ប្រធាន​គណបក្ស​ហ្វុ​ន​ស៊ីន​ប៉ិច ​សម្តេច​ក្រុម​ព្រះ​នរោត្តម ​រណឫទ្ធិ ​បាន​មាន​បន្ទូល​ថា ​គណបក្ស​ហ្វុ​ន​ស៊ីន​ប៉ិច​នឹង​ទទួល​យក​អាសនៈ​រដ្ឋសភា ​ដែល​បាន​មក​ពី​ការ​បែងចែក​ដោយ​ច្បាប់ ប្រសិន​បើ​គណបក្ស​សង្គ្រោះ​ជាតិ​ត្រូវ​គេ​រំលាយ​។ ​ប្រធាន​គណបក្ស​រាជានិយម​អង្គ​នេះ ​បញ្ជាក់​ថា​ព្រះអង្គ​ទទួល​យក​ដោយសា​រ​គេ​ផ្តល់​ឲ្យ ​ក៏​ប៉ុន្តែ​ព្រះអង្គ​បដិសេធ ​ការ​ប្តឹង​ផ្តល់​របស់​ហ្វុ​ន​ស៊ីន​ប៉ិច ស្នើ​សុំ​រំលាយ​គណបក្ស​សង្គ្រោះ​ជាតិ ​គឺ​មិនមែន​ដើម្បី​អាសនៈ​សភា​នោះ​ទេ​។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក ផៃ ស៊ី​ផាន រដ្ឋ​លេខាធិ​ការ ​និង​​ជា​​អ្នក​នាំ​ពាក្យ​​ទីស្តី​ការគណៈ​រដ្ឋមន្ត្រី​។ ​ឆ្លើយតប​​ទៅ​នឹង​​ការ​ដាក់​​ឱសានវាទ​​របស់​​សមាជិក​​ព្រឹទ្ធសភា​​​អាមេរិក​​​ ​លោក​ ថេត ​ហ្គ្រូស ​​(Ted cruz) ​​ដែល​​​បាន​​​អំពាវនាវ​​​ឲ្យ​​​មាន​​ការ​​​ដោះ​លែង​​​លោក ​កឹម សុខា ​​ប្រធាន​​គណបក្ស​​សង្គ្រោះ​ជាតិ ​ឲ្យ​បាន​​មុន​​ថ្ងៃទី ​០៩ ​វិច្ឆិកា​​​ខាង​​មុខ​នេះ ​​លោក​ ផៃ ស៊ី​ផាន ​​បាន​​លើក​ឡើង​ថា ​គឺ​ជា​​ការ​យល់ច្រឡំ​រប​ស់​សមាជិក​​ព្រឹទ្ធ​សភា​​​អាមេរិក​។ ​ការ​យល់​ច្រឡំ​​នៅ​ត្រង់​ថា ​កម្ពុជា​មិនមែន​ស្ថិតនៅក្រោម​អាណា​និគម​និយម​​របស់​អាមេរិក​នោះទេ ហើយ​អាមេរិក​ក៏​មិន​អាចមក​បង្គាប់បញ្ជារ​លើ​រដ្ឋា​ភិបាល​​​កម្ពុជា​​​បាន​​នោះ​ដែរ។ ​លោក​ផៃ ស៊ី​ផាន បាន​លើកឡើងថា កម្ពុជា​នៅតែ​ឈរ​ពើង​​ទ្រូង ​នៅ​ចំពោះមុខ​ប្រតិកម្ម​ពី​សហគមន៍​អន្តរជាតិ ដើម្បី​ការពារ​សន្តិភាព សន្តិសុខ​ជាតិ ​និង​​វិបុលភាព​របស់​កម្ពុជា។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​នៅ​រាត្រី​នេះ គឺ​លោក គង់ គាំ ទីប្រឹក្សា​ជាន់​ខ្ពស់​គណ​បក្ស​សង្គ្រោះ​ជាតិ និង​លោក សុខ ឥសាន អ្នក​នាំ​ពាក្យ​គណបក្ស​ប្រជាជន​កម្ពុជា​។ លោក​ គង់ គាំ ...

ភ្ញៀវ​របស់​វិទ្យុបារាំង​នៅ​រាត្រី​នេះ​គឺ លោក ហឿន សុភាព តំណាង​សហគមន៍​ការពារ​ព្រៃ​ឡង់ មក​ពី​ខេត្ត​កំពង់​ធំ។ សហគមន៍​ព្រៃឡង់​នៅ​ថ្ងៃ​ទី​២០​ខែ​តុលា បាន​ចេញ​ផ្សាយ​របាយ​ការណ៍​ឃ្លាំ​មើល​អំពី​ការ​កាប់​ព្រៃឈើ​លើក៦ ដែល​មាន​កម្រាស​២០​ទំព័រ។ សហគមន៍​ការ​ពារ​​ព្រៃឡង់​បាន​លើក​ឡើង​ថា បទ​ល្មើស​ព្រៃ​ឈើ​នៅ​ក្នុង​តំបន់​ព្រៃ​ឡង់​នៅ​តែ​បន្ត​កើត​មាន​។ ឆ្លើយ​នឹង​សំណួរ​របស់​វិទ្យុ​បារាំង លោក ហឿន សុភាព គូស​បញ្ជាក់​ថា ការ​កាប់​ឈើ​នៅ​ព្រៃឡង់​ត្រូវ​បាន​បង្វែរ​រូបភាព​ពី​ធំ​មក​តូច​តែ​ធ្ងន់ធ្ងរ​ដូច​គ្នា។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​នៅ​ថ្ងៃ​នេះ​គឺ​លោក​យ៉ន សុភារិទ្ធ ជា​នាយក​គ្រប់​គ្រង និង​ជា​ស្ថាប​និក BizKhmer និង Elite Biz។ នៅ​ថ្ងៃ​នេះ​លោក​សុភារិទ្ធ ...

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​នៅ​យប់​នេះ​គឺ លោក ហៃ ហ៊ុនឡេង អនុ​ប្រធាន​ទី​ភ្នាក់​ងារជាតិ​មុខ​របរ និង​ការងារនៃ​ក្រសួង​ការងារ។ កម្ពុជា នឹង​រៀប​ចំ​ពិព័រណ៍​ការងារ​លើក​ទី​៧នៅ​សប្ដាហ៍​ក្រោយនេះ ដោយ​មាន​ក្រុមហ៊ុន​ចំនួន​១២០​ចូលរួម។​ ក្នុង​នោះ លោក ហៃ ហ៊ុនឡេង គូស​បញ្ជាក់​ថា ពិព័រណ៍​ការងារ​នៅ​ឆ្នាំ​នេះ​ផ្ដោត​លើ​ផលិតភាព​ការងារ​ជា​សំខាន់។

ភ្ញៀវ​ប្រចំាថ្ងៃ​របស់​វិទ្យុ​បារំាងអន្តរជាតិ​នៅ​ថ្ងៃ​ព្រហស្បតិ៍ ទី១៩ តុលា​នេះ គឺ​លោក​សម រង្ស៊ី អតីត​ប្រធាន​គណបក្ស​សង្រ្គោះជាតិ និង​ជា​ប្រធាន​សមាគម​ដើម្បី​លើកតម្កើង​លទ្ធិប្រជាធិបតេយ្យ​នៅ​កម្ពុជា។ ឆ្លើយ​នឹង​សំណួរ​របស់​គួច គន្ធារ៉ា លោក​សម រង្ស៊ី​នៅ​តែ​ជឿជាក់​ថា គណបក្ស​សង្រ្គោះជាតិ​នឹង​មិន​ត្រូវ​រំលាយ​ទេ និង​ថា មាន​តែ​ប្រជារាស្រ្ត​ទេ​ដែល​មាន​សិទ្ធិ​ដក​ហូត ឬ​មិន​ដក​ហូត​អសនៈ​របស់​គណបក្ស​សង្រ្គោះជាតិ។

រដ្ឋាភិបាល​នឹង​បើក​ការដ្ឋាន​សាងសង់​ស្ពាន​ថ្មី​មួយ​កន្លែង​នៅ​ដើម​សប្តាហ៍​ក្រោយ​នេះ។ ស្ពាន​ថ្មី​នេះ ត្រូវ​សង់​ នៅ​ខាង​ជើង​ស្ពាន​ជ្រោយ​ចង្វារ កាត់​ទន្លេសាប ដើម្បី​ត​ភ្ជាប់​ពី​ផ្លូវជាតិ​លេខ​៥​ទៅ​ផ្លូវជាតិ​លេខ​៦​។ នៅ​ក្នុង​នាទី​ភ្ញៀវ​ប្រចាំ​ថ្ងៃ​របស់​វិទ្យុ​បារាំង​នា​រាត្រី​នេះ លោក ម៉េត មាសភក្តី អ្នក​នាំ​ពាក្យ​សាលា​រាជធានីភ្នំពេញ បាន​ឲ្យ​ដឹង​ថា ស្ពាន​ថ្មី​នឹង​អាច​ជួយ​កាត់​បន្ថយ​បញ្ហា​កក​ស្ទះ​ចរាចរណ៍​ចេញ​ចូល​ទីក្រុង​ភ្នំពេញ​បាន​ប្រសើរ​ជាង​មុន។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរជាតិ​RFI នា​រាត្រី​នេះ គឺ​លោក សួន វិសាល ប្រធាន​គណៈមេធាវី​កម្ពុជា។ លោក សួន វិសាល អះ​អាង​ថា ចាប់​ពី​ពេល​នេះ​ត​ទៅ ប្រជាពលរដ្ឋ​ដែល​មាន​ជីវភាព​ខ្វះ​ខាត នឹង​មាន​លទ្ធភាព​ទទួល​បាន​សេវា​ប្រឹក្សា​ផ្នែក​ច្បាប់ និង​មេធាវី​ដើម្បី​តវ៉ា​រឿង​ក្តី​ក្តាំ​នៅ​ក្នុង​តុលាការ តាម​រយៈ​ការ​ដាក់​ពង្រាយ​ការិយាល័យ​មេធាវី សម្រាប់​ជន​ក្រីក្រ នៅ​ទូទាំង​ប្រទេស សូម្បី​តែ​នៅ​តំបន់​ដាច់​ស្រយាល។ តាម​រយៈ​យន្តការ​ថ្មី​របស់​គណៈមេធាវី​កម្ពុជា លោក សួន វិសាល ជឿ​ជាក់​ថា នឹង​ធ្វើ​ឲ្យ​ការ​ដោះ​ស្រាយ​ទំនាស់​របស់​ពលរដ្ឋ កាន់​តែ​មាន​ល្អ​ប្រសើរ​ឡើង។

នៅ​ព្រឹក​មិញ​នេះ សមាជិកសភា​មកពី​គណបក្សកាន់អំណាច​បាន​រួមគ្នា​អនុម័ត​វិសោធនកម្ម​ច្បាប់​ស្តីពី​ការបោះឆ្នោត​ជ្រើសតាំង​តំណាងរាស្ត្រ និង​វិសោធនកម្ម​ច្បាប់​ចំនួន​បី​ផ្សេងទៀត​ដើម្បី​ឲ្យ​មានការ​បែងចែក​អាសនៈ​គណបក្ស​ដែល​ត្រូវ​រំលាយ​ទៅ​ឲ្យ​គណបក្ស​ដទៃ។ ចំពោះ​ការធ្វើ​វិសោធនកម្ម​ច្បាប់​ទាំង​បួន​នេះ លោក​កឹម សុខា ប្រធាន​គណបក្ស​សង្គ្រោះ​ជាតិ​ដែល​កំពុង​ត្រូវបាន​ឃុំខ្លួន​នៅក្នុង​ពន្ធនាគារ​ត្រពាំង​ផ្លុ​ង​មិន​ពេញចិត្ត​ទាល់តែសោះ​ដោយ​ថា មិនអាច​ទទួលយកបាន​នោះទេ។ នេះ​បើតាម​ការបញ្ជាក់​របស់​លោក​មេធាវី​សំ សុ​គង់ នៅក្នុង​បទសម្ភាសន៍​ជាមួយ​វណ្ណ សុគន្ធា បន្ទាប់ពី​លោក​បាន​ទៅ​ជួប​លោក​កឹម សុខា​នៅ​ព្រឹក​មិញ​នេះ។