Sesión que só incluiu dous puntos na orde do día: a aprobación da acta do pleno anterior e a aprobación definitiva dos orzamentos municipais para o 2015, desestimando logo do debate as alegacións presentadas no rexistro municipal polo Partido Popular con data de 13 de xaneiro.

Primeira sesión ordinaria do ano 2015 na que se trataron, entre outros asuntos, a aprobación do convenio de cesión de parte da antiga casa consistorial á Garda Civil e a modificación de varios puntos do regulamento da Escola Infantil Municipal. O BNG presentou dúas mocións, unha relativa ás novas condicións de adhesión a SOGAMA e outra solicitando unha tarifa eléctrica galega.

Sesión na que se debateron, entre outros asuntos, o acordo de deslinde co concello de Moeche e os orzamentos municipais para 2015, que se aproximan aos 2.8 millóns de euros.

Sesión na que se aprobaron, entre outras cousas, as obras que se acometerán con cargo ao POS provincial en 2015 así como a modificación de varias ordenanzas para incluír as bonificacións do Carné Xove.

Sesión ordinaria do pleno municipal na que se incluíron, entre outros asuntos de trámite a convalidación do regulamento da escola infantil municipal, a información sobre o estado de execución do orzamento municipal, a solicitude de prorrogar a devolución dos cobros indebidos pola participación nos tributos do Estado. No apartado de rogos e preguntas destacou o debate sobre o convenio urbanístico suscrito en 2007 coa antiga cooperativa de San Sadurniño.

Programa especial "Voces de Galicia" emitido por Radiovoz desde San Sadurniño co gallo da inauguración da nova casa consistorial no antigo edificio do Pazo da Marquesa. O programa -de 2 horas de duración- conduciuno a xornalista Antía Díaz e realizouse no peristilo do edificio o día 2 de xullo de 2014, festivo local de Santa Isabel.

Pleno Municipal Ordinario no que se abordaron como principais puntos a aprobación da ordenanza reguladora da taxa polos servizos da escola infantil municipal e o primeiro convenio colectivo para o persoal laboral do Concello.

Sesión ordinaria do Pleno Municipal, na que se abordaron 9 puntos: o incremento do orzamento de 2014, a provisión de fondos para un convenio coa UDC Narahío para obras no local social da entidade, o acordo para complementar as incapacidades temporais do persoal laboral e unha moción do BNG sobre a modificación do modelo de Estado.