Samfélagið

Heiða María Sigurðardóttir dósent í sálfræði við Háskóla Íslands, doktor í taugavísindum og ein forsvarsmanna Rannsóknamiðstöðvar um sjónskynjun: Hvað er les- og skrifblinda? Hvers vegna hrjáir það fólk og er eðlilegt að það verði fyrir aðkasti vegna þess? Nýverið gaf Bubbi Morthens út textaverk sem hann kallar: Veggur hinna skrifblindu, en þar má sjá búta úr glósubók sem hann samdi marga af sínum frægustu textum í. Mikið er um stafsetningarvillur í textunum, enda Bubbi les- og skrifblindur, en hann segist ekki skammast sín lengur fyrir það og því fái allar villur að standa óbreyttar. Heiða útskýrir hvernig slík blinda virkar og hvort hún segi til um getu fólks á einhverju öðru sviði. Elín Agla Briem: Grannaheimsókn. Elín flutti nýlega úr strandasýslu til reykjavíkur, úr gamla kaupfélagshúsinu í norðurfirði, og í gömlu hverfisbúðina í skjólunum í vesturbæ. Páll Jakob Líndal, umhverfissálfræðingur flytur pistil um áhrif umhverfis á fólk og líðan þess.

Kristín Helga Guðmundsdóttir, Konukoti: Konukot er með flóamarkað á fimmtudögum í desember til styrktaar starfsseminni. Rætt um markaðinn og starfsemi Konukots. Eiríkur Þorsteinsson trétæknir: Rætt við eirík um íslenskan við sem nytjavið. Hver eru gæðin, í hvað má nota hann og í hvað er hann notaður nú. Vera Illugadóttir: Segir frá nýjum myndtáknum eða tjáknum hjá símfyrirtækjunum.

Margrét Valdimarsdóttir afbrota- og félagsfræðingur: Margrét segir frá íslenskri rannsókn á viðhorfi til innflytjenda og hvernig það tengist löndum þar sem múslimar eru í meirihluta. Þórkatla Aðalsteinsdóttir sálfræðingur: Þórkatla ræðir frásögn dóttur af föður sínum sem lent hafði í slysi, reyndi að stunda vinnu en mætti ekki miklum skilningi hjá vinnufélögum. Emilía Borgþórsdóttir: Umhverfisspjall um jólahaldið.

Karen Rut Gísladóttir dósent við menntavísindasvið HÍ: kennarastarfið, eðli þess, rammi og framgangur. Karen kom að skrifum á nýrri bók um kennarastarfið, verkefnin sem þeir standa frammi fyrir og þau áhrif sem þau hafa á þá sjálfa og nemendur. Rósa María Hjörvar segir frá doktorsverkefni sínu í bókmenntafræði þar sem hún kannar hvaða tilgangi reiði þjónar í íslenskum samtímabókmenntum - en margar íslenskar skáldsögur einkennast af og eru drifnar áfram af reiði sögupersóna. Edda Olgudóttir fjallar um gyllta banana í vísindaspjalli dagsins.

Aðalheiður Hreinsdóttir, frumkvöðull: Fyrirtæki Aðalheiðar LearnCove hlaut nýsköpunarverðlaun Arctic Future Challenge á dögunum, þar er um að ræða hugbúnaðarlausn í kennslu sem gagnast bæði kennurum og nemendum. Geir Gunnlaugsson prófessor í hnattrænni heilsu og Elín Broddadóttir aðstoðarmaður við rannsóknir hjá HR: Viðhorf Íslendinga til mannúðaraðstoðar og þróunarsamvinnu. Nýverið birtist rannsókn á þessu, en þar kemur fram að um fjórðungur Íslendinga hafði neikvætt viðhorf til þess þegar íslensk stjórnvöld settu þróunaraðstoð til vestur - Afríku vegna ebólufaraldurs sem þar geisaði. Friðrik Páll Jónsson: Frönsk stjórnvöld létu í gær undan þrýstingi almennings og fjölmiðla og ákváðu að umdeild grein í frumvarpi um öryggis- og lögreglumál skyldi endursamin. Helstu fjölmiðlar Frakklands höfðu harðlega gagnrýnt 24.grein laganna og krafist þess að hún yrði tekin út, og tugir þúsunda manna mótmæltu lögunum og lögregluofbeldi á útifundum á laugardag

Victor Berg Guðmundsson, framkvæmdastjóri Samfés. Starfsemi ungmennahúsa og félagsmiðstöðva hefur breyst töluvert vegna Covid en nú er mikil áhersla lögð á vefviðburði og hittinga, eitthvað sem mörg börn og ungmenni finna sig vel í. Margrét Ágústa Sigurðardóttir, lögfræðingur og tveggja barna móðir í Vesturbænum: Á síðustu mánudögum hefur Samfélagið heimsótt fólk, Halla Harðardóttir fer til nágranna sinna og ræðir við þá um ýmislegt. Að þessu sinni sækir hún Margréti nágrannakonu sína heim og ræðir við hana um Einarsbúð, hverfisbúðinna sem fjölskylda hennar verslaði í þegar hún var að alast upp. Páll Líndal, umhverfissálfræðingur með pistil um áhrif umhverfis á sálarlíf, upplifun og líðan.

Runólfur Ólafsson framkvæmdastjóri FÍB: Samkvæmt úttekt FÍB eru bílatryggingar 50 - 100 prósent dýrari hér en á hinum Norðurlöndunum. Hversvegna er það svo? Rebekka Guðmundsdóttir borgarhönnuður: Samfélagið fer niður í miðbæ Reykjavíkur, nánar tiltekið í Fógetagarðinn að einu elsta tré Reykjavíkur, sem er upplýst þessa dagana með bláum ljósaperum, og forvitnast þar um jólaskraut en borgin hefur aldrei skreytt jafn mikið og í ár. Með aukinni lýsingu og skrauti vill borgin létta lund íbúanna á tímum farsóttarinnar. Vera Illugadóttir: Segir frá kalkúnuanáðun í Bandaríkjunum og kalkúninum Gerald.

Elísabet Herdís Brynjarsdóttir, hjúkrunarfræðingur og verkefnastýra Frú Ragnheiðar: Elísabet var nýlega valin framúrskarandi ungur Íslendingar en hún hefur vakið athygli á aðstöðu fólks með fíknivanda og mikilvægi þess að bjóða upp á örugg neyslurými og skaðaminnkandi úrræði. Aníta Elefsen :Salthúsið í Síldarminjasafninu á Siglufirði á að baki langt ferðalag í tíma og rúmi en gengur nú í endurnýjun lífdaga í anda endurnýtingar og sjálfbærni. Hildur Oddsdóttir: Hildur heldur úti félagi sem hjálpar fátækum jólasveinum með skógjafir. Stefán Gíslason : Stefán hugar að þessu sinni að jólaneyslu og kaupum tengdum tilboðsdögum eins og svörtum föstudegi.

Hjalti Björnsson fráfarandi formaður Flugbjörgunarsveitarinnar: Flugbjörgunarsveitin er 70 ára, rætt um starfið og útivistina sem á hug Hjalta Arna Ýrr Sigurðardóttir, prestur í Grafarvogskirkju: Kirkjan í covid og jólahátíðin framundan. Edda Olgudóttur með vísindaspjall um áhrif mannsins á þróun blóma

Álfheiður Ingadóttir líffræðingur og ritstjóri Náttúrufræðingsins Náttúrufræðingurinn er alþýðlegt fræðirit um náttúrufræði og fagnar 90 ára afmæli í ár. Rætt við Álfheiði um fræðilegan framgang fræðigreinarinnar, erindi náttúruvísinda við almenning og framtíð miðlunnar á þekkingu úr þeim ranni. Ásdís Hlökk Theodórsdóttir, forstjóri Skipulagsstofnunar: Rætt verður um skipulagshugmyndir um 20 mínútna bæinn og hvaða ávinningar fylgja þeim og hvernig loftslagsmál, landslag og lýðheilsa verða hluti af skipulagsákvörðunum. Friðrik Páll Jónsson með pistil um erlenf málefni: Michigan-ríki í Bandaríkjunum tilkynnti formleg úrslit forsetakosninganna í gær, og þar með virðist endi bundinn á tilraunir Trumps Bandaríkjaforseta til þess að snúa úrslitunum sér í hag. En hann hefur ekki enn viðurkennt sigur Bidens