលា​ការ​ជាន់​ខ្ពស់​មួយ​នេះ​ ទម្លាក់​ចោល​នូវ​លក្ខ​ខណ្ឌ​នៃ​ការ​ដាក់​ពួក​លោក​ឲ្យ​ស្ថិត​ក្រោម​ការ​ត្រួត​ពិនិត្យ​តាម​ផ្លូវ​តុលា​ការ​ និង​ស្នើឲ្យ​តុលាការ​ប្រគល់​សំភារៈ​ដែល​សមត្ថកិច្ច​រឹប​អូស​យក​ពេល​ចាប់​ខ្លួន​នោះ ​ប្រ​គល់​ឲ្យ​អ្នក​ទាំង​ពីរ​វិញ​។

បញ្ហា​ប្រឈម​របស់​កសិករ​ខ្មែរ គឺ​ការ​ផលិត​បាន​ផលិត​ផល​ហើយ​មិន​មាន​ទីផ្សារ​។ បញ្ហា​នេះ លោក​ឧកញ៉ា ហ៊ុន ឡាក់ អនុ​ប្រធាន​សហព័ន្ធ​ស្រូវ​អង្ករ​កម្ពុជា និង​ជា​នាយក​ក្រុម​ហ៊ុន Long Mete Agriculture co, Ltd ដែល​ទំលាក់​ដៃ​ខាង​ស្រូវ​អង្ករ​បន្តិច ហើយ​បាន​ចាប់​អារម្មណ៍​វិនិយោគ​ទៅ​លើ​ដំណាំ​កសិកម្ម​ហូប​ផ្លែ​នាំ​ទៅ​កាន់​ប្រទេស​ចិន លើក​ឡើង​ថា ការ​ធ្វើ​កសិកម្ម​នៅ​ក្នុង​ប្រទេស​កម្ពុជា​បច្ចុប្បន្ន​នេះ មិន​អាច​ធ្វើ​ទៅ​តាម​ទំលាប់​បាន​ទេ គឺ​ចាំ​បាច់​តម្រូវ​ទៅ​តាម​ទីផ្សារ​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​RFIនៅ​រាត្រីនេះ គឺលោក ស្រ៊ុន ពៅ ប្រធាន​សមាគម​អ្នក​ចិញ្ចឹម​សត្វកម្ពុជា។ សមាគម​នេះ​កំពុងតែ​បារម្ភ​ពីជំងឺ​ប៉េស្ត​ជ្រូក​អាហ្វ្រិក​ដែល​កំពុង​ផ្ទុះ​នៅ​ប្រទេស​វៀតណាម​ ដែល​អាច​ឆ្លង​ចូល​មក​កម្ពុជា ខណៈ​នៅ​តែ​មាន​ការ​លួច​នាំ​ចូល​ជ្រូក​រស់​ដោយ​ខុស​ច្បាប់​ពី​ប្រទេស​ជិត​ខាង​មួយ​នេះ​នៅ​តែ​បន្ត​កើត​មាន​រាល់​ថ្ងៃ​។ បើ​តាម ​លោក ស្រ៊ុន ពៅ ​ កម្ពុជា​នៅ​តែ​ខ្វះ​សាច់​ជ្រូក​ច្រើន​ឆ្នាំ​ទៀត​ ខណៈ​ជំងឺ​ប៉េស្ត​ជ្រូក​អាហ្វ្រិក​កំពុង​គំរាម​កំហែង​ដល់​កម្ពុជា​។

កិច្ច​ប្រជុំ​លើក​ទី​១០៨​ នៃ​សន្និសីទ​អន្តរ​ជាតិ​ខាង​ការ​ងារ​នៅ​ទីក្រុង​ហ្សឺ​ណែវ​ ​ប្រ​ទេស​ស្វ៊ីស ​កំពង់​ប្រព្រឹត្ត​ទៅ​មិនទាន់​ចប់​នៅឡើយ​។ ​លោក ​អាត់ ធន់​ ប្រធាន​សភាព​ការងារ​កម្ពុជា ​ដែល​បាន​ចូលរួម​នៅ​ទីក្រុង​ហ្សឺណែវ​ដែរ​នោះ​ បាន​ឲ្យដឹង​ថា​កិច្ច​ប្រជុំ​របស់​អង្គការ​ ILO​ ឆ្នាំ​នេះ ​កម្ពុជា​បាន​រួចផុត​ពី​ការ​លើក​ទៅ​ធ្វើ​សវនាការ​ពេញអង្គ​របស់​អង្គ​សន្និសីទ​ ដោយសារ​ប្រទេស​នេះ​បាន​សន្យា​ថា​ធ្វើការ​កែប្រែ​ចំណុច​សំខាន់​ៗ​មួយ​ចំនួន ​ដែល​ទាក់ទង​ទៅនឹង​ការងារ​ក្នុង​ប្រទេស​កម្ពុជា​។

ភ្ញៀវប្រចាំថ្ងៃ​របស់​វិទ្យុ​បារាំង​អន្តរជាតិRFIនៅរាត្រីនេះ គឺ លោក ឯក សុវណ្ណា ជាសមាជិកគណៈកម្មការក្រុមស្នួលរបស់បណ្តាញ​សហគមន៍ព្រៃឡង់ប្រចាំខេត្តក្រចេះ។ បណ្តាញ​សហគមន៍​ព្រៃឡង់ដែលបានចេញ​សេចក្តី​ថ្លែងការណ៍មួយដោយ​បារម្ភ ពីការ​កាប់​ឈើ​ក្នុង​តំបន់​ព្រៃ​ឡង់​ ថាមានការ​កើន​ឡើង​យ៉ាង​ខ្លាំង​ ហើយ​អំពាវនាវ​ឲ្យ​អាជ្ញាធរ​ពាក់ព័ន្ធ​មាន​វិធានការ​ជាបន្ទាន់។

ការ​វិនិយោគ​ផ្នែក​អចលន​ទ្រព្យ​ពី​សំណាក់​វិនិយោគ​ចិន បាន​រីក​សាយ​ភាយ​ទៅ​ដល់​បណ្ដាល​ខេត្ត​ផ្សេង​ទៀត ក្រៅ​ពី​ខេត្ត​ព្រះសីហនុ ដូចជា​ខេត្តសៀមរាប និង​បាត់​ដំបង​ជា​ដើម។ ខណៈ​ការ​វិនិយោគ​នេះ​ផ្ដល់​ផល​ចំណេញ​ផ្នែក​សេដ្ឋកិច្ច អ្នក​ជំនាញ​ផ្នែក​អចល​នទ្រព្យ​បាន​រំឮក​រដ្ឋាភិបាល​ឲ្យ​ការ​ប្រុងប្រយ័ត្ន​ឲ្យ​បាន​ខ្ពស់​ចំពោះ​ផលប៉ះពាល់​ផ្នែក​សង្គម​ផង​ដែរ។

រដ្ឋសភាជាតិ​កម្ពុជា​មិនទាន់បាន​សម្រេច​យ៉ាងណា​នៅឡើយ​ទេ​ចំពោះ​ការស្នើ​សុំឱ្យ​កោះហៅ​មន្ត្រី​រដ្ឋាភិបាល​ទៅ​បំភ្លឺ​ឱ្យបាន​ច្បាស់​ពី​គម្រោង​អភិវឌ្ឍ​បឹង​តា​មោក​របស់​គណបក្ស​ប្រជាធិបតេយ្យ​មូលដ្ឋាន(GDP)។ លោក​ឡឹ​ក សុធារ អ្នកនាំពាក្យ​គណបក្ស​ប្រជាធិបតេយ្យ​មូលដ្ឋាន​មិនអាច​វាយតម្លៃ​ដឹង​ពី​ការសម្រេច​របស់​រដ្ឋសភា​ជា តិ​នោះឡើយ។ ប៉ុន្តែ តាមរយៈ​បទសម្ភាសន៍​នៅក្នុង​នាទី​ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ​នៅ​រាត្រី​នេះ លោក​ឡឹ​ក សុធារ សង្ឃឹមថា រដ្ឋសភាជាតិ​នឹង​ដើរតួនាទី​ជួយ​ជំរុញ​ដល់​រដ្ឋាភិបាល​ឱ្យធ្វើ​ការ​ដោយ​តម្លាភាព​ចំពោះ​គម្រោង​អភិវឌ្ឍ​បឹង​តា​មោក។

ជំងឺ​គ្រុន​ឈាម រហូត​មក​ទល់​ពេល​នេះ​គឺ​រយៈ​ពេល​២០​សប្តាហ៍ បាន​កើត​ឡើង​ជាង​៩ពាន់​ករណី​ហើយ​នៅទូទាំង​ប្រទេស ដោយ​ធ្វើ​ឲ្យ​មនុស្ស​ស្លាប់​ចំនួន​១៥​នាក់ និង​បាន​កើន​ឡើង​៤ដង​ធៀប​នឹង​រយៈ​ពេល​ដូច​គ្នា​នៃ​ឆ្នាំ​២០១៨​។ លោក វេជ្ជ​បណ្ឌិត ហ៊ុយ រ៉េកុល ប្រធាន​មជ្ឈ​មណ្ឌល​ជាតិ​ប្រយុទ្ធ​នឹង​ជំងឺ​គ្រុន​ឈាម ប៉ារ៉ាស៊ីត​សាស្ត្រ និង​បាណក​សាស្ត្រ បាន​ថ្លែង​ថា​ជំងឺ​គ្រុន​ឈាម​នៅ​ឆ្នាំ​២០១៩​នេះ នឹង​កើន​ឡើង​រហូត​ដល់​ប្រមាណ​ជា​៥ម៉ឺន​ករណី​។ តាម​លោកវេជ្ជបណ្ឌិត ហ៊ុយ រ៉េកុល ឆ្នាំ​២០១៩​នេះ​គឺ​ជា​វដ្ត​នៃ​ការ​ផ្ទុះ​រាល​ដាល នៃ​ជំងឺ​គ្រុន​ឈាម មិន​ចំពោះ​តែ​ប្រទេស​កម្ពុជា​ទេ គឺ​នៅ​អាស៊ី​ប៉ាស៊ីហ្វិក​ទាំង​មូល​។