ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​នៅ​យប់​នេះ​ គឺ​លោក​ស្រីសូ ភីណា ជា​ស្ថាបនិក និង​ជា​ប្រធាន​ក្រុម​រៀបចំមហោ​ស្រព​អក្សរ​សិល្បិ៍​ខ្មែរ​។ ...

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក ម៉ឺន រតនា ប្រធាន​គម្រោង​​នៃ​​អង្គការ​សម្ព័ន្ធ​សហគមន៍​កសិករ​កម្ពុ​ជា (CCFC) ។ អង្គការ​សម្ព័ន្ធ​សហគមន៍​កសិករ​កម្ពុ​ជា (CCFC) កាលពីថ្ងៃទី ១៤ តុលា​បានរៀបចំ​វគ្គ​បណ្ដុះ​បណ្ដាល ស្ដីពី បច្ចេកទេស​​ច​ញ្ជឹ​ម​មាន់​ដល់​សហគមន៍​ចំនួន ២៥ នាក់ ស្ថិតនៅ​ឃុំ​អំពិល​ស្រុក​រមាស​ហែក​ ខេត្តស្វាយរៀង ប៉ុន្តែ​ត្រូវបាន​អាជ្ញាធរ​ហាមឃាត់។ មូលហេតុ​ដោយសារតែ​សមាគម​​​នេះ មិនបាន​សុំ​ការអនុញ្ញាតិ​ពី​អាជ្ញាធរ​ជាមុន និង​ធ្វើតាម​សេចក្ដីណែនាំ​របស់​ក្រសួង​មហាផ្ទៃ។ ប៉ុន្តែ​លោក ម៉ឺន រតនា បាន​កត់សំគាល់ថា កំដៅ​នយោបាយ កំពុង​ជះ​ឥទ្ធិពល​​ដល់​សេរីភាព​នៃ​ការជួបប្រជុំ និង​សេរីភាព​របស់​សមាគម​នៅក្នុង​ប្រទេស​កម្ពុជា ដែល​ធានា​ដោយ​ច្បាប់​ជាតិ និង​អន្តរជាតិ​នោះ កំពុងតែ​រួម​តូចទៅ។

គណៈកម្មការ​ជាតិ​អូឡាំពិក​កម្ពុជា ​គ្រោង​នឹង​បង្កើត​ទូរទស្សន៍​កីឡា​ជា​លើក​ដំបូង ​ដើម្បី​ត្រៀម​ធ្វើការ​ផ្សព្វផ្សាយ​ពី​សកម្មភាព​កីឡា​កម្ពុជា​និង​ផ្សព្វផ្សាយ​ព្រឹត្តិការណ៍​កីឡា​ស៊ី​ហ្គេម​ឆ្នាំ២០២៣​ ដែល​កម្ពុជា​ធ្វើជា​ម្ចាស់​ផ្ទះ​។ ​អគ្គលេខា​ធិការ​គណៈកម្មកា​រ​ជាតិ​អូឡាំពិក​កម្ពុជា ​លោក ​វ៉ា​ត់ ចំរើន ​បាន​ឲ្យ​ដឹង​ថា​ ការ​បង្កើត​ទូរទស្សន៍​កីឡា​នេះ​ឡើង ​មាន​សារៈសំខាន់​ណាស់ ​ក្នុង​ការ​ជួយ​បង្កើន​សមត្ថភាព​កីឡាករ​ កីឡា​ការិនី​ខ្មែរ​ផង ​និង​ជួយ​ឲ្យ​កម្ពុ​ជា​មាន​វិស័យ​សោធទស្សន៍​ផ្នែក​កីឡា​ផង ​ក្នុង​នាម​ជា​សមាជិក​កីឡា​អូឡាំពិក​អន្តរជាតិ​។

ភ្ញៀវ​ប្រចាំថ្ងៃ​របស់​វិទ្យុ​បារាំង​អន្តរជាតិ RFI នៅ​រាត្រី​នេះ គឺ​លោក សុខ ឥសាន អ្នក​នាំ​ពាក្យ​​គណបក្ស​ប្រជាជន​កម្ពុជា។ ឆ្លើយតប​នឹង​ការរិះគន់​ជុំវិញ​សេចក្តីស្នើ​វិសោធនកម្ម​ច្បាប់​​ចំនួន​​បួន ដែល​ឈានទៅ​បែងចែក​អាសនៈ​គណបក្ស​សង្គ្រោះ​ជាតិ ទៅ​ឲ្យ​គណបក្ស​នយោបាយផ្សេងៗនោះ លោក សុខ ឥសាន បាន​លើកឡើងថា គណបក្ស​ប្រជាជន​​កម្ពុជា​​គ្រាន់តែ​បំពេញ​តួនាទី​របស់ខ្លួន ដើម្បី​ធានា​ឲ្យ​មាន​ការគោរព​នីតិរដ្ឋ​នៅ​កម្ពុជា​​ប៉ុណ្ណោះ។ លោក​បាន​ច្រានចោល​ថា សំណើ​វិសោធនកម្ម​ច្បាប់​ថ្មី​ទាំង​បួន ដែល​កំពុង​ស្ថិត​នៅក្នុង​ដៃ​គណៈកម្មការ​ជំនាញ​ផ្នែក​នីតិកម្ម​និង​យុត្តិធម៌​នៃ​រដ្ឋសភា​សិក្សា​នេះ មិន​មែន​​ជាការ​កាត់​ក្បាល​តម្រូវ​មួក​នោះទេ។

រដ្ឋាភិបាលវៀតណាម កាលពីថ្ងៃអង្គារ ​បាន​អំ​ពាវ​នាវ​ដល់​រដ្ឋា​ភិ​បាល​កម្ពុជា ធា​នាសិទ្ធិ​ស្រប​ច្បាប់​ដល់​ជន​អន្តោ​ប្រវេសន៍​របស់​ខ្លួន​ដែល​កំ​ពុង​រស់​នៅ​លើ​ទឹក​ដី​ខ្មែរ​។​ ប្រតិកម្ម​នេះ ធ្វើ​ឡើង​ជា​ការ​ឆ្លើយ​តប​ទៅ​នឹង​​​ចំណាត់ការរបស់​កម្ពុជា ដែល​ប្រកាស​ដក​ហូត​ឯកសារ​មិន​ស្រប​ច្បាប់​ពីជនបរទេស​ចំនួន​៧ម៉ឺន​នាក់ ដែល​ភាគ​ច្រើន​ជា​ជនជាតិ​វៀតណាម​​។ យ៉ាង​ណា​ក៏​ដោយ ឆ្លើយ​នឹង​សំណួរ​របស់​វិទ្យុ​បារាំង​អន្ដរជាតិ RFI អ្នកនាំ​ពាក្យអគ្គនាយក​ដ្ឋានអន្តោ​ប្រវេសន៍​កម្ពុជា លោក កែវ វណ្ណថន អះអាងថា ចំណាត់​ទៅ​លើ​ជនអន្តោ​ប្រវេសន៍គឺធ្វើ​ឡើងដោយ​គោរពសិទ្ធិ​មនុស្ស និង​គ្មាន​ការរើស​អើង​ឡើយ។

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិ​នៅ​ថ្ងៃ​នេះ​ គឺ​លោក​ហង្ស ពុទ្ធា​ អ្នក​នាំ​ពាក្យ​គណៈកម្មាធិការ​ជាតិ​រៀប​ចំការ​បោះ​ឆ្នោត (គ.ជ.ប) ។ លោក​ហង្ស ពុទ្ធា បាន​ឆ្លើយ​តប​នឹង​ការ​លើក​ឡើង ...

កូន​ស្រី​សកម្មជន​ការពារ​សិទ្ធិ​មនុស្ស​នៃ​សមាគម​អាដហុក ចំនួន​២​រូប​បាន​ទៅ​ដល់​ទី​ក្រុង ហ្សឺណែវ ប្រទេស​ស្វីស​ហើយ ដើម្បី​ចូល​រួម​ការ​ប្រកាស​លទ្ធផល​ចុង​ក្រោយ​នៃ​ការ​ផ្តល់​ពាន​រង្វាន់​សិទ្ធិ​មនុស្ស​អន្តរជាតិ Martin Ennals Award ដែល​នឹង​ធ្វើ​ឡើង​នៅ​ថ្ងៃ​អង្គារ​ស្អែក។ អ្នក​ទាំង​ពីរ​តំណាង​ឲ្យ​មន្ត្រី​ទាំង​៥​រូប ដែលនឹង​ប្រជែង​ជាមួយ​បេក្ខជន​សិទ្ធិ​មនុស្ស​មក​ពី​អេហ្សីព​និង​អែលសាវ៉ាដ័រ។ លោក ស៊ឹង សែន​ករុណា មន្ត្រី​ជាន់​ខ្ពស់​សមាគម​អាដហុក​ ថ្លែង​ថា​សកម្មជន​ទាំង​៤​រូប និង​អគ្គលេខាធិការ​រង គ.ជ.ប ១​រូប នឹង​អវត្តមាន​នៅ​ក្នុង​ពិធី​នេះ ដោយ​សារ​ពួក​គេ​ត្រូវ​បាន​ហាម​ឃាត់​ដោយ​តុលាការ​ក្នុង​ការ​ចាក​ចេញ​ទៅ​ក្រៅ​ប្រទេស។

ក្រោយ​ពី​ការ​ឯក​ភាព​ដំឡើង​ប្រាក់​ឈ្នួល​អប្បបរមា របស់​កម្មករ កម្មការិនី នៃ​វិស័យ​វាយនភ័ណ្ឌ កាត់ដេរ និង​ផលិត​ស្បែក​ជើង រហូត​ដល់​ ១៧០ ដុល្លារ។ តំណាង​សហជីព​កម្ពុជា ...

ភ្ញៀវ​ប្រចាំ​ថ្ងៃ​របស់​វិទ្យុ​បារាំង​អន្តរ​ជាតិRFI នៅ​រាត្រី​នេះ គឺ​លោក សំ វិទូ ប្រធាន​អង្គការ សេដាក។ អង្គការ​សេដាក​គឺ​ស្ថាប័ន​មួយ​ធ្វើ​ការ​ងារ​ពាក់ព័ន្ធ​កសិកម្ម។ ជុំវិញ​ការ​លើក ឡើង​របស់​ប្រមុខ​រដ្ឋាភិបាល​ដែល​ជម្រុញ​ពលរដ្ឋ​ឲ្យ ពហិកា​បរិភោគ​បន្លែ​គីមី​នោះ​លោក សំ វិទូ ថា​នេះ​ជា​រឿង​មួយ​មិន​អាច​ទៅ​រួច​ទេ។ ប៉ុន្តែ​ជម្រើស​ល្អ ពលរដ្ឋ​គួរ​តែ​ផ្លាស់​ប្ដូរ ទម្លាប់​នៃ​ការ​បរិភោគ និង​បង្កើត​ទម្លាប់​ដាំ​ដុះ​ជាលក្ខណៈ​គ្រួសារ ទើប​ជា​កត្តា​សំខាន់​ក្នុងការ​បន្ថយ​ការ​បរិភោគ​បន្លែ​គីមី បាន។

យោង​តាម​ពាក្យ​បណ្តឹង​របស់​គណបក្ស​ហ្វុ​ន​ស៊ីន​ប៉ិច ​និង​គណបក្ស​យុវជន​កម្ពុជា ​ដែល​ប្តឹង​ទៅកាន់​ក្រសួង​មហា​ផ្ទៃ​នៅ​ថ្ងៃ​នេះ ​ក្រសួង​មហា​ផ្ទៃ​បាន​សម្រេច​ប្តឹង​ទៅ​តុលាការ​កំពូល​ដើម្បី​រំលាយ​គណបក្ស​សង្គ្រោះ​ជាតិ​។ ​លោក​បណ្ឌិត​មាស នី ​អ្នក​សិក្សា​ស្រាវជ្រាវ​ការ​អភិវឌ្ឍ​សង្គម​ថ្លែង​ប្រាប់​វិទ្យុ​RFI​ ថា​លោក​មាន​ជំនឿ​ថា​បើ​តុលាការ​ចាត់ការ​នោះ ​រដ្ឋាភិបាល​នឹង​ត្រូវ​ឈ្នះ​ក្តី​ដោយ​ស្វ័យប្រវត្តិ​។ ​ដោយឡែក ​លោក​ មាស នី​ បញ្ជាក់​ថា​ភាព​ស្របច្បាប់​របស់​រដ្ឋា​ភិ​បាល​នឹងត្រូវ​មាន​ការ​ចោទសួរ​ ប្រសិន​បើ​ការ​បោះឆ្នោត​មួយ​មិន​មាន​ការ​ចូលរួម​ដោយ​ស្មើភាព​។