Marie Gales, Pascal Becker, Jacques Kapp, Lucien Czuga an hiren Invité iwwer schwéier Accidenter, e Wackeldackel, de Politmonitor an de neie Papamobil

Marie Gales, Pascal Becker, Jacques Kapp, Gérard Valerius an hir Invitée iwwer Chrëschtmäert, ChatGPT, Botox, Psychopaten a Banannen

Marie Gales, Pascal Becker, Lucien Czuga, Jacques Kapp an de Gérard Valerius iwwer Trump, Dubai Schockela, Kommiounen an d'Piraten

Marie Gales, Pascal Becker, Lucien Czuga, Jacques Kapp an de Gérard Valerius iwwer de CGDIS, Football an d'Mierschwéngercher

Marie Gales, Al Ginter, Lucien Czuga, Jacques Kapp an de Gérard Valerius iwwer d'Caritas, de Poopst, d'Piraten an all déi Verstuerwen

Marie Gales, Al Ginter, Lucien Czuga, Jacques Kapp an de Gérard Valerius iwwer d'Skandaler vu Caritas bis Croix-Rouge, den Trump an d'Visitte vum Poopst

All 2 Wochen raumen si op. Alles dat wat anerer ënner den Teppech kieren huelen si, Stëbskär fir Stëbskär, do eraus a schaffen et op. Si weisen mam Fanger op Saachen déi net sou gelaf sinn wéi se sollen, a nennen Leit mam Numm déi géint d'Reegelen verstouss hunn. Fir dës Sisyphusaarbecht huet d'Marie Gales kompetent Leit zu senger Säit mam Jacques Kapp, Lucien Czuga, Pascal Becker, Gérard Valerius a Christiane Kremer.

Sou wéi d'EU-Staats- a Regierungscheffen reegelméisseg zu Bréissel zesumme kommen, fir hir Point-de-vuen auszetauschen, sou begéinen déi heiten 5 sech am Prinzip all 2 Wochen fir e klengen Austausch ze maachen wat d'Aktualitéit hier ginn huet. Wéinst dem Nationalfeierdag sinn awer elo, zanter hirer leschter Entrevue, schonn 3 Wochen vergaangen. Wat behale se zréck, wat hu se ze luewen a wat ze kritiséieren? Ronderëm den Studiosdësch sinn et de Jacques Kapp, Pascal Becker, Gast Waltzing, Gérard Valerius an d'Marie Gales.

Wat d'Kommentatoren beim Fussball oder de 'Statler an de Waldorf' bei de Muppets, dat sinn si hei um Radio. Soubal een hinnen e Mikro gëtt dann geet et lass mat soueren, knouteren, maulen a meckeren. Vum Wieder iwwer d'Politik bis bei d'Kinnekshaiser an de Sport. Keen a näischt ass sécher virun hinnen an hirem Réckbléck op déi lescht 14 Deeg. Beim Marie Gales sinn den Al Ginter, Roland Meyer, Jacques Kapp an de Gérard Valerius.

Opgewiermtes schmaacht meeschtens nach besser, an dofir gëtt och elo an der nächster Stonn d'Aktualitéit opgekacht. A genuch Sujeten drängen sech quasi op, et kritt een se souzesoen um 'Plateau zerwéiert'. Et kéint een zB iwwer d'Europawale schwätzen, oder d'Visitt vum Poopst? D'Kläpperei zu Déifferdeng kéint een uräissen oder de Findel wou een de Stecker gezunn hat. Genuch Gespréichs- oder Sprengstoff bis Mëtteg fir de Jacques Kapp, Lucien Czuga, Pascal Becker, Gérard Valerius an d'Marie Gales.