早喺1931年，日本就藉由九一八事變控制中國東北地區，更喺1932年協助成立偽滿洲國，所以直到1945年，日本已經起碼侵佔中國東北達15年之久。喺1941年日本更氣勢洶湧地宣佈「大東亞戰爭」，就係想以中國東北作為跳板，一統整個東亞。佔領嘅時間同野心，顯示當時日本陸軍嘅軍人並無任何打算放棄中國東北。

決心投降嘅裕仁天皇同內閣當然知道士兵同人民會對投降感到無所適從，所以天皇作出咗史無前例嘅舉動──喺1945年8月15日正午時分，天皇本人去朗讀《終戰詔書》，要求人民同軍隊停戰，史稱「玉音放送」。當日，係日本人民第一次耹聽到天皇嘅聲音。而「玉音放送」嘅出現同日本投降，決定天皇自始要一步步褪去神聖。

今集，我哋就係要透過《日本最漫長的一天》同孫崎 亨嘅《戰後的日美同盟真相》，講述唔同嘅軍人點樣面對天皇嘅「玉音放送」，呢一日點樣改變日本國體、以及原型最後嘅綻放同殞落。

今集內容包括：

1. 「宮城事件」嘅經過同結果