孫文嘅一生受到中西文化深深影響，佢讀《聖經》時不忘去睇英文版嘅四書五經；講共和不忘孟子二程；讀醫但係用「生元」翻譯細胞；講國民革命但又深受太平天國影響。

呢一個被中西文化不斷衝擊嘅頭腦，最終建構出一個相當龐大嘅政治藍圖，即係依家嘅人仲會聽過下嘅「三民主義」、「五族共和」、「五權憲法」。

而講咁多三民五權，都只係為咗一個理想──喺當時引入「共和」概念到中國。

上集我哋講到亞里士多德對共和嘅理解，大致了解共和由古代嘅支持階級，變成近代嘅打破階級。孫文就唔滿足於近代共和，提出含有中國文化嘅共和制度，亦即係儒家式嘅現代共和。

我哋會簡單睇睇孫文童年同求學時期嘅經歷，再睇下佢所提出嘅儒家式現代共和有咩咁特別，你就會明白西方精神有咩缺陷、而中國古代精神又有咩可取之處。

今集內容包括：

1924年，孫中山喺《三民主義》中講過：「真正的三民主義，就是孔子所希望之大同世界。」你又知唔知道點解佢咁講？