今集係宇宙與歷史嘅第三部曲，唯一與進程嘅上部分（由於我寫得太長，會分上下集出，今集係上集，會講正文嘅內容，下集會講講結語）

喺第二部曲，時間與反覆，我哋提到初民會將一切事件消融到範疇當中，咁係因為佢哋面對住嚴峻嘅生存環境，所以渴望真實嘅中心去給予保證。

苦難係一個重要課題，係實在嘅個體感覺，遇到洪水旱災、暴風山火、勞役......就會受到切身嘅肉體痛苦。但人除咗肉體會受苦，更會喺精神上製造痛苦，呢個就係人所擁有嘅獨特嘅痛苦──罪惡感，呢一種精神上嘅痛苦為自己嘅過錯、為未來嘅擔憂，一直折磨住人。初民為咗解除肉身同精神上嘅痛苦，進入到神話嘅輪迴當中，望向神明、將自己消融到神明當中。

我哋可以問，神話嘅輪迴點樣解除初民嘅痛苦？神話嘅輪迴有咩變體？初民喺咩契機之下走出輪迴呢？走出神話嘅輪迴點解有可能為人帶嚟痛苦？呢四個問題就係我哋今集想解答嘅目標。

今集內容包括：

1. 初民點樣用苦痛原型同因果業力去理解苦痛嘅源頭