RTL - Hollywood Reporter

Eisen Hollywood Reporter beschäftegt sech haut mat den Hobbie vun amerikanesche Schauspiller, wa se an d'Pensioun ginn oder sech anerwäerts betätege wëllen. Do schéngt een Hobby besonnesch ervirzestiechen.

Wat seet d'Prominenz nodeems den Trump Präsident ginn ass? De Pit Biwer huet zu Hollywood nogefrot.

Den Hollywood Reporter Pit Biwer hat den Arnold Schwarzenegger virum Mikro a kuckt op eng Rëtsch Acteuren, och Actricen, zeréck déi scho mol d'Roll vum amerikanesch President, heiansdo och Presidentin, gespillt hunn.

Wéi lieft eng Actrice, wéi d'Julia Roberts a wéi ass et, wann een als Actrice ëmmer an ëmmer erëm mat just engem Film a Verbindung bruecht gëtt, dem Pretty Woman. E Film deen am Ufank en anert Enn sollt kréien.

Wéi ass et, wann een eng Koppel ass a reegelméisseg zesumme virun der Kamera steet. De Pit Biwer gëtt en Abléck an d'Liewe vu Schauspiller déi och virun der Kamera matenaner ze dinn hunn. Wéi glécklech oder onglécklech sinn déi Bestietnesser?

No laanger Zäit kann een den Robert Downey Jr. erëm um Broadway gesinn an dat am Stéck McNeal an och den Denzel Washington stoung nach viru kuerzem um Broadway op der Bün. Hien huet dem Pit Biwer awer och Detailer iwwert den neien Gladiator 2 verroden.

De Pit Biwer huet haut en neie Spin-off vun der beléifter Serie "Navy CIS" mat dobäi. Produzéiert gëtt "Navy CIS: Origins" vum Mark Harmon selwer. Ausserdeem konnt den Hollywood Reporter Dréiaarbechte fir "Navy CIS: L.A." viru senger Hausdier materliewen!

Haut gedenkt de Pit Biwer engem bekannten Acteur, deen eis viru 20 Joer verlooss huet: de Christopher Reeve. De Mann, deen als Superman berüümt gouf, hat säi Liewen duerch en trageschen Accident mat engem Päerd komplett verännert. De Pit Biewer erënnert sech un en Interview zeréck, deen hien deemools mam Christopher Reeve gefouert huet. Wat huet den Acteur trotz sengem schwéiere Schicksal besonnesch staark gemaach a wat huet hien als seng gréisst Succèsen betruecht? Den Hollywood Reporter deelt seng Erënnerungen un dëse besonneschen Interview.

Forrest Gump, e Filmklassiker deen de Public op eng subtil Aart a Weis duerch dräi Joerzéngten USA-Geschicht féiert. De Schauspiller Tom Hanks spillt d'Haaptroll an dësem aussergewéinleche Wierk. Elo, 30 Joer méi spéit, kuckt de Pit Biwer op d'Produktioun zeréck an erkläert de Succès vum Film, deen ënnert Anerem ënnert enger gudder Ambiance gedréit gouf.

Et gëtt Leit, déi hu méi en ongewéinlechen Wee hannert sech fir zu Hollywood Fouss ze faassen. Am Beispill vum Pit Biwer, féiert de Wee, iwwert d'Mafia an d'Schauspillerei.