ភ្ញៀវ​ប្រចាំ​ថ្ងៃ​របស់​វិទ្យុ​យើង​នា​រាត្រី​នេះ គឺ​លោក​ស្រី សូ ភីណា អ្នក​គ្រប់​គ្រង​​គម្រោង វីរជន​សិល្បៈ នៃ​អង្គការ​សិល្បៈ​ខ្មែរ​អមតៈ​។ គម្រោង​វីរជន​សិល្បៈ ត្រូវ​បាន​បង្កើត​ឡើង​ក្នុង​បំណង​ស្វែង​រកអ្នក​ដែល​​បាន​លះ​បង់​កម្លាំង​កាយ​ចិត្ត​និង​ពេល​វេលា ជួយ​គាំទ្រ​សិល្បៈ​វប្បធម៌​នៅតាម​បណ្ដា​ខេត្ត​នានា ទូទាំង​ប្រទេស​កម្ពុជា​។ គឺ​អ្នក​ទាំងនេះ​ហើយ ដែល​លោក​ស្រី សូ ភីណា អះអាង​​ថា ជា​បុគ្គល​ដែល​មាន​គុណ​បំណាច់​ក្នុង​ការ​ថែ​រក្សា ធ្វើ​ឲ្យ​សិល្បៈខ្មែរ​​មាន​ជីវិត​ឡើង​វិញ ក្រោយ​ការ​ដួល​រលំ​នៃ​របបខ្មែរ​ក្រហម​។ លោក​ស្រី សូ ភីណា យល់​ឃើញ​ថា វា​ជា​ការ​ចាំ​បាច់ ដែល​យុវជន​ខ្មែរ​ជំនាន់​ក្រោយ ត្រូវ​ស្គាល់ និង​ដឹង​គុណ វីរជន​សិល្បៈ​ទាំង​នេះ​។

អ្នក​នាំ​ពាក្យ​ក្រសួង​ការពារ​ជាតិ​កម្ពុជា នាយ​ឧត្តម​សេនីយ៍ ឈុំ សុជាតិ បាន​លើក​ឡើង​ថា ព័ត៌មាន ដែល​មាន​ការ​ចោទ​ប្រកាន់​ថា​ក្រសួង​ការពារ​ជាតិ​កម្ពុជា​បដិសេធ​ការ​ស្នើ​របស់​សហរដ្ឋអាមេរិក​ជួយ​ជួស​ជុល​អគារ​ហ្វឹក​ហ្វឺន​មូល​ដា្ឋន​កង​ទ័ព​រាម​គឺ​ជា​ការ​មិន​ពិត។ ប្រតិកម្ម​របស់​ក្រសួង​ការពារ​ជាតិ​កម្ពុជា បាន​ធ្វើ​ឡើង​បន្ទាប់​ពី​មាន​ការ​ចុះ​ផ្សាយ​ថា លោក Joseph Felterឧបការី​រង​រដ្ឋ​មន្ត្រី​ការពារ​ជាតិ​អាមេរិក​ ទទួលបន្ទុក​ភូមិភាគ​អាស៊ី​ខាងត្បូង​ ​និង​អាស៊ី​អាគ្នេយ៍ ​ ​បាន​សរសេរ​លិខិត​មួយ​ច្បាប់​ ​ទាមទារ​ឲ្យ​កម្ពុជា​ពន្យល់​លម្អិត​អំពី​មូលហេតុ​ ​ដែលបដិសេធ​សហរដ្ឋ​អាមេរិក​ ​ជួយ​ជួសជុល​កែលម្អ​បរិវេណ​នៅ​មូលដ្ឋាន​កងទ័ព​ជើងទឹក​រាម ក្នុងខេត្តព្រះសីហនុ។

នៅ​ព្រឹក​មិញ​នេះ សាលា​បង្រៀន​កុមារ​ពិការ​ភ្នែក និង គ ថង់ ត្រូវ​បាន​ផ្ទេរ​ការ​គ្រប់​គ្រង​ពី​អង្គការ​គ្រួសារ​ថ្មី​ទៅ​ឱ្យ​ក្រសួង​អប់រំ យុវជន និង​កីឡារ​ជា​ផ្លូវ​ការ​ហើយ​។ ដូច្នេះ នៅ​រាត្រី​នេះ លោក​គ្រូ​នាង ផល្លា នាយិកា​សាលា​បង្រៀន​កុមារ​ពិការ​ភ្នែក និង គ ថង់នេះ គឺ​ជា​ភ្ញៀវ​ប្រចាំថ្ងៃ​របស់​យើង។ ឆ្លើយ​តប​នឹង​សំណួរ​របស់​វណ្ណ សុគន្ធា អ្នក​គ្រូ​នាង ផល្លា បាន​លើក​ឡើង​ថា ការ​ផ្ទេរ​ការ​គ្រប់​គ្រង​នេះ​គឺ​ផ្តល់​អត្ថ​ប្រយោជន៍​ច្រើន​ដល់​ការ​អប់រំ​កុមារ​ពិការ​ភ្នែក និង គ ថង់ ជា​ពិសេស គឺ​ផ្តល់​ការ​អប់រំ​ដល់​ពួក​គេ​ឱ្យ​ដូច​នឹង​កុមារ​ធម្មតា​ដែរ​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​នា​រាត្រី​នេះ គឺ លោក​បណ្ឌិត គី សេរីវឌ្ឍន៍ ជា​ប្រធាន​មជ្ឈមណ្ឌល​សិក្សា​ចិន​នៃ​រាជ​បណ្ឌិត្យ​សភា​កម្ពុជា។ ...

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​នៅ​រាត្រី​នេះ ​គឺ​លោក​នេត្រ ភក្រ្តា ​អ្នក​នាំ​ពាក្យ​សាលា​ក្តី​ខ្មែរ​ក្រហម​។ សាលា​ក្តី​ខ្មែរ​ក្រហម​កាល​ពី​ម្សិលមិញ​នេះ ​បាន​ប្រកាស​ឱ្យ​ដឹង​ពី​ការ​ខ្វែង​គំនិត​គ្នា​របស់​សហ​ចៅក្រម​ស៊ើបអង្កេត​ជាតិ​ និង​ អន្តរជាតិ​លើ​សំណុំ​រឿង​លោក​យឹម ទិត្យ​។ ​សហ​ចៅក្រម​ជាតិ​មិន​ចង់​ឱ្យ​ចាត់ការ​ផ្លូវច្បាប់​លើ​លោក​យឹម ទិត្យ​ទេ ​តែ​សហ​ចៅក្រម​អន្តរជាតិ​វិញ​ចង់​ឱ្យ​មាន​ការ​ចោទ​ប្រកាន់​។ ​លោក​នេត្រ ភក្រ្តា ​បាន​អះអាង​ថា ​ករណី​ខ្វែង​គំនិត​គ្នា​នេះ ​អាច​ដោះស្រាយ​បាន​តាម​រយៈ​ការ​ប្តឹង​ទៅ​កាន់​អង្គ​បុរេ​ជំនុំ​ជម្រះ​នៃ​សាលា​ក្តី​ខ្មែរ​ក្រហម​។

ភ្ញៀវប្រចាំថ្ងៃ​របស់​វិទ្យុ​បារាំង​អន្តរជាតិ​RFIនៅរាត្រីនេះ គឺលោក ហង្ស ពុទ្ធា អ្នកនាំពាក្យ​គណៈកម្មាធិ​ការ​ជាតិ​រៀប​ចំការ​បោះឆ្នោត​ហៅ​កាត់​ថា គជប។ គជប នៅថ្ងៃនេះ​បានប្រកាស​ឲ្យ​ពលរដ្ឋដែល​បាន​ចុះ​ឈ្មោះ​កាលពីឆ្នាំ២០១៦​ដល់​ឆ្នាំ​២០១៩នេះ នាំគ្នា​ទៅ​ពិនិត្យ​បញ្ជី​ឈ្មោះ​បោះឆ្នោត​នៅតាម​សាលាឃុំឬសាលាសង្កាត់ដែលសាមីខ្លួនរស់នៅ ដើម្បី​បើកការ​ប្តឹង​តវ៉ាឬប្តឹងជំទាស់​ប្រសិនបើមានការ​បាត់​ឈ្មោះ។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ RFI នា​រាត្រី​នេះ គឺ​លោក ព្រាប កុល នាយក​ប្រតិបត្តិ​នៃ​អង្គការ​តម្លា​ភាព​កម្ពុជា​។ ថ្មី​ៗ​នេះ លោក ព្រាប កុល និង​អ្នក​វិភាគ​នយោបាយ​ល្បី​ឈ្មោះ​មួយ​ចំនួន​ទៀត បាន​បង្កើត​ចលនា​វប្បធម៌​នយោបាយ​ថ្មី​។ ចលនា​វប្បធម៌​នយោបាយ​ថ្មី​នេះ គឺ​ជា​របៀប​ថ្មី ទស្សនៈ​ថ្មី ឥរិយាបថ​ថ្មី និង​ថាមពល​ថ្មី​ នៃ​ការ​ធ្វើ​នយោបាយ​​។ លោក​ព្រាប កុល លើក​ឡើង​ថា ការ​បង្កើត​វប្បធម៌​នយោបាយ​ថ្មី ចាំ​បាច់​សម្រាប់​កម្ពុជា ដើម្បី​ផ្សះផ្សា​ជាតិដែល​បែក​បាក់​ដោយ​សារ​ទម្លាប់​ធ្វើ​នយោបាយ​បែប​ចាស់​គំរិល​របស់​អ្នក​នយោបាយ​ខ្មែរ​បច្ចុប្បន្ន​។ តាម​រយៈ​វិទ្យុ​បារាំង​អន្ដរជាតិ RFI លោក ព្រាប កុល បាន​គូស​បញ្ជាក់បន្ថែម​ទៀត​​ថា វប្បធម៌​នយោបាយ​ថ្មីនេះ មិន​មែន​ជា​ចំណុច​ចាប់​ផ្ដើម​នៃ​គណបក្ស​នយោបាយ​ថ្មី ដូច​ពាក្យ​ចចាម​អារ៉ាម​នោះ​ទេ​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្ដរជាតិ RFI នា​ថ្ងៃនេះ គឺ​លោក តាន់ មុន្នីវិសាល អ្នក​សម្រប​សម្រួល​កម្មវិធី​បណ្ដុះ​បណ្ដាល​និង​ផ្សព្វផ្សាយ​នៃ​មជ្ឈមណ្ឌល​អភិវឌ្ឍន៍​កម្ពុជា។ នៅ​ថ្ងៃ​ស្អែក​នេះ មជ្ឈមណ្ឌល​អភិវឌ្ឍន៍​កម្ពុជា នឹង​រៀបចំ​កម្មវិធី​កិច្ច​សន្ទនា​មួយ​ ក្រោមប្រធាន​បទ ហេតុ​អ្វី​កម្ពុជា​ឧស្សាហកម្ម​ទី​៤​។ តាម​រយៈ​បទ​សម្ភាស​ជាមួយ អ៊ឹម រចនា លោក តាន់ មុន្នីវិសាល បាន​​ពន្យល់​ត្រួស​ៗ​ពី​បដិវត្តន៍​ឧស្សាហកម្ម​ទី៤ និង​ភាព​ចាំ​បាច់​ដែល​កម្ពុជា​ត្រូវ​អភិវឌ្ឍ​ធនធាន​មនុស្ស ដើម្បី​ទទួល​ការ​មក​ដល់​នៃ​បដិវត្តន៍​ឧស្សាហកម្ម​ទី​៤​នេះ​។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​នា​ថ្ងៃ​នេះ គឺ​លោក គួច ចំរើន អភិបាល​ខេត្ត​ព្រះ​សីហនុ។ គួរ​ជម្រាប​ជូន​ថា លោក​នាយក​រដ្ឋ​មន្ត្រី ហ៊ុន សែន បាន​ផ្ដល់​សេចក្ដី​ទុក​ចិត្ត​ដល់ លោក គួច ចំរើន ...

ភ្ញៀវ​ប្រចាំថ្ងៃ​របស់​យើង​នៅ​រាត្រី​នេះ គឺ​លោក​ពេជ្រ ស្រស់ សមាជិក​ឧត្តម​ក្រុម​ប្រឹក្សា​ពិគ្រោះ និង​ផ្តល់​យោបល់ និង ជា​ប្រធាន​គណបក្ស​យុវជន​កម្ពុជា​។ ជុំវិញ​ករណី​លោក​យន្ត មីន អភិបាល​ខេត្ត​ព្រះសីហនុ​លាលែង​ពី​តំណែង លោក​ពេជ្រ ស្រស់ បាន​អះអាង​ថា ជា​ការ​សម្រេច​ចិត្ត​ត្រឹម​ត្រូវ​ក្នុង​ការ​ទទួល​ខុស​ត្រូវ​ចំពោះ​ហេតុការណ៍​បាក់​រលំ​អាគារ​សម្លាប់​មនុស្ស​នៅ​ក្នុង​ខេត្ត​ព្រះ​សីហនុ​។ ជាមួយគ្នា​នេះ លោក​ពេជ្រ ស្រស់ ក៏​បាន​លើក​ឡើង​ថា ករណី​នេះ ក៏​ជា​គំរូ​មួយ​សម្រាប់​អភិបាល​ខេត្ត ក្រុង​ផ្សេង​ទៀត​ផង​ដែរ​។